منتدى عالم الأسرة والمجتمع - اشارك زوجي في توفير سكن ويكون بإسمه ؟؟؟؟

منتدى عالم الأسرة والمجتمع (http://www.66n.com/forums/index.php)

- المتزوجين (http://www.66n.com/forums/forumdisplay.php?f=6)

- - اشارك زوجي في توفير سكن ويكون بإسمه ؟؟؟؟ (http://www.66n.com/forums/showthread.php?t=270634)

اشارك زوجي في توفير سكن ويكون بإسمه ؟؟؟؟

السلام عليكم ورحمة الله وبركاته ...

في موضوع محيرني وما بتخذ قرار فيه الا بعد الاستشاره منكم لأنه مهم ..

انا وزوجي الحمد لله علاقتنا مع بعض جيده ولله الحمد ..
كنا مع بعض بيوم من الايام جالسين وبنفكر في حياتنا ومستقبلنا ..
يعني كان زوجي بيقول ايش رايك كل 4 شهور نسافر اي مكان لمدة اسبوع نغير جو ..
اوكل سنه نسافر مرتين .. قلتله حلو ماعندي مشكله وممكن اساعدك اني احوش من راتبي معاك مادام بننبسط بس المشكله ما ابغى يمر فينا العمر واحنا فلوسنا بس تضيع ع السفر لازم نأمن سكن ملك لنا ولمستقبل اولادنا ..

( طبعا احنا بيتنا الان ملك لكن الشقه صغيره جدا فقط غرفتين وصاله صغيره ) .. ففكرتنا انو يكون لنا سكن اوسع واكبر ويكون بعد عمر طويل لأولادنا ..

المهم زوجي اقترح انو سنه نسافر وسنه نحوش للبيت ونفضل كدا يعني سنه ننبسط نسافر وسنه نمسك نفسنا عن السفر ونحوش .. بس طلب مني اني احوش معاه للسكن
قلتله ماعندي مشكله بس البيت ينكتب بأسمك واسمي .. حرام ادفع معاك سنييييييين وحرم نفسي من حاجات كثيره
وفي الاخير بس بإسمك وحصل جدال ونقاش طويل ورافض انو يكون بإسمي كمان ..

انا كنت حريصه انو طالما حأدفع معاك ينكتب بإسمنا احنا الاثنين مافيها اي مشكله كل واحد وبفلوسو .. لأن بصراحه مافي اي انسان يضمن المستقبل لاقدر الله ممكن بعد عشرة سنيين وسنين ننفصل ( فين بتروح وقتها الآلاف الي دفعتها ) .. والشي الثاني عندي ولد من طليقي حابه يكون له نصيب من البيت بعدين طالما انا دافعه

ف ايش رأيكم تفيكري وقراري صحيح ؟؟؟

رد: اشارك زوجي في توفير سكن ويكون بإسمه ؟؟؟؟

انتي صح ميه بالميه تفكير سليم

رد: اشارك زوجي في توفير سكن ويكون بإسمه ؟؟؟؟

اول ما قرأت الموضوع توقعت رجعتي لطليقك
بعدين فهمت بالأخير الوضع مضبوط

طبعا كلامك عين العقل
ورأيك صحيح والحقيقة ماتزعل
خلينا نستبعد احتمال الانفصال
ان شاء الله هذي زواجة العمر
بس ولدك مسكين
ماتدري ايش يحمل له المستقبل
اذا ضمنتي له بيت تكوني ريحتيه
وبيت امه هو بيته
احسن مايكون غريب عند زوج امه
خصوصا انك دافعه شقى عمرك بالبيت

الله يوفقك

رد: اشارك زوجي في توفير سكن ويكون بإسمه ؟؟؟؟

بكل صراحة وواقعية ومن تجارب شفناها من واقع الحياة الشراكة مع مراة ماتنفع ابد عند ادني مشكلة بتقول
انت ساكن بفلوسي او لو فلوسي ما سكنت
ماتنفع الشراكة خليك بشي المتعارف علية زوجك يحوش ويشتري البيت بسمة
لو مايحصل هالبلغ الا بعد سنوات بنظري الشراكة باب شر على الزوجين

رد: اشارك زوجي في توفير سكن ويكون بإسمه ؟؟؟؟

اقتباس:

المشاركة الأصلية كتبت بواسطة البيلسان 27 (المشاركة 3479561)

انتي صح ميه بالميه تفكير سليم

بس حاسه اني مقهوره لان انا كمان نفسي اوفر سكن لابني مستقبلا hfh و لوحدي ما حأقدر ..

اقتباس:

المشاركة الأصلية كتبت بواسطة روان . (المشاركة 3479563)

من جد وانا كمان قلت كدا بس مو مقتنع لأن امه وابوه عاملين كدا وكان البيت بإسم ابوه

اقتباس:

المشاركة الأصلية كتبت بواسطة شاطى الراحة (المشاركة 3479566)

هههههههه لا طبعا مو الكل بعمل كدا .. وعن نفسي انا مو من النوع الي بيتكلم ويقول كدا .. في الاخير هو بيته وبيتي يعني مابيكون بيتي لوحدي ..
طيعني الحمد لله قراري صحيح

رد: اشارك زوجي في توفير سكن ويكون بإسمه ؟؟؟؟

ليش ماتقدرين تشترين بيت لوحدك اشتري عن طريق البنك بيت باسمك وريحي نفسك

رد: اشارك زوجي في توفير سكن ويكون بإسمه ؟؟؟؟

الشراكة نصفها شر ..في اللغة وفي الواقع ..لا تشاركين احد ابدا ابدا حتى لو باسمك لا تقبلي..من وجهة نظري وبعد التجربة

رد: اشارك زوجي في توفير سكن ويكون بإسمه ؟؟؟؟

زوجك واجب عليه يأمن منزل لكم لكن اذا عندك فلوس اشتري بها ارض تزود قيمتها مع الوقت وتأمنين وضع جميع ابنائك وتأكدي الشراكه مافيها خير

رد: اشارك زوجي في توفير سكن ويكون بإسمه ؟؟؟؟

كلامك صايب ولا تشاركيه دام بيكتبه باسمه
شفنا بلاوي منهم
ساهمت زوجة واحد وكانت مساهمتها ثلاثة ارباع البيت وكتب البيت باسمه وراح وتزوج الثانية وجابها للبيت زوجته الاولى طلعت زعلانه وراحت لبيت اهلها وطلقها
شو استفادت ؟
احس مثل هالازواج ماعندهم ضمير

رد: اشارك زوجي في توفير سكن ويكون بإسمه ؟؟؟؟

كل مشروك مبروك

يحفظ حقك على قدر مشاركتك بالبيت

وحاولي تقنعيه لتحققي حلمك