|
اعترف غلطت وطحت بحيره
السلام عليكم ورحمة الله وبركاته
أولاً كل عام وانتم بخير ثانياً انا بحيره م يعلم فيها الا الله وببدايه الموضوع اعترف اني غلطت غلطت غلطت السالفه تقدمنا وخطبنا من ناس نعرفهم خطبه مثل اي خطبه ووافقو وصارت شوفه وارتحنا وكل شي الحمدلله بعدها بكم يوم اتفاجات البنت تتواصل معي بحجه تبي تتعرف علي اكثر م تبي ترتبط مع اي شخص تبي تعرفني وتعرف طريقه تفكيري ومن هالكلام رحبت بالفكره وبداخلي نفسي م عجبني تصرفي ليش هالجراءه بعد تقريبا 3 شهور من الخطبه والمكالمات قالت لي احنا م نصلح لبعض انت قلت ايه م نصلح لبعض قالت طيب خلاص اتصل ع ابوي وقوله بفسخ الخطبه تأخرت م اتصلت وصارت تحن تحن علي الا اتصل وافسخ اتصلت ع ابوها وفسخت الخطبه وان م نصلح والله يستر عليها وعلي وواهلي زعلو علي كثييير بحكم فسخ الخطبه بدون مقدمات لكن م قلت لهم انا نكلم بعض واتفقنا انا والبنت كذا المهم انتهى الموضوع وبعده بكم اسبوع البنت ترجع تكلمني وتبكي وتقول انها تحبني وم تقدر تستغني عني قلت لها طيب ليه قلتي نفسخ الخطبه قالت م كنت قاصدتها بشوف رده فعلك واخذتني الكبرياء اقولك ابيك حاولت اصدها لكن كانت متعقله جدا وكانت تبكي وتكسر بقلبي فأستمريت اكلمها لمده سنه تقريبا خلال هالسنه طلعنا اكثر من مره وصار بينا أشياء وتعلقت فيها من فتره البنت تغيرت علي كثير وتقولي اللي نصلحه خطأ ولازم نشوف حل لعلاقتنا قلت لها صح اللي صلحناه خطأ وخطأ كبير افضل شي نترك بعض م يصير نستمر مع بعض، والان علاقتنا تقريبا سطحيه م نتكلم كثير نادرا م نتكلم، الأن اعترف اني علي خطأ والمفروض م استمر بالعلاقه ابدا ابدا لكن كسرت بخاطري لما تبكي الان افكر اتقدم لها من جديد لكن خايف علاقتنا بالزواج م تنجح خايف راح اشك فيها خايف أن اللي في مو حب مسأله وقت ويروح خايف من أشياء كثيره م ابي اظلمها واظلم نفسي معها وخايف لو م اخذتها م راح انسها ابدا تقريبا يومي كله افكر فيها وافكر بموضوع علاقتنا والله احترت لدرجه راسي طلع فيه شعر ابيض خلال اقل من شهرين افيدوني الله يجزاكم ويرحم والديكم بحالتي اش المروض اسوي استشيركم لأن واثق بالمنتدى فيه أعضاء متعلمه ومثقفه وفاهمه بأنتظاركم ع احر من الجمر |
رد: اعترف غلطت وطحت بحيره
اهلًا But why
هل هي ما زالت تريدك الى الان ؟ أم أنك انت فقط من تفكر بها؟ من الذي اقترح بأنه يجب أن ننهي العلاقة ؟ وهل هي موافقة على هذا القرار؟ |
رد: اعترف غلطت وطحت بحيره
اقتباس:
وأنا أقترحت ننهي العلاقه لكن غير مرحب به من قبلها غير متمسكة بي وترفض انهاء العلاقه !!! |
رد: اعترف غلطت وطحت بحيره
اتركها لأنكم لن تنسجموا مادامت هذه هي بدايتكم
وتب الى الله لاتلعب بأعراض المسلمين تريد الزواج واعفاف نفسك ثم تتحول الى سنة كامله وانت على علاقه معها خاف على نفسك خاف على اخواتك خاف على بناتك هذه ديون توفى لك بالدنيا فتخيل ان ياتي شاب ويفعل ماتفعله مع اهل بيتك |
رد: اعترف غلطت وطحت بحيره
اقتباس:
مادريت ان البنات تتطورو وصارو يطلبون الفسخ ايام الخطوبة! وانا اقول ليش اخوي كل ماخطب وحدة، تطلبه امها انه يكلم البنت عشان يتعرفو على بعض وبعدها تصير نفس الحركة اللي صارت معاك! واخوي وامي المساكين كانو يصدقوهم ان البنت ضاق صدرها وماتبي تكمل الزواج، اتاريها انها بتختبر تمسّك اخوي بها واحنا ماندري! بالنسبة لك انت قطعت نصف المشوار اللي هو اعترافك بخطأك بقي الآن انك تكمل الحل وانك تقطعها تماماً عشان الله يرزقك بزوجة صالحة تحفظ لك بيتك وعيالك |
رد: اعترف غلطت وطحت بحيره
ان كان ما وقع بينكما كبير فيجب ان تكون رجلا وتكمل وتسترها
والا فاتركها لانها يبدو انها لا عرف ما تريد وستتعبك |
رد: اعترف غلطت وطحت بحيره
انت بالتأكيد مخطىء منذ البداية لكن الافضل تركها واعتقد ان ما تريده منك هو
1 -التسلية 2 - جعلك احتياط بنسبة 40% ان لم تحصل على زوج افضل ! |
رد: اعترف غلطت وطحت بحيره
اقتباس:
وأنت بخير ومن تحب ,, أرجو توضيح ما تم اقتباسه أعلاه ,, هل تم الدخول بها أم لا ,, لابد للخطأ من ثمنٍ ,, ,, |
رد: اعترف غلطت وطحت بحيره
مكانه الانسب
|
رد: اعترف غلطت وطحت بحيره
انت ظلمتها بعلاقتك معها ، وهي ظلمت نفسها ايضاً، اذا تبي تسترها وتظمن انها بتعيش معك فتقدم لها ولا اتوقع انها ستبحث عن غيرك لأنك عرفتها عن طريق خطبة وليس الشارع ! لكن تأكد هل يوجد رغبة متبادلة من الطرفين قبل ان تتكلف وتخسر وقت وجهد ومال
|
| الساعة الآن 03:18 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©