|
بخصوص صك الاعاله ؟؟
السلام عليكم
عندي سوال بخصوص صك الاعاله اانا مطلقه (خلع) وعندي ولد عمره سنه ونص وفكرت اقدم ع الاسكان ( ارض وقرض ) بس من شروط التقديم لازم صك اعاله، وقرات ان المطلقه ماتقدر تطلع صك اعاله يرفض الشيخ اذا كان اب الولد حي ويصرف عليه !ف طيب انا كيف اقدم ع الاسكان 😕؟! صح الكلام هذا ولا لا ؟؟ الي عنده اي معلومات يفيدني. |
رد: بخصوص صك الاعاله ؟؟
وعليكم السلام ورحمة الله وبركاته
أتوقع النظام تم تحديثه قبل أسبوع ويسمح للمطلقه التقديم بدون شروط .. لكن ..أبي أبحث وأفيدك إن شاء الله. .. |
رد: بخصوص صك الاعاله ؟؟
اقتباس:
انتظر ردك. |
رد: بخصوص صك الاعاله ؟؟
أعتذر منك أختي ..
بحثت ووجدت النظام مازال يشترط أثبات صك الأعاله للأبناء .. واذا تبين نصيحتي وأنا أخوك أغسلي يدك ما وراهم فود .. أنا مقدم من بداية البرنامج ولا صار شئ .. عند كل تحديث للبيانات تنقص النقاط واحيان تزود .. واذا قدمتي الأن وتم قبول طلبك .. عند زواجك اذا كتب الله لك راح يسقط أسمك من البرنامج .. وضحت الصورة .، علما فيه طريقه ممكن تستخدمينها لكن تعتمد على موافقة طليقك .. وضررها أكثر من فائدتها. . |
رد: بخصوص صك الاعاله ؟؟
الاب بطبيعة الحال هو الولي والمعيل للطفل
لذلك هو الذي يحق له التقديم للاسكان |
رد: بخصوص صك الاعاله ؟؟
لايمكن استخراج صك اعالة لطفل ووالدة على قيد الحياة الا في حالة واحدة ان يكون الاب فاقد للعفل غير مدرك بتقرير
طبي |
رد: بخصوص صك الاعاله ؟؟
والله المفروض وليتهم يضعون هالشرط اساسي عند كل طلاق
اذا سبب الطلاق من الزوج ولأسباب تافهه يُجبر على وضع مطلقته وعياله في منزل خاص والصرف عليهم لأن الدنيا صارت فوضى بتمادى بعض اشباه الرجال يطلق على اتفهه سبب ومحد يعاني ويكافح ويجاهد غير الزوجه عشان استقرار عيالها ولكن الواحد يقول الحمدلله ان كِل شي بهالدنيا بأجره والله لايضيع اجر اي انسان نيته طاهره والله يرزقك من حيث لاتحتسبين ياصاحبة الموضوع |
رد: بخصوص صك الاعاله ؟؟
اقتباس:
انتي ولدك يصرف عليه ابوه؟ ايش مكتوب بالضبط بصك الحضانه اذا انتي المسؤؤله عن مصروفه وابوه رافض للمصروف اتوقع يكفيك صك الحضانه |
رد: بخصوص صك الاعاله ؟؟
يوم الخميس كنت في محكمة الأحوال الشخصية
كنت رايح أشهد على موضوع صك أعاله ... وكانت الطلبات 1/خطاب من الجهة الطالبه أثبات الأعاله ..يعني مثلا تحضرين خطاب من وزارة الأسكان موجه لمحكمة الأحوال الشخصية .. 2/شاهدين 3/ 2 مزكين ،،،،،، |
رد: بخصوص صك الاعاله ؟؟
اقتباس:
حرمه اجنبيه عنه صارت يعني مثلها مثل اي وحده بالشارع وشلون يلزم بالصرف عليها اذا تم الطلاق اختي انقطع حبل الواجبات والحقوق بين الاثنين فـ لا الزوج يصير مسؤل عن طليقته ولا المطلقه عليها واجبات اتجاه طليقها |
| الساعة الآن 05:04 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©