|
زوجي يرفض عملية التكميم
مررحبا بالجميع ،
اولا الموضوع مبين من عنوانه انا متزوجة وعندي ولد عمره 3 ابحكيكم عن مشكلتي حاليا انا وزني 89 وصايرة دبه ومقاسي بالملابس 2xl وهالشي مرره مضايقني يضايقني سالفة ان بنية انثى وتلبس هالمقاس المهم فكرت بالتكميم وقريت كلل معلومه عن التكميم من كل النواحي من بدء العملية وحتى نهايته وقررت اتكلم مع زوجي بهذا الخصوص وعطيته كل الكلام الي بخاطري اخر شي رفض ؟؟؟؟ ليه يا فلان ! عشان ولدك صغير مافي احد يعتني به وانتي بتكونين تعبانه من التكميم قلت اوكي التعب بيكون اول عشر ايام على حسب معلومتي رففضض ؟ قلت خلاص اوكي ، ابي تسجلني بنادي عشان انحف واشد جسمي بعد رفض؟ عشان الولد!!! يعني ايش اقعد مااسوي شي اعيش باقي عمري متينه !! منجد مقهورة مقهوورة قلبي يعورني لمن اكون بالسوق ومااحصل مقاسي ابي اقنعه باي طريقة ممكنه واخليه يوافق ابي مساعدتكم ووقفتكم معي . |
رد: زوجي راافض اتكمم ساعدوني
حاولي تقنعينه بالنادي أفضل لك
و الله اني ما اعرف وحدة سوت تكميم الا جسمها صار كأنه ميت من الترهل عكس الرياضة نتائجها غنية عن التعريف ومو شرط نادي اشتري الأجهزة الرياضية بالبيت الدنيا سهالات لكن المهم الرغبة و العزيمة تكون موجودة |
رد: زوجي يرفض عملية التكميم
مكانه الانسب
|
رد: زوجي يرفض عملية التكميم
حبيبتي وزنك مو كبير مره عشان تكميم
التكميم للاوزان الكبيره الي زي وزنك وتكمموا بين عليهم التعب وصاروا فعلا مرهقين والرياضه والدايت مو شرط نادي خلي ارادتك قويه وبالبيت شغلي يوتيوب وتمرني ونظمي اكلك |
رد: زوجي يرفض عملية التكميم
انسي التكميم تماما
راح يكبرك عشر سنين غير اثاره الجانبيه من ضعف عام للجسم ركزي بالرياضة انتي سمينه صح بس مو بدانة مفرطة سجلي بنادي واذا التزمتي خلال شهرين بيبين الفرق ان شاء الله ولدك اتفقي مع اهلك يمسكونه اذا قريبين منك او نسقي مع اهل زوجك واضح زوجك رافض يمسك الولد للأسف بعض الأزواج فيهم انانية لكن لا يحبطك كلامه اوجدي حل لولدك وتوكلي على الله |
رد: زوجي يرفض عملية التكميم
من قالك ان التعب اول 10 أيام
ادري هذا كلام اطباء عشان يمشون سلعتهم !! خصوصا اذا كانت عندك امراض اخرى راح يتعبك التكميم بشكل كبير وراح يخلي شكلك كأنك كبرتي وصرتي عجوز .. عندي ثلاثه من اصدقائي مسوين تكميم .. والله ان حالهم يرثى لها .. صحيح ان الموضوع سريع .. ولكن له اثار جانبيه الثلاثه جاهم تساقط في الشعر وواحد منهم مريض بالسكر .. شهرين في المستشفى وشهر خارج المستشفى .. اتعبه الموضوع جدا ووزنك مو محتاج تكميم ابدا .. شوية رياضه ( مشي ) .. على دايت ( مناسب ) وامورك في السليم ممكن الموضوع يطول . ولكنه صحي وبيعيد الحياه لجسمك .. عكس التكميم اللي راح يعدم الحياه بجسمك ابدي دايت وتوكلي على الله .. وابتعدي كذلك عن الدايت السريع .. هذا بعد اضراره اكثر من فوايده .. |
رد: زوجي يرفض عملية التكميم
عزيزتي
لازم يكون عندك إرادة و تعملي حمية حتى التكميم لو عملتيه و ما انصحك عليك بتقليل أكلك هل انت ضعيفة الإرادة مع الرجيم؟ هل ذهبتي لأخصائية تغذية اطلبي من زوجك ان يذهب به لأخصائية لتستشعري جدية الموضوع و يكون احد راقبك و يكون لك هدف في كل موعد زائد انه تنقصين بصحة و سلامة. |
رد: زوجي يرفض عملية التكميم
مدري كيف ترضين تسلمين نفسك لدكاترة ممكن يخطئون و يعدمون جسمك مع ان الله معطيك العافية و مهيئ لك كل سبل النحافه
للمعلومية في تقنيه جديدة الي هي الكبسولة . كبسولة يدخلونها في المعدة عن طريق منظار و ينفخونها لما تكون بالمعدة و تاخذ مساحة كبيرة من حجم المعدة و تساعد على نزول الوزن بشكل كبير .المهم سواء كبسولة او تكميم هاذي حلول جانبيه و الحل الاول هو رجيم فيه اقل من سعرات احتياجك اليومي و غني بالبروتين و تمارين مقاومة بش ابز و سكوات و بس و ان شاء الله على 6 شهور او 7 شهور و يمكن اقل يصير جسمك ممتاز و تنحفين( مع الاخذ بالاعتبار ممارسة التمارين للمحافظة على نظارة جسمك و المحافظة على الوزن) و للمعلومية عملية التكميم تجعل الشخص ضعيف و منهد الحيل و ما راح ينحف الا بعد 6 او 7 شهور و هاذي هي الفترة نفسها الي سويتي فيها رجيم و رياضه كنتي وصلتي لنتائج مرضيه و تغلبتي على ضعف نفسك موفقين ان شاء الله |
رد: زوجي يرفض عملية التكميم
89 مو ذاك الوزن الي يحتاج تكميم يحتاج حمية وصبر
مع رياضة نط الحبل بالبيت جدا جدا مفيدة لتخفيف الوزن |
رد: زوجي يرفض عملية التكميم
ابتعدي عن العمليات
اشتري جهاز وامشي عليه أو اعملي أيروبيك من النت شغلي وقلدي واهتمي باكلك ابتعدي عن الحلويات وقللي نشاويات عوضيها بالكاملة وكثري بروتين وخضر وفواكه أما النط على الحبل لا انصحك به الآن لأنه سيعدم ركبك هو للإوزان الاقل |
| الساعة الآن 01:44 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©