|
تجربتك بصبغ شعرك بالبيت
السلام عليكم وصباح الخير ❤
اللهم اجعل صباحنا نصر وتمكين وعزة للمسلمين أجمعين 💖 هل سبق وجربتي صبغ شعرك بالبيت ؟ أنا شعري أسود فاحم وصبغته مرة قبل سنتين في مشغل لون بني .. طبعًا طوووول شعري ماصبغ حتى الكوافير كانت كل شوي تشيك استغربت شعري لسه ما أخذ اللون 😅 والحين حابة أعيد التجربة وأصبغه بنفسي توفير 😄 فـ إيش بحتاج لون من خبرتكم ؟ |
رد: تجربتك بصبغ شعرك بالبيت
مرحبا غادة ..
آنه شعري اساسا لونه فاتح شوي مع ذلك كنت قبل زواجي اصبغه في الصالون وبعد زواجي اصلا زوجي ما يحب اغير لون شعري مع ذلك شريت صبغة لوريال وصبغته في البيت بس ما تغير لون شعري 😐 ماعرف ليش |
رد: تجربتك بصبغ شعرك بالبيت
كذا مره صبغة بالبيت اخر مره بعد ولادتي
شعري طويل قبل الركبه بشوي واخاف يسوون لي سحب لون صبغة لون برغندي من قارنيه بزيت الزيتون 7علب كفت لشعري ولسى الون بالاطراف مع ان لي قريب سنتين من صبغة اهم شيء تبدين بصبغ الاطراف والجذور تاخرينها وتمرري هوا الاستشوار الحار على الشعر حتى يكسب الون |
رد: تجربتك بصبغ شعرك بالبيت
و عليكم السلام و رحمة الله
ما دام لون شارك اسود فحم لازم تختاري الاشقر الفاتح جدا او فاتح جدا جدا عشان يعطيك اللون البني الارشادات فوق العلبة توضح ذلك ان تكون الصبغة من نوعية جيدة و ليست تقليد ما تعطي نتائج المطلوبة ان يكون الشعر مغسول و جاف غير رطب و مش مدهون سواءا بزيت او كريم |
رد: تجربتك بصبغ شعرك بالبيت
اختي نفس وضعك شعرها سواده متفحم
وأمنية حياتها تصبغ بني و ما مسك اللون معاها الا بعد 3 مرات من الصبغة |
رد: تجربتك بصبغ شعرك بالبيت
حمستوني جدًا 😍
بكره ان شاءالله او بعده بشتري لي صبغة 👌🏻 طيب الحواجب برضو كيف اصبغها بنفس الصبغة عادي ؟ صعبة شعري بني وحواجبي سوداء احس مارح يضبط |
رد: تجربتك بصبغ شعرك بالبيت
موضوع الحواجب لا تسوينهم بروحج ابدا الا اذا انتي سبق وصبغتيهم بنفسسسج
فيه حنة حق الحواجب تنباع بالصالونات .. او حتى البقالات او يسمونه تاتو الحواجب بس هو مو تاتو هو حنة ... ويكون لونه بني قبل لا تصبغينهم حطي دار مدارهم كريم او فازلين واصبغيهم بريشة كلشششش ضعيفة مثل اللي نستخدمها ترتيب الحاجب ولا تخلينه فترة طويلة عشان ما يصير وايد غامج ... آنه عن نفسي اصبغهم في الصالون .. اخاف اغامر اصبغهم بالبيت |
رد: تجربتك بصبغ شعرك بالبيت
اقتباس:
لأني بالعادة أحطط حواجي بصبغة خاصة للحواجب مو صبغة شعر |
| الساعة الآن 08:45 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©