زوجي والخادمة
 

صباح الخير

كل عام وانتم بخير 🍃

من اول ماتزوجت وزوجي ماعنده مشكله بوجود الخادمه لكن انا كنت ارفض وجودها لان فعلا ماكنت اشوف اني احتاجها .. ولان زوجي كان ماسك عني نص الشغل .. وقبل سنتين تقريبا جاب زوجي خدامه كينيه طبعا بس عليها التنظيف ... ولما حملت اظطريت اغيرها لان محتاجه واحده تطبخ وتساعدني عالبيبي والبنات خاصه اني بعد الولاده حكون ببيتي .. فجبت خدامه من البلد ..

الخدامه ممتازه مرا من جميع النواحي وخاصه انها اندونيسيه فتعلقت فيها بزياده لان مااحب اي جنسيه غيرها ..

بعد ولادتي بشهر انا سافرت لاهلي والخدامه راحت اجازه .. حاليا انا عند ماما .. وقبل يومين كلمني زوجي ويقرر ان الخدامه ماحترجع وبلغها بهالشي .. وان الخدامات ماحيدخلو بيتي من اليوم .. هذا وانا كنت مقرره اجيب خدامه تانيه 😩 حاولت فيه ومرا الموضوع عنده غير قابل للنقاش ...

طبعا سبب رفضه غير مقنع بالنسبه لي .. لان قبل كان مرتاح بالمره ومؤيد لها فجأه تغير !!

بصراحه مقهوره مراا وضعي مايسمح ابدا اني استغنى عن الخدامه وماني عارفه كيف اقنعه ؟؟

رد: زوجي والخادمة
 

رد: زوجي والخادمة
 

الحمد لله على السلامة

ماهو مبرره بالتفصيل الممل؟

رد: زوجي والخادمة
 

ممكن تماشيه وتخليه هو اللي يجري ويجيب خادمة

بعد مايشوف كركبة البيت حيعرف ان الله حق ويروح بنفسه يجري يجيب خادمة

----
احتمالات تمشيته للخادمة :
- بينه وبينها شي
- لاحظ شئ في المنزل ويريد تأديبك
- رافض من اول وجودها ولكن كان يماشيكي الى ان يتطمن عليكي ويتمكن في نفس الوقت من تمشيتها
- ماعنده فلوس
- سمع كلام من زملاؤه

رد: زوجي والخادمة
 

كل مافي الامر انك تعودتي عليها ومع الوقت راح تتعودين
يكون البيت بدون شغالة الا اذا كنتي موظفة
غير كذا اجعلي عمل البيت يملاء وقت فراغك وخدمة لزوجك
وستعيني مابين فترة وفترة بشغالة تجيك بالاسبوع مرة


يجب حسن الضن بزوج ونبتعد عن تعقيد الشوش بين الاطرافfgn

رد: زوجي والخادمة
 

يمكن هو ما يبي خدامه علشان ماتصير سالفه وخيانه لان في بعض الرياييل عيونهم زايغه يستانسون اذا زوجته طلبت خدامه

انا عن نفسي ما اثق في زوجي لان وايد يطلب نييب خدامه البيت والمشكلة هو بكون بروحه مع الخدامه في البيت وانا في الدوام

ومب راضي اييب خدامه ساعتين واكون انا وياها

رد: زوجي والخادمة
 

اتوقع يبي خصوصية

رد: زوجي والخادمة
 

الف الحمدلله على سلامتك حبيبتي كوين ومبروووك المولود ربي يجعله من الصالحين



وبالنسبة لكلام أخي الكريم لماذا نتزوج عن انو بينها وبينو شي بعتقد ذكر هالكلام ليوصل رسالة غير المقصد الظاهري
وما بيعني بالفعل اللي قاله

اهم شي اسمعي مبررات زوجك ولو ما كانت بنظرك مهمة بس ممكن بالفعل يكون من الاشخاص اللي بيتضايقوا من وجود احد غير العائلة بالبيت.

صديقي لظروف صحية اضطرت تجيب عاملة لتساعدها بالبيت بعد اقل من ست اشهر استغنت عنها لبيت عمها مع انها كانت بتمدح فيها كتير بس صديقتي ما قدرت تتأقلم حدا يكون معها بالبيت وما ارتاحت الا لرجعت لحياتها السابقة
فصارت تجيب بالاسبوع وحدة يوم او يومين




وبالنهاية كل شي بالرواق والمسايسة بيمشي الحال

دعواتي ترافقك ⚘⚘⚘⚘⚘⚘⚘

رد: زوجي والخادمة
 

"بينه وبينها شي"

جملة يندرج تحتها الكثير

مقصدها الرئيسي : ان الشغالة مضايقته لشخصه هو.

زي ماالواحد يستغرب من تصرفات شخص مقابل شخص ويقول له : بينك وبينه شي؟

يقوم يسأله الشخص : وش تقصد؟

فيرد : لا ابد، بس حاسس انك ماتطيقه وانك متضايق منه، فعشان كذا سألت هل بينك وبينه شي؟ قاتل لك احد؟ سارق منك شي؟ غلط عليك؟

وصلت المعلومة ياكونانات المنتدى؟!

اصلاً لو بينهم شي (حب او جنس) ماكان قال لااريد شغالات ابداً!
كان قال خلينا نغيّر هذه الشغالة تحديداً.

وكان اصلاً بيّن على الشغالة لأن الاخت كوين مفتحة ماشاء الله ونبيهه.

وبعدين هذه احتمالات عامة لفعل اي زوج يرفض وجود الخادمة فجأة

ذكرتها من اجل ان نشجع صاحبة الموضوع لطرح مبرر زوجها (المقنع لنا وليس مقنع لها (عشان كده تحرجت من ذكره لخوفها من ان نصفّ مع زوجها))
والله اعلم

بانتظار ردك ياأم..... (معليش نسيت اسم بنتك) اخت كوين

رد: زوجي والخادمة
 

سوري عالتأخير بس مرا انشغلت

الله يسلمكم

اسبابه .. راتبها عالي فحاولت انا ادفع راتبها ورفض .. ويقول بياخذ راحته بالبيت .. وبجلسته و مكان جلوسه منفصل تقريبا عن البيت وبحمامها الله يكرمكم .. ووغرفه النوم كمان زيها ..

ومره يقول يخاف على البنات والبيبي منها ومن كثر مايسمع من مشاكل الخدامات .. والبيت ماسار فيه روح ومشتاق لحياتنا قبل وجودها .. ممكن لان زوجي حرك في البيت ودمه خفيف وبوجودها يكون رسمي تقريبا .. وانا اشوف عادي ماله داعي الرسميه ...