اهل طليقتى والتلاعب بالطفله
 

تركت زوجتى المنزل بدون ادنى سبب وكانت تعامل بما يرضى الله ولكن تدخل امها وحب سيطريتها هيا اللى عملت كده وذهبت الى بيت اهلها ورفعت عليا ثلاث قواضى نفقه وتمكين ومنقولات واخدت حكم عليا ب سنتين حبس فى قضيه المنقولات فى نهايه الامر تم الطلاق على الابراء وتم كتابه عقد ينص على نفقه مقابل المسكن ونفقه الصغير وتنازلها على كافه القواضى واستلام قائمه المنقولات ورؤيه الطفل من الساعه 2 الى الساعه 8 فى مكان عام حسب القانون بمعنى ان القانون ينص على رؤيه الطفل فى مكان عام فقط ومينفعش نكتب فى منزل الاب عشان العقد لا يفسد ولكننا اتفقنا انى هاخد الطفل البيت وليس فى مكان عام وقال لى ابوها اطلب بنتك فى اى وقت وسيبك من العقد والكلام ده ده حق ربنا وحقكك تشوف بنتك واستلمت مؤخرها كامل وقائمه المنقولات كامله وتم طلاقها بما يرضى الله
جيت عشان اشوف بنتى قالى هتشوفها فى مكان عام او روح شوفها فى المحكمه وانكر كل الكلام اللى حصل سبته ومشيت لانى مش مسجون وبنتى ثلاث سنوات هتيجى تشوفنى فى حديقه السجن انا راجل محترم بيحاولوا يلوى دراعى بالبنت لانى اعتقد انهم مكنوش عاوزين طلاق بس الموضوع قلب بجد لانى كنت معيش بنتهم كويس وكانوا بيقولوا عليا زوج مثالى ما الحل
اتصلت بالمحامى تبعهم عشان ادفع النفقه ولكنى طلبت ان ابى او اخى يشوفها وهيا بتمضى على وصل استلام النفقه عشان منخشش فى متاهات رفضوا ولم يتم الرد عليا حتى الان ما الحل وماذا افعل فى هذه الحاله
برغم كل افعالها كنت بفكر انهم لو طلبوا يرجعوا ابقى ارجعها عشان خاطر الطفله فقط فقط فقط ولكن بعد موضوع التلاعب بالطفله كرهتها اكتر ومبقتش متخيل انى اقدر ارجعها حتى عشان الطفله فهل لما افكر اتجوز بعد شهرين تلاته مثلا اعمل محاوله لارجعاها ولا مفكرش فى الموضوع ده خااالص وازاى تتم هذه المحاوله دون اهدار كرامتى لانهم هيفكروا انى راجع مذلول عشان الطفله ومش قادر استغنى عن طليقتى لانهم يعلموا مدى حبى لبنتى خصوصا ان فعلا لا يوجود فى كل عيلتها رجل رشيد كلهم نفس دماغها
ارجوا الرد واللى عنده تجارب ممثاله مع اهالى مسيطره زى اهل طليقتى يحكيلى

رد: اهل طليقتى والتلاعب بالطفله
 

بنتك من حقك تشوفها ، مالها شغل ف طلاق انتو انفصلتوا خلاص
اذا ينفع ارسل لها رساله اذا هي عاقله وقول لها يابنت الناس البنت لازم اشوفها عشان مصلحتها وتنشى تربيه صالحه

رد: اهل طليقتى والتلاعب بالطفله
 

بعتلها رساله على الواتس عملتلى حظر قولتلها بنتى خارج اى مشاكل عشان نفسيتها وتربيتها وانتى خريجه رياض اطفال وفاهمه بس مردتش وعملت حظر

رد: اهل طليقتى والتلاعب بالطفله
 

لا حول ولا قوه بعض المطلقات والمطلقين ربنا ينور بصيرتهم يحطول الاطفال انتقام من الثاني ماتدري زي ما الطلاق اثر عليكم بياثر ع بنتكم
عموما اصبر شوي وان شالله تمشي الاموار ع خير والبنت مو المحكمه تحدد لك تشوفها هذي بنتك سلامات
الله يقويك ان شاءالله وتشوف بحضنك وبين إيدك يارب