|
نوم الزوج بغرفة اخرى بدون سبب
السلام عليكم ، انا ف مشكلة كالعادة وابي حل لأني جربت كل شي..
مشكلتي صارت من لا مشكلة !! فجأة بدون اي مقدمات زوجي اخذ التلفزيون من غرفة النوم ( عندي تلفزيون ف غرفة النوم وواحد ف غرفة الجلوس لانه متعود ينام ع الصوت لازم) المهم اخذه وحطه ف المجلس واخذ له سلك ورسيفر وفرش له فراش ف المجلس استغربت قلت يلا بكيفه خل يهجرني هو الخسران جا اخر الليل يضحك ويبي حقه وانا مصدومة قلت انت مو زعلان قال مو زعلان قلت طيب ليش رحت المجلس قال اغير جو قلت طيب براحتك مرت 4 ايام وهو يجي ويحصلني رايقة معه واضحك وياخذ اللي يبغى ويرجع ينام ف المجلس عاد خامس يوم قلت لازم اعرف السبب رحت كلمته ابغى اعرف ليش قال لاتجبريني وشرعاً مو من واجبي انام معاك بنفس الغرفة وخليني ع راحتي واحتاج فترة نقاهة قلت هذا اسمه هجر ومايجوز واللي تسويه راح يقسي قلبي وقلبك ولو توصل بيننا للشيطان الرجيم تشوفني انام واصحى وانا راضية وعمري مازعلت ولا اعرف بس الحين من اتفه مشكلة راح تكبر بحركتك ذي وراح يصير بيننا جفاء ولاتخلي عمرنا يروح في مشاكل وبكيت وقلت انا احبك ومااقدر تنام بعيد عني واخاف انام وحدي ومحتاجتك جنبي وكل الاسلوب الحلو جربته وهو يصرفني واسلوب جاااف وشاف حاله يوم ترجيته ،، الموهم رحت وخليته وراح ياخذ فطور قمت فرشت لي عنده ف المجلس ورجع شافني قلت والله النومه هنا فنانة والنت عندك شي قررت اغير جو معاك(عشان مايتعود ع البعد) قال قومي ارجعي مكانك بسرعة ورفضت وقام شال نفسه ونام بغرفة ثانية ورحت لحقته وقلت ليش تسوي كذا انت قاعد تتعبني نفسياً لو تهجر اهجرني صح لاتلمسني حتى مو تجي كأنه ماصار شي وتنام بعيد قال ماراح المسك وانتي تدورين مشاكل قلت مين يدور مشاكل !! الموهم بعدها صحيت ع نفسي وحسيت اني عطيته اكبر من حجمه قلت خليه ينام وين مايبغى وانتي عيشي حياتك حطيت لي بلازما ف غرفة النوم وفالتها مع نفسي ومطنشة ويجي يتكلم معي ماارد ويفتح نقاشات وماارد ويعرض عروض تمشية وتغيير جو وماارد ويطلب مني اكل او شاي مااسوي لانه شرعاً مو من واجبي وشلت كل شي من يدي بس عايشة لنفسي ولبناتي ومااحرمه من حقه (عشان ماتلعني الملائكة) بس والله كل يوم يمر اكرهه اكثر حتى وجهه مااطالع فيه ولا ابغى اشوفه والمشكلة كنت بروح لاهلي حتى تخلص فترة نقاهته ورفض .. الموهم حالياً لنا 10ايام ع ذا الحال والوضع ابداً مو عاجبني احس اني مو متزوجة!! واللي يقول خليه مو لازم تنامون ف غرفة وحدة كيف بالله تكون حياة زوجية وكل احد ف غرفة وين المودة والمحبة قال تعالى (هن لباس لكم وانتم لباس لهن) عطوني طريقة ترجعه غرفة النوم والله لو بس يجي وينام ف الغرفة لاانسى كل اللي صار واعامله احسن معاملة واحسه يبغى يجي ينام عندي بس يبغى كلمته تمشي.. عطوني ردودكم الحكيمة بالذات الرجال 👏🏻 واسفة ع جراءة الطرح بس لازم تعرفون انه راضي ومافي شي مضايقه بس يدور الهوشة!! |
رد: نوم الزوج بغرفة اخرى بدون
برأيي ما فيه شيء يصير بدون أسباب..
كل شيء بسبب .. ولسبب فـ ابحثي عن السبب هل فيه شيء ينفره من غرفة النوم ؟ برأيي حالياً قومي بواجباتج وتركيه فترة خل يطيح اللي براسه واكيد قبل كل شيء ارجعي كلميه بالحسنى واكيد مو عادي تنامون بعاد عن بعض |
رد: نوم الزوج بغرفة اخرى بدون
لو فيه سبب كان اقلها زعل ، وغرفة النوم ع هواه لدرجة ننام ع التلفزيون 24ساعة عشانه وحلف انه مو زعلان وانه مو شرط يخرج من غرفة النوم وهو زعلان ، بس اللي خلى راسه يكبر تعلقي الزايد فيه لما خرج من الغرفة وركضي وراه بس لما سحبت نفسي وكأنه مو موجود احسه يبي يرجع الغرفة لكن يبغى عذر قوي، انا ابغى طريقة تخليه يرجع اناقشه انام عنده او ايش(طبعاً بعد تطنيش لفترة طويلة حتى يمل )
|
رد: نوم الزوج بغرفة اخرى بدون
اختي المشكله فيك وليس في زوجك ، طالما راغب ينام بالمجلس وبروحه خليه مايشوف شر انتي كلمتيه وقلتي لاتتركني بروحي وماانصاع لك ، خلاص اتركيه ولاتستضعفي نفسك عنده ولاتبكي ولاتترجينه على شنو...!
عشان ينام بجنبك مايشوف شر واشغلي نفسك بالمفيد آخرتها بيمل .....! |
رد: نوم الزوج بغرفة اخرى بدون
ولكن الحل السريع ان شاء الله ليس الضغط نسأل الله لنا وله الهداية وان يصرف عنا الفتن ما ظهر منها وما بطن |
رد: نوم الزوج بغرفة اخرى بدون
يعطيكم العافية جميعاً ، زوجي يشاهد قناة اسلامية 24ساعة وف الجوال ليس لديه شي ولايغلق باب المجلس حتى ، ويأتيني وهو غير مثار ولكني فعلاً اصبحت كالجدار معه ، اصلح الله حالنا وحال جميع الازواج💕
|
رد: نوم الزوج بغرفة اخرى بدون
معك حق تزعلي
ويمكن فعلا كبر رأسه من إلحاحك المهم انتي خلاص كلمتيه ووجهة نظرك وصلت له الكره بملعبه هو الآن الأكيد انه بيحاول يصلح الوضع اتركيه مع نفسه وتطمني.. ماراح يستمر ان شاء الله |
رد: نوم الزوج بغرفة اخرى بدون
يمكن سمع أو قرأ أن المرأة تتضايق من خروج زوجها لينام في غرفة ثانية فأراد أن يجرّب ويرى تأثير ذلك عليك لحدّ الآن هو عرف وتأكّد من مكانته عندك لكن الآن خلاص اتركيه واهتمي بنفسك وأطفالك كالمعتاد ورّيه أنّك لم تعودي تهتمي, سيخشى أن تألفي الوضع ولن يعود لوجوده جنبك أهميّة إن شاء الله يراجع نفسه لينقذ مكانته |
رد: نوم الزوج بغرفة اخرى بدون
سؤال
هل ابوه نايم في غرفة وأمه في غرفة ؟؟؟؟ |
رد: نوم الزوج بغرفة اخرى بدون
اقتباس:
نعم .. امه تنام خارج الغرفة |
| الساعة الآن 07:46 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©