|
شاب معدد تقدم لي مره اخرى
السلام عليكم
اخباركم تقدم لي شاب تاجر "نشبه " خطبني اول طلاقي قبل يمر سنه وخطبني بعدها بسنتين وهالسنه هذي هي المره الثالثه اللي خطبني فيها وودي ادخل عليه شوفه شرعيه واقوله خلاص قلت لاء مره اولى وقلت لاء ثانيه ليش تحدنا ع الثالثة!!! المهم انا حتى من قوة عدم اهتمامي لأمره مادري ايش اسمه ، ولا سألت عن عمره لولا انهم قالوه ولا حتى سألت وش يشتغل لولا انهم قالو اللي مضايقني بالموضوع ليش يخطبني! جد والله انا عندي اختبار بعد يومين مو قادره ادرس ونفسيتي في الحضيض وقااااافله جدا طبعا ليش خطبني اعتقد تعرفون ان عمري 24 وهو من عمري 20 يخطب اقول عقب ثاني مره يارب سترك لايجي ثالثه وجا😑 اللي مضايقني ان خطبته خلتني افكر بالاعتذار من دراستي مو قادره أتحمل هذا الضغط صراحة كفايه انا عايشه ع النسيان الا يجي احد يصحى مواجعي ولو وافقت فموافقتي راح تكون اكبر تهور في حياتي لانها مو قائمه على قناعة انه زوج بستانس معه راح تقوم ع انه شخص صالح للفشخره امام الناس وبكره يجوني عيال ينتسبون للتاجر فلان بس!! بدون مبالغة هم معروفين جدا وحنا ماعلينا بس هم تجار محد مايعرفهم واتوقع اللي مرغبه سني والشي الثاني عائلتي والثالث كوني مطلقة فبقبل بسرعة |
رد: شاب معدد تقدم لي مره اخرى
اختي شو الي مضايقك بالضبط؟ وكيف يعني ضغط لدرجة تعتذرين عن الدراسة؟
الرجل راغب فيك الله اعلم ليش. وانت مابدك خلاص لاتشغلي بالك. لو اهلك قاعدين يضغطو عليك عشان تقبلي فيه هذا شي ثاني. وما تدري اختي يمكن اذا عرفتيه تغيري نظرتك. الحب والكره بينهم خط رفيع. |
رد: شاب معدد تقدم لي مره اخرى
لم أفهم لمَ كل هذا التأزم!
إن شاء الله يخطب عشر مرات .. ما دمتِ غير مقتنعة ارفضي وخلاص. |
رد: شاب معدد تقدم لي مره اخرى
اقتباس:
لكن وكانهم يلمحون ترا هذا احسن من افكارك اللي ساكتين عنها وهي انك تجيبين اطفال تربينهم من بطن غيرك اضافة الى انه صغير اللي مضايقني ان مجرد خطبه سيئة مثل هذي تفتح ملفات انا سكرتها بالعافية تخبصني تعقد مزاجي كم يوم في هذه الفترة لا استطيع ادرس ولا حتى أنجز شي صالحة فقط للخلافات مع الاخرين وهذه الخطبة جت مع اختباري ولان مذاكرتي سيئة فاخشى ان اخفق ويليها الاسبوع القادم عروض ولا استطيع تقديمها وانا بهذا السوء |
رد: شاب معدد تقدم لي مره اخرى
اقتباس:
وأنجز مادري اذا فاهمه علي او لاء اي خطبه لاترضيني تحيي في داخلي مشاعر ومشاكل احتاج مايتجاوز اليومين لاصماتها افكر لماذا اهلي اسقبلوه في بيتنا وهم يعلمون يقينا رفضي له !! افكر بالسعادة التي ستغشى اخوتي نحن انساب الفلان!! افكر في تفاصيل زواجي السابق وطلاقي وكيف هي قادتني الى هذه المرحلة اليائسة ان كنتي ممن قرأ مواضيعي السابقة فأنا في داخلي متحاملة ولم استطع التخلص من ذلك ابدا اشياء كثير كثير |
رد: شاب معدد تقدم لي مره اخرى
والله ياجماعة من زين أعمالي
الا تزيد ذنوبي زعلانه من الدنيا، زعلانه من اقرب قريبيني الملزمة اللي اذاكر منها شققتها اليوم😑 طبعا مو كل المنهج تشكل 20٪ منه ولكن تعبت وانا اتجاهل اللي يضايقتي حتى يجي أحد يذكرني به ! ماعاد قدرت ادرس والله |
رد: شاب معدد تقدم لي مره اخرى
اقتباس:
رجال جا يخطب وحتى اسمه ماتعرفينه ولاشكله ولا اي شي عنه يعني ماتدرين هو سىء والا زين!! الرجال جاكم من الباب اما انك تدرسين الموضوع بجديه اذا لك خاطر بالزواج والا قولي لا وبس اما انه خطبك عشان عمرك فـ كثير اللي بعمرك واصغر وتزوجوا معددين وبنات بعد |
رد: شاب معدد تقدم لي مره اخرى
اقتباس:
وليس ضمن طموحي وذكرت في ردودي ليش متضايقة اما عن قولي عمري كان بإمكاني اصير مغرورة واقول انني جميلة جدا جدا واستاهل من يكتب فيني قصيده لكن جيت باللي اشوفه بالنسبة لوضعي مرغب بكل تواضع وبعيدا عن نقاط ماحب اذكرها مثل انا جميله جدا فذكرت سني وكوني مطلقة لانه حسب السائد في مجتمعي ومجتمع الخاطب مافي صغيره ولم يسبق لها الزواج وتقبل بمعدد لو ان جيبه يكب ملايين |
رد: شاب معدد تقدم لي مره اخرى
اقتباس:
يعني انسان ماتعرفين حتى اسمه ولا اي شي عنه وقررتي انه مو طموحك وبعدين موضوعك مو مستاهل هالعصبيه اللي انتي فيها مسلم وطق الباب وطلب يدك الجواب يكون ايه والا لا بكل هدوء هو مااخطأ عشان يستاهل هالنرفزه اللي انتي فيها |
رد: شاب معدد تقدم لي مره اخرى
اقتباس:
وهو انه معدد فقط ولذلك هو مو طموحي وماودي افتش في عوامل جذابه فيه ولا ودي اظهر لأهلي جانب فضولي في معرفة ايش يملك من مميزات بالنسبة لي لانه هذا الشي بحكم معرفتي بهم راح يعطيهم مجال في بسط الموضوع لي سواء معه او مع غيره وراح يعطيهم مجال يناقشوني في اسباب رفضي وراح اتعب نفسيا وانا مليت مابي هالشي يصير يا اخوي انا متضايقة لان هذي الخطبة مثل اللي صحت اشياء فيني نايمه مثلا بدأت استرجع طريقة اهلي بالزواج الاول بديت استرجع كل خطباتي اللي فاتت وضايقني منها ما ضايقتي وصولا الى حظي اللي مدري كيف الله يزينه كل هذا اذا فكرت فيه أكره حياتي واصبح غاضبه وسليطه ولا افكر الا به ولا اقدر اركز |
| الساعة الآن 10:27 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©