كيف أمنع زوجي من استغلال راتبي
 

السلام عليكم ورحمة الله وبركاته
في حاجة مضايقاني ومش عارفة احلها ازاي اولا انا وزوجي مصدر دخلنا اهله لانهم كانو ادو فلوسه لاخوه يشغلها وكان اخوه بيديله مرتب كل شهر اخوه لما ضيع الفلوس اهله قالوله متكلمش اخوك واحنا هنديلك اللي كان بيديهولك وزوده عليهم الف جنيه انا من يوم ما اتجوزت زوجي مجابليش حتي شبشب بس للامانة بيصرف عليا وكل اللي معاه بينا وبين بعض بالنص بس عمره ما جابلي لبس ولا في عيدولا غيره ومحرومة من حاجات كتيرة اووووي فقلت اشتغل هو مش بيشتغل قلت هشتغل واجيب لنفسي اللي ناقصني واجيبله هو كمان لانه مش بيجيب لنفسه حاجة الا اما اهله يعطوه فلوس زيادة ويقولو انزل هاتلك لبس لكن انا طبعا لا انا بقالي خمس شهور بشتغل مجبتش لنفسي اي حاجة كل شهر اما يخلص الفلوس ياخد مني يقولي بدال ما تجيبيلي شوز هاتي الفلوس بدال اما اروح اخد من اهلي وانا مضايقني جداااااا ده انا مش بشتغل عشان اوفر لاهله اللي كانو مستخسرين فيا كل حاجة وقت الجواز وكان معاهم اه هما بيصرفو علينا وبيعطوه مرتب اربعة الاف لو احتاج بيروح ياخد بس عشان هما ادو فلوسه لاخوه وهو ضيعها ومش عايزينه يطالب بفلوسه ويعمل مشروع ويقولوله هتضيع الفلوس انا فكرة اني اشتغل واوفر ليهم ده هتموتني وكلمته كذا مرة يقولي هما مش قادرين طب انا ذنبي ايه انا بشتغل عشان اجيب كل اللي محرومة منه ويذلني بحاجات رفاهية بيجيبهالي وده اللي كان مسكتني انه مش بيجيبلي لبس ولا بيخرجني اتصرف ازاي واقنعه ان حرام اشتغل واتعب واوفر لاهله ده حتي لما كنت عايزة اجيب لوالدي هدية بقيمة ٣٠٠ جنيه ولا حاجة قعد يستخسر ويقولي ما هما مش بيعطوكي حقك زي اخواتك طب ما هو كمان اهله بيفضلو اخوه عليه واخوه هو كمان مبيشتغلش وبقي بياخد من اهله اتعب انا بقي عشان هما بيتدلعو طب ما انا ادي لاهلي ظروفهم العن منهم ومش بيقبضوا راتب ربع اللي اهله بيقبضوه اؤ علي الاقل اجيبلي لبس بدال ما شكلي زبالة ادام كل الناس واهلي بصعب عليهم او احوش انا قلتله كتير يقولي الاسعار بقت غاليه يقولي تفكيرك غلظ انتي بتوفري عليا احراجي اما اروح اطلب منهم اقوله لو بتشتغل وانا هساعدك واوفر عليك تعب عادي بس مش اتعب واوفر لاهلك اللي استخسرو فيا كل حاجة والله من كتر استخسارهم اهلي كانو رافضين وقالولي ده ناوي يتجوز شهرين ويرميكي بس انا اصريت وزعلت اهلي انا كل اللي عايزاه طريقة اعرف اقنعه بيها من غير مشاكل او اعمل اي حاجة تخليه ميطلبش مني لاني بجد كل مرة دمي بيتحرق وهو مرتاح وهو عارف انا اد ايه نفسي يبقي معايا فلوس وعانيت اد ايه

تم تعديل العنوان ليتناسب مع المضمون

رد: مشكلتي مع زوجي
 

كان الله بعونك الله يفرج همك .

ليه يعتمد على أهله بالمصروف ؟ فيه سبب يمنعه من العمل !

رد: مشكلتي مع زوجي
 

جزاكي الله كل خير علي دعائك عدم عمله مش لأسباب ضرورية اولا اهله مبسوطين وسايبين لكل واحد فيهم مبلغ يعمل بيه مشروع بس اخوه خده وضيعه وبيقول هيبيع عربيته ويرجعله فلوسه بس هما مرفهين شوية مش واخدين ان هما يشتغلو عند حد ويتحكم فيهم وغير كده عندنا في مصر مفيش شغل الا حاجات مش هيرضي بيها زي انه يبيع في محل والمقابل مرتبات ضعيفة جداا للسف عندنا اغلب الجيل ده متدلع اوي ومش بتاع شغل وهو بقي عنده ٣٤ سنة ومش عنده عمل

رد: مشكلتي مع زوجي
 

الأفضل تقنعيه يعمل او توقفي عن العمل وارضي بللي انت فيه عشان ترتاحو كلكو اذا اشتغلت وما وفرت ولا استفدت من الفلوس ايه لزمتها

رد: مشكلتي مع زوجي
 

احد مقومات الحياه الزوجيه هي الاستقلاليه ..
افضل حل يشوف له وظيفه يصرف عليكم منها ..
اما ياخذ مصروفه من اهله ما يمشي الحال ..
يعني اذا تعثروا اهله .. كل العايله راح تتعثر ومحد راح يقدر يشيل الثاني
لانه مصدر الدخل واحد ..
تنويع مصادر الدخل شي مطلوب وصحي ..

رد: كيف أمنع زوجي من استغلال ر
 

رد: كيف أمنع زوجي من استغلال ر
 

لازم تكوني صارمه في الموضوع ويدور زوجك على وظيفه ..
ممكن يعتمد على راتبك ومابفكر يدور وظيفه بيقول بنفسه هي بتشتغل وخلاص راتبها بيكيفي ..

لازم تحطي حدود حتى لو زعلتي لفتره .. راتبك دا لكي حقك انت .. كل شهر خدي من جزء بسيط خليه لكي ولمصاريفك الي تحتاجيها مهما كانت حاجة زوجك للفلوس خدي من راتبك مصروف لكي وخبيه على جنب ..
والباقي ساعدي فيه زوجك الين يلفى وظيفه .. واصري جدا على موضوع شغله ..
لأنه راح يخفف عنكم كتير راتبك + راتبه ..

بس مصروف لكي لاتفرطي فيه خديلك على جنب مبلغ من راتبك والافضل بدون علمه تجنبا للمشاكل ..

رد: كيف أمنع زوجي من استغلال ر
 

المشكلة ان شكل في وباء في العيلة اسمه دلع الرجالة واستهتارهم اخويا وابن خالتي وجوز اختي وجوز بنات خالي وغيرهم تانين كل واحد عايز يشتغل بيه والشغل مش مناسبه عشان اهلهم دلعوهم وفتحولهم مشاريع وهما ضيعو وزوجي خارج بقاله شهور من فترة ادمان فنفسيته متاثرة شوية ومستني ياخد فلوسه من اخوه او خد ع الراحه عشان اهله بيدوله مهما اقوله واهلي يقولو واهله يقولو هو يقول بعدين انا مش عندي مشكلة والله اني اديله هو حتي كل شهر اقوله هجبلك كذا الشهر ده وبقسم فلوسي بالنص عليا وعليه بس هو مش بيرضي ويقولي ادفعي في كذا عشان بيجيبلي مهدئ غالي شوية المهم اني كده بحس اني بوفر لاهله مش ليه هو وهو مش مقدر احساس تعبي عشان في الاخر افضل زي ما انا واوفر لاهله انا بقعد يومين ما انامش عشان اخلص شغلي واظبط بيتي واشتكيتله كتير وكل مرة اقوله طب شهر واحد اعمل اللي ف دماغي استمتع وما ادفعش فلوس بدال اهلك ما انا قبل ما اشتغل كنت بتجيب نفس الحاجات يقولي الست الجدعة بتقف جمب زوجها مش برضي اتخانق عشان الفلوس بس عارف اني زعلانة ومفيش فايدة فصعب اقناعه بالشغل حاليا هو دماغه ناشفة عايزة استراتيجية اتعامل معاه بيها واني اوفر من مرتبي هو اللي بيروح يقبضلي ولو وفرت بعلمه هيقولي هاتي لاول الشهر ويجي اول الشهر يرجع لكلامه رغم انه قبلها يقولي مش هاخد منك تاني صعبان عليا اخد تتبك بس الظروف

رد: كيف أمنع زوجي من استغلال ر
 

اتكلمت معاه من شوية في الموضوع بحجة انه كان واخد مني مرتبي وقالي هديهولك اول الشر فبساله هتديهولي علي مره ولا مرتين ففتحنا الموضوع ونهايته زعل وقالي اني انانية ومبفكرش غير في نفسي وانا قلتله انت اللي مبتفكرش فيا انت عارف انا نفسي اشتغل اد ايه ويبقي معايا حتي مصروف اجيب لنفسي احتياجاتي ورغم كده بقالي اربع شهور بشتغل ومجبتش لنفسي اي حاجة رغم اني قلتلك فلوسي بالنص بينا بس اجيبلك انت بيها لبس وحاجات واديك عنيا بس مش هشتغل عشان اهلك و انت مستخسر فيا وعايزني اتعب واشتغل عشان توفر لاهلك رغم انهم معاهم وانت واخوك قاعدين مبتشتغلوش زعل مني وسابلي المكان وراح قعد لوحده
هو انا كده فعلا انانية