|
نفسي احقق حلم امي .....
السلام عليكم ورحمه الله
اتمنى تكونوا باحسن حال والدتي اطال الله بعمرها على طاعته عندها حلم ودايم تقول لو عندي فلوس سويته بخاطرها حبيبتي مره تعرفون لما يكون عندكم حلم يراودكم وتفكرون فيه دايم امي حلمها تبني مسجد لما سمعت عن واحد جار لنا قبل وفاته باع بيته وزع فلوس على عياله واخذ جزء وبنى فيه مسجد مره كانت غابطته ومعجبه بعمله وتقول هذا الشي الي بينفعه ولا الدنيا حتى العيال ماينفعونك زي ماتقدم شي قدامك طبعا عشان تبني مسجد عندنا شي مكلف مره مره ولاهو باستطاعتنا ولا استطاعتها حاليا حبيبتي تجمع فلوس وتحاول لكن لتوصل للرقم المطلوب لسه باقي لها اقترحت تبني برى لكن هي جد بخاطرها تبنيه هنا وتصلي فيه وتشوفه وتدخله وتحضر فيه دروس كذا الحلم بخيالها زي الي يحلم يكون طبيب ويلبس روب الطبيب ويتخيل عشان كذا مش متحمسه كثير لبناء مسجد برى مع انها حاطته احتمال ثاني اذا ماتحقق حلمها وسبب ايضا تخوفها من بناء مسجد بالخارج هو ان بعض المساجد التي بينت بالخارج اسيء استخدامها تحولت لسكن عادي او حتى ماانبنت بالاساس واللجنه تلعب على الناس والله اعلم بخاطري احقق حلم امي |
رد: نفسي احقق حلم امي .....
باب الخير يامبتعثه مومحصور على عمل معين
اعطاء المال للمحتاجين اووعمل وقف ينفع المحتاجين برائي اكثر منفعه لان المساجد ماشاء الله منتشره اقنعي والدتك بباب خير اخر اطرحي لها افكار اخراء |
رد: نفسي احقق حلم امي .....
طرحت عزيزتي نورتي
وهي الحمدلله تقوم باعمال خير متنوعه الله يتقبل منها لكن هذا حلمها من زمان وهالفتره يراودها كثير شي بخاطرها مره |
رد: نفسي احقق حلم امي .....
مرحباً دكتورة
جزاها الله خير والدتك برغبتها بناء المسجد وبإذن الله أن يكتب الله لها الأجر وإن لم يتحقق وبالنسبة لرأيي فأقترح عليك كما فعلنا لوالدنا رحمه الله تعالى .. أضفنا توسعة كبيرة لمسجد الحي عندنا مع إضافة سكن للإمام ودار تحفيظ نسائي .. والحمدلله أصبح المسجد الآن نشط جداً ويمتلئ بكامله يوم الجمعة وفيه حلقات تحفيظ للأطفال والنساء لذلك .. أبحثوا عن توسعة مسجد في حيكم أو غيره لعل أجره بإذن الله مثل أجر البناء والله أعلم بارك الله فيك |
رد: نفسي احقق حلم امي .....
ربي يطول بعمرها بطاعته ويعطيها الصحه
والعافيه وطول العمر ويعينيك عالبر ويرزقك رضاها اتفق مع نوارتي المساجد اصبحت منتشره بشكل كبير وبرايي كثير من الدول العربيه الفقيره محتاجه لاشياء ثانيه قد يكون بها خير اكبر امثله الاشتراك ببناء مستوصفات صحيه الاشتراك ببناء فصول في مدارس او تزويد مدارس باحتياجات التعليم الللازمه الناقصه ( وممكن تزورهم بنفسها وتشوف ثمره تعبها) بناء او ترميم او حتى دعم دار ايتام تكفل تعليم كم طفل تكفل علاج مرضى سواء اطفال او كبار التبرع بتكاليف رصف طرق ،، تدرين يامبتعثه في قريتي في بلادي وهي دوله عربيه واكيد مثلها الكثيير من القرى مافي طرق معبده والبيئه جبليه وتخيلي شكل الطرق ناس كثير تموت وهي بطريقها للمدرسه او للمسجد او للحقل او او او .. تنزلق ارجلها وتموت او تنقلب فيهم السياره لان الطرق مش معبده و ضيقه وجبليه كفالة عائله في احد البلدان المسلمه والتواصل معهم ترميم بيوت ناس ايله للسقوط بناء بيوت بسيطه لناس تعيش في عشش وخيام بظروف لا يتخيلها انسان للاسف كثير من الدول العربيه والاسلاميه فيها فقر مدقع وحاجه ماسه للعلاج والتعليم وابسط الحقوق من عيش كريم قد يكون فيها خير اكثر من بناء المساجد والله اعلم ان شالله يارب تقدري تحققي حلم الوالده وربي يعطيها الاجر على نيتها الطيبه |
رد: نفسي احقق حلم امي .....
ان شاء الله يتحقق حلمهاااااا
ويارب يرزقهاااا المال والصحه |
رد: نفسي احقق حلم امي .....
وعليكم السلام ورحمة الله وبركاته
الله يحفظها ويكسبك برها .. عملت مع الهيئه العالميه للأعجاز العلمي في القرآن والسنة وهي تحت مظله رابطة العالم الإسلامي.. وكانت الهيئه تقوم ببناء أوقاف والمميز في هذه الأوقاف أنها تشتمل على بناء مسجد ضمن الوقف .. أذكر لديهم وقف في المدينه المنوره أسمه وقف بر الوالدين السهم ب 1000 ريال أتوقع ...وقف متكامل مسجد ومكتبه وسقاية ماء ومركز علمي وهو داخل حدود المدينه .. بأمكانها المساهمه ولها أجر بناء المسجد إن شاء الله .. إن شاء الله أني قدرت أفيدك ... |
رد: نفسي احقق حلم امي .....
حققي حلم الوالدة من باب البر بها إن استطعتِ
|
رد: نفسي احقق حلم امي .....
ربي يطول بعمرها ويحقق لها امنيتها ..
اقتراح الرسمي جدا جميل .. أكيد بتلاقون مسجد قريب منكم يحتاج توسعة أو ترميم أو تجديد وغيره .. |
رد: نفسي احقق حلم امي .....
أسأل الله ان يحقق حلمها ...
اعجبني برك بوالدتك اخت متفائلة ، اسأل الله ان يبارك لكما و يفتح عليكما ابواب رزقه و رضاه امين |
| الساعة الآن 09:20 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©