ارغب بالطلاق بسبب شرب زوجي الخمر
 

السلام عليكم جميعاً ..
بدهل في الموضوع علطول ، طبعا انا كنت مطلقه وعندي ولد
الحمدلله تزوجت من 9 شهور كل شي كان زين زوجي راضي في ولدي لدي بيت مستقل والحمدلله ، المشكله يا اخوان من سافرت خارج البلاد الا شرق اسيا وانا لاحظت انو زوجي متغير جدا دايم معه بيره دايم يشرب بيره وانا والله اول مرا طلع خارج البلاد ولا اعلم ذاك الوقت انو البيره تحتوي على كحول، المهم وحنا في المطار راجعين لارض الوطن كلن يسأل واحد اي يوجد سوق الحره انا هنا دخل ت قوقل وقريت عن ذا السوق لقيته مشهوور بانواع الخمور وسكت ولا قلت له شي عاد بنركب الطياره وكانو يفتشون الشنط طالعت في الشنطه الامعاه لقيت زجاجه خمر وبخشش الموظف ومشاه انا هنا انصدمه منه وظليت طول الرحله ساكته مصدومه واستحي اقول شنو هذا الامعك..
المهم سألتي وش فيك يفلانه فيك شي قلت لا مافيني شي هو حس اني اكذب وسكت
طبعا رحلنا ترانزيت وقعنا في عٌمان هنا رمى على جوازي ونزل من الطياره وخلاني
المهم سفته وتركته ورحت خلصت الاجراءات رحت جلست عند البوابه حقت الطياره يوم فتحت البوابه ركبت الطياره بدونه شوي نص ساعه وجا في حالته يرثى لها كان سكراااااان على الاخير
انا ماقدر اتحمل اول مرا بحياتي اشوف واحد كسران فشلني في الطياره يضحك ويتكلم بصوت عالي المهم وصلنا للوطن ودقيت على ابوي وجاني وعرف انو زوجي سكران المهم. ابوي خذاني عنده شهر لين جا زوجي تأسف وانه هو بس يسكر برا البلاد ووووووو قالي ابوي عطيه فرصه ثانيه قلت ميخالف لعلها كبو جواد ..
بس المشكله مامر اسبوعين الا جان للبيت سكران على خفيف وريحته مرامرا ريحه خمر
هنا انا قلبت البيت على راسه انا صرت ما اامن نفسي ولا ولدي عليه واعتذر وحب راسي وحلف اني الثالثه ثابته اذا شفتك سكران ونفس الحاله ما مره اسبوعين رحت عندي موعد اسنان ساعه 6 المغرب حطني وراح دقيت ساعه7 انا خلصت تعال خذني قالي طيب شوي الله وكيلكم لين ساعه10 ونص وانا انتظر دقيت عليه قلت اذا ما جيتني الحين باخذ تكسي وروح بيت اهلي
وجاني وياليته ماجاني حالته يرثى لها ركبه ريحه السياره كلها خمر ريحتها مرا قلت له وسذي الريحه قالي اوف بس بدينا وتهاوشنا وقلت ودني عند اهلي مراح ارجع معك للبيت
ثم تعوذت من الشيطان قلت خلاص وديني للبيت ورحت للبيت حطني طبعا وراح يكمل السهر حسبي الله عليه انا احسبه بيدخل للبيت معي المهم طول الليل لحالي ولدي ماصرت امنه عليه صرت اخليه عند اهلي دقيت الصباح س6 وينك قال انا نايم عند صديقي قلت ليه ماعندك بيت بنام فيه قلت له انا الظهر بروح لاهلي وخلاص راح تخسرني انا حطيتك فرصه مرتين
قال لا لاتروحين انا بجي الظهر جاء الظهر وماجا طبعا دقيت على اخوي قلت تعال خذني
وانا الان في بيت اهلي طالبه الطلاق منه وضايق صدري لاني بكون مطلقه مرتين ظلم
الزم ماعلي الان ولدي ووظيفتي فقط
وشرايكم هل تصرفي صحيح (لاضرر ولا ضرار )


(تم تعديل العنوان ليتناسب مع المضمون)

رد: ماذا افعـل انا جدا حزينه
 

لاحول ولاقوة الا بالله
والله انها معضلة
اسال الله الهداية للجميع
والله شوفي القرار الي يناسبك
ويناسب ظروفك
واهم من هذا كلة انة مايكون
وقع منك اومن اهلك ظلم لطليقك
كي لاتدور الدوائر
موفقة

رد: ارغب بالطلاق بسبب شرب زوجي الخمر
 

رد: ماذا افعـل انا جدا حزينه
 

طليقي مين ابو ولدي قصدك زوجي الاول ؟؟
لا لا بالعكس هو اللي ظلمني مو انا

رد: ارغب بالطلاق بسبب شرب زوجي الخمر
 

لاحول ولاقوة الابالله
للاسف اللي مثل زوجك وادمانه على الشراب صعب العيشه معه
وطالما انه يوعدك وويخلف بمده قصيره معناته انه مدمن على الشراب
رايي دخلي ابوك في الموضوع وخليه يعطيه اخر فرصه وبلهجه قويه وبشرط انه يتعالج عن ادمان الشراب
اذا وافق وفعلا شفتي انه جاد زين واذا رفض او شفتي انه مبسوط على اللي هو فيه
الانفصال افضل

رد: ارغب بالطلاق بسبب شرب زوجي الخمر
 

الادمان مشكلة وصعب تعيشين معه .،

الطلاق مرتين اهون من العيشه مع مدمن لا واذا حملتي منه هذي المصيبه الاكبر .

رد: ارغب بالطلاق بسبب شرب زوجي الخمر
 

شوفي ياأختي اذا عنده نيه صادقه وعزيمه بترك الخمر والمسكرات ويعود الى رشده عطيه فرصه اما اذا كل يوم بيجيك يترنح وريحته فايحه وطينه مالك الا الطلاق والخلاص منه ، وتدخل ابوك ضروري وحسم المسأله مع زوجك ....!

رد: ارغب بالطلاق بسبب شرب زوجي الخمر
 

ايوه الخلاصة ألزم ماعليك ولدك.

انت أم ومسؤولة عن ابنك ومن تحيطينه بهم..

حبيبتي لازم تقدمي مصلحة ابنك وهذا الشي هو ابعاده عن زوجك الحالي الله يهديه.. ماعدتي مسؤولة عن نفسك فقط.. بحيث تقرري انك تصبري عليه وتحاولي لين يترك الشرب.. عندك ولد عانى من فراق ابيه والحين بيعاني من إدمان زوج أمه.. هو ليس ابوه حتى تفرضي على ابنك أن يتحمل جو الادمان مع هذا الرجل.. وحتى لو كان ابوه الحقيقي فما يصلح الولد يتربى في كنفه..

شيلي عنك كلام الناس.. زوجك اذا أراد اصلاح حاله فهو قادر على ذلك.. يعالج نفسه ويستقييييم لفترة من الزمن وبعدها الله يكتب لكم الرجعة اذا فيها خير.. -اما حاليا فاثبتي على موقفك..

اعانك الله على بلواك..

رد: ارغب بالطلاق بسبب شرب زوجي الخمر
 

الخمر سهل انه يتركه مو زي الحشيش والمخدرات يعني تأثيرها وقتي

اذا كان محافظ ع الصلاه وطيب معاك اصبري عليه

خاصه انك ذكرتي انه مو مقصر معاك وادعي له بالهدايه

رد: ارغب بالطلاق بسبب شرب زوجي الخمر
 

من يقول لك تاثيره وقتى ؟!!
الخمر ام الخبائث ..
و له تاثير على المدى القريب والبعيد و عليها هى وعلى ابنها
و عمر راعي الخمر ماكان محافظ على صلاته اى صلاه اللى ماتنهاه عن الفواحش
استغرب صراحه من التفكير المادى مو مقصر معك خلاص مو مهم دينه ؟!!
هذا مو قدوه لابنها انه يتربى في بيته ..

ياختى الحقي نفسك و ابعدى ابنك عنه ..