|
تعبت من حياتي معاه !
زوجي يا جماعة بخييل في وقته وماله ومشاعره، عندي إحساس إنه مايحبني بس يجاملني .. يعظم أخطائي ( وأغلب الوقت ماتكون أخطاء بس لإختلاف وجهات النظر بينا ف يشوفها أخطاء ) .. أخطاؤه مايشووووووفها أبد .. إذا حصل لو تتش بسيط بيننا يكبرررره بشكل مو طبيعي .. دائما يجبرني ع أشياء أنا ما ابغاها .. أنا الطرف الوحيد ف العلاقة اللي يقدم تنازلات .. أهملت نفسي وبيتي ومالي خلق له ولبنتي .. اش ماسويت مايبين بعينه أي غلطه مني تخليني ف قائمة المغضوب عليهم إلى أن أتنازل أنا وأجي ألطف الجووو بينما هووو ما يتنازل لو مر شهررر .. ماصرت أضغط ع نفسي واهتم بشيء لأني في كلا الحالات غير مرضي عني ..
أكرهه لأنه صار يلمح للضرب .. كم مرة قالي يبغالك كف ! المشكلة يكون الخلاف اتفه من التفاهة نفسها ..! صارلي فترررة اهرب منه أنام مرة قبله مرة ف الصالة مرة ف أي غرفة ف البيت ! ما ابغاه يقرب مني .. تعبت منه .. تغيرت وذبلت وكرهت نفسي والناس والدنيا بسببه .. أناني أناني أناني .. حياته كلها نفسه وأهله .. وأنا في أخر القائمة هذا إذا كنت موجودة فيها أصلا .. أغلب الوقت أخذ من أهلي فلوس .. لأنه ي يتحجج ب ماعندي ولا يعطيني مبلغ ما يكفيني .. ماعاد أطلع كثير لأنه ماعندي ملابس ومكياج زي العالم مجتمعي ناااااس تهتم وتتنافس ف كل شيء وأنا كنت عند أهلي أجاريهم ونص بس الحييين لا .. حتى لما أخواتي يطلعون مول ولا مطعم ولا كافيه نادر ما أروح معاهم لأني ما اقدر أدفع زي أول .. جربت معاه كل الأساليب .. توددت وزعلت وطنشت ورفعت صوتي وبكيت وتناقشت وصارخت كلها مانفعت .. ماعرفت اتعامل معاه .. لما أجلس بيني وبين نفسي أحس إني أستحق حياااااة أفضل من كذا بكثيير .. أشوف حريم حولي مقصرررين مع رجالهم وبيوتهم ومع ذلك زوجها شايلها شييل شيل .. أنا كنت زوجة مثالية بس الحين لا .. اعترف إني صرررت مهملة .. والله مو بيدي الإهمال يولد الإهمال .. أكثر شخص ارحمه وأحسه مظلوم ف هالعلاقة بنتي .. مالي خلق لها ابدا أسوي لها الأساسيات بس .. أكل وشور وتلبيس وما اعطيها وجه بعدها .. حتى ذي الأشياء اسويها لها بدووون نفس 😫 .. ما أدري وين الغلط ف حياتي .. |
رد: تعبت من حياتي معاه !
الله يكون بعونك ..لا تدققي كثير ولا تتهربي منه ،،
بس ليش يلمح بالضرب انتي ترادديه ؟؟ |
رد: تعبت من حياتي معاه !
مرحباً أختي
من خلال كتاباتك السابقة كنت أعتقد أنك غير متزوجة وكانت تظهر في كتاباتك قوة في الشخصية ولكن موضوعك هذا مختلف تماماً فأعتقد رأيي الشخصي أنك لو كنتِ بنفس إصرارك في الدفاع عن قناعاتك مثل كتاباتك السابقة فستكون ربما حياتك مع زوجك أفضل ولكن بما أنك أصبحتِ توصفي الآن من كثرة تنازلاتك ربما ذابت شخصيتك أمام زوجك واصبح يرى أن تكوني خلف رأيه دائماً .. وهذا ما يسبب لكِ إزعاج نفسي لأنك لا أنك قادرة أن تجاريه ولا قادرة أن تثبتي على قناعاتك ورغباتك الحل من وجهة نظري المصارحة مع زوجك مرات متعددة وبهدوء وفي نقاط محددة تزعجك بشكل كبير وتطلبي منه أن يتفهمك فيها .. وحاولي أن لا تكثري من النقاط أو أن تنفعلي وتخرجي عن مسار النقاش والمصارحة إلى كثرة الكلام وربط أمور أخرى ببعضها أو تحويل النقاش إلى عتاب أما الخطوة الأخرى هي تنفيذ ما تودي تغيره في نفسك وأستمري على ذلك حتى لو حاول إظهار إنزعاجه .. فمع الوقت سيرضخ قليلاً قليلاً .. حتى تصلي أنت وهو إلى نقاط تراضي مع التقليل مع الإختلافات المتكررة أعانك الله |
رد: تعبت من حياتي معاه !
أسعد فتاة .. حبيبة قلبي أنا أكثررر وحدة في الدنيا مريحة دماغها وتطنش .. لما وصلت لمرحلة اقعد له ع ( التكة ) .. الضغط يولد الإنفجار كنت اطنش اطنش اطنش لين حسيت إنه صار يتمادى ..
على فكرة أنا ما أرادده .. أخليه لين يطيح اللي في راسه من شرر بعدين اتكلم معاه .. بس الظاهر سكوتي يستفزه ! |
رد: تعبت من حياتي معاه !
الرسمي ..
فعلا أنا ماكنت متزوجة بداياتي في المنتدى .. بس الحين متزوجة من مدة المهم .. خليني أوضحلك شكل التنازلات اللي أقدمها .. مثلا يقولي الييوم بنروح لكذا .. أنا أرفض وغالبا تكون عندي أسبابي .. مثلا هذا يكون يوم جمعة أهلي أو كنت مو نايمة كويس ومرهقة أو تعبانة ذاك اليوم أو أو .. ف يطنقر علي ويزعل ويطلع برا البيت مايرجع إلا صباح الييوم الثاني ! ويجلس أيام زعلان ف اضطر أنا ألطف الجووو لأنه هو شايفني غلطانة لأني مارحت معاه .. بإختصار مايبغاني اقول لا ف نظره أنا ( ألة ) .. مستحييل يكون عندي ظروف .. مايراعي أبد خلاص قال يالله نروح لأهلي يالله نروح لمدري ميين خلاص اتجهزي اش ماكان وضعك ولا تناقشيني فيه ! مرات أضغط ع نفسي واجاريه ومرات ما اقدر .. |
رد: تعبت من حياتي معاه !
حبذا لو انه يطلع على مشاركتك هذه في هذا المنتدى لربما يرق قلبه
|
رد: تعبت من حياتي معاه !
الله يعينك حبيبتي اختصار مشكلتك انك تعطين بدون ومقابل والحل هو تغيرين وضعك الى تعطين نفسك وبنتك وبس
لا تنتظرينه وحاولي تستقلين عنه ماديا وعاطفيا اللي يعطيك إياه من نفسه خذيه والأمور اللي يذلك فيها ترفعي عنها ولا تطلبينه تجملي وتزيني لنفسك وحبي نفسك وبنتك ..ولا تهملين نفسك عزي نفسك ! حاولي تشغلين وقتك وفكرك في شي ثاني غيره صدقيني اذا طبقتي كلامي راح تحسين انك طلعتي من الدئره اللي حبستي نفسك داخلها دائما العطاء بدون مقابل في العلاقه ينتهي نفس نهايتك الرجل لا يقدر المره الضعيفه التافه اللي تركض ورآه و تعتمد عليه وتطلبه اهتمام ويموتون علي الحرمه الثقيلة المشغولة اشغلي نفسك مع اهلك وحاولي تبدين في مشروع منزلي او حاولي تقدمين علي وظيفته او حتي انشغلي ببنتك ودراستها انا متاكده اذا غيرتي نفسك حالك بيتغير |
رد: تعبت من حياتي معاه !
البخيل بغيض واناني يااختي
سبحان الله كأنك تتكلمي عني لكن الحمدالله ربي اغناني بوظيفتي وللا الله العالم بالحال وغالبا البخيل غني بس مو شايف خير وعايش فقير في الدنيا ولا قادر يسعد نفسه ولا غيره |
رد: تعبت من حياتي معاه !
ابحثي عن وظيفة ؟
|
رد: تعبت من حياتي معاه !
فرح تايه تزوجتي وصرتي ام :30:
انا عرفش شخصيتش قويه ودقيقه في الاختيار ما تعرفتي على زوجش وقت الملكه ووضحت طباعه وتصرفاته لش؟؟؟!! يعني مو فاهمه انغشيتي ولا أسأتي الاختيار!! واعرف شخصيتش مستقله وقراراتش بيدش كيف ما تشتغلين ! |
| الساعة الآن 09:44 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©