|
عمري32 ولم اتزوج والتفكير يقتل
عمري 32 سنه
جمالي عادي وجالسه اكمل جامعه باقي سنه واخلص الحمد لله وان شاء الله بعدها الوظيفه بس كلام الناس و نظراتهم ومااحد يسولف معك لانك كبرتي وماتزوجتي واغلب اللي عندنا مايتزوجون الا اعمار 18-23 يعني اللي نفس عمري ما لهم طلب احس شبابي راح وصار تفكيري كيف اذا تزوجت بعد هذا العمر وجاني اطفال كيف اربيهم باكبر بالعمر وهم صغار احيان افكر اكنسل موضوع الزواج من بالي لان وقته راح او افكر مااتزوج عزوبي بعد العمر هذا لان ماعنده خبره بالحياه وبيضيع عمري زياده معه صرت ادعي يجيني ارمل او مطلق ومعه اطفال وارعاهم بشرط ماانجب اطفال صغار كل همي اكبر قبلهم وهم صغار وماابغي اظلمهم بالحياة مرات افكر اتزوج مسيار متشتته و خايفه من الحياه والمستقبل وبنفس الوقت ابغي اعيش حياتي |
رد: عمري32 ولم اتزوج والتفكير
تظلمي نفسك بتفكيرك السلبي هذا
واذا كان عمرك 32 سنه ؟؟ ياكثر بنات بهذا العمر تزوجو شباب عزاب وانجبو اطفال ترى 32 صغير مو عجوز حتى تقولي عن نفسك وشلون اربي عيالي بعدين؟ كيف يعني تدعين ان ربي يرزقك بمطلق او ارمال وعنده عيال !! تتنازلي عن حق من حقوقك بس علشان عمر لايودي ولا يجيب يابنت الحلال تفائلي بالخير ربي بيرزقك واحسني الظن بالله |
رد: عمري32 ولم اتزوج والتفكير
اختي العمر مجرد رقم لا اقل ولا اكثر
وبعدين اشوفك مكبره نفسكوتتكلمي وكأنك عجوز!! ترى 32مو كبيره والحين اغلب الزواجات في هذا العمر خلي تفكيرك ايجابي واحسني الظن بالله وان شاءالله ربي يرزقك باللي يسعدك المهم كملي حياتك بتفائل وايجابيه وحاولي تستفيدي من فراغك بشي مفيد واتركي موضوع الزواج للنصيب اللي الله كاتبه لك راح يجيك ومافيه مانع لو كلمتي خطابه مثلا بدون مااحد يدري ترى زواجات كثيره تتم عن طريق الخطابات |
رد: عمري32 ولم اتزوج والتفكير
يااختي لسه صغيره وقدامك الحياة والله يرزقك بالزوج الطيب وتخلفي ذريه طيبه ، اكثر مايحطمنا الافكار السلبيه الحمدلله انتي شابه وجامعيه شنو ناقصك الخير بقبال لاتستعجلين عليك بالدعاء وماقدامك الا كل خير
|
رد: عمري32 ولم اتزوج والتفكير
لا تخلي افكرك السلبيه تحطمك
الحمدالله انتي في نعمه بعز شبابك وتدرسي كملي تعليمك واهتمي بنفسك عسى ربي يرزقك بزوج صالح |
رد: عمري32 ولم اتزوج والتفكير
سبحان الله دائما يقال كل ما اشتد الضيق قرب الفرج بإذن الله ،، فأبشري بفرجك ان شاءالله .
المجتمع مأثر على تفكيرك وتفكير كثير في السن لكن أيضا سمعت كثير تزوجوا في سنك. اللي تفكرين به الحين في مسألة انك ما تبين تجيبين عيال وانتي في سن متأخر او تبين تلحقين هي مرحلة مؤقتة تمر بها كل النساء في هذا السن سواء تزوجت أم لم تتزوج .. سمعت مرة ممثلة أمريكية تزوجت في عمر الثلاثين وهي ما كانت مقتنعة بزوجها وتطلقت منه بعد شهرين سألوها ليش تزوجتيه ؟؟ قالت لأني كنت خايفة صرت في الثلاثين وما تزوجت وجبت عيال فكنت قلقانة على المستقبل عشان كذا تزوجته لكن بعد كذا اكتشفت انه ما يناسبني. سمعت كثييير من القصص من تزوجن في سن متأخر وربي عوضهم بأحلى وأنسبً نصيب. العبرة مو بالزواج لكن من تتزوج. |
رد: عمري32 ولم اتزوج والتفكير
اقتباس:
انا عايشه بمجتمع اكيد بتأثر فيه اذا جينا للواقع فعندنا اللي تتعدى 26 مااحد يخطبها فضلا عن الزواج يعني 90% يتزوجون من بعد الثانوي ع طول الى سن 23 صحيح الزواج مو كل شي بس لمن ترجعي من حفله وحده اصغر منك تحسي بشي مكسور داخلك يارب متى افرح مثلها شي غصب عنك هذا الحقيقه وكل بنت تعرف معنى ذا الشعور بالنسبه للاطفال انا ربيت 2 من اولاد اختي من عمر شهر لين سنه تقريبا وعارفه قد ايش التربيه صعبه وتبغي مسؤوليه اكبر مني و ماعندي نيه اغير قراري بالموضوع الا مع الايام مدري وش يصير |
رد: عمري32 ولم اتزوج والتفكير
اقتباس:
لاعااد ما وصلت مرحله اني عجووز ههههههههههه بس المجتمع يحتم عليك اشياء لان فعلا 32. مو كبير بس عندنا حتى الشياب- << مو معناته باقبل بشايب كتوضيح - مايتزوجون الا مطلقه او اصغر من ذا السن لمن تكون مهمش اجتماعيا والله كل فكره سلبيه تجي ببالك غصب بالنسبه للفراغ كبير الا اوقات الدراسه لان ما فيه مجال الا بالدراسه او البيت صراحه مااثق بطريق الخطابات لان كلها اسماء وهميه |
رد: عمري32 ولم اتزوج والتفكير
اقتباس:
صحيح جامعيه الحمد لله ومرشحه لكذا وظيفه من فضل ربي ووضعي تمام اشوف كل هذي اشياء ماديه بس ناقصني اشياء اجتماعيه مثلا مثلا مااقدر اكون صداقات كل اللي بسني متزوجات ربي يوفقهم وما يقبلون صداقات مع مو متزوجات <<هذا تفكيرهم 😐 واللي اصغر فررق نظرتهم للحياه عني ماقدرت اتاقلم معهم ☺<<وماابغي ادخل نفسي بدردشات النت علشان ادور صداقه والاشياء العاطفيه يعني غصب ع الواحد يحتاج وتصير ناقصتنه اشياء ... حذفت بعض برامج تواصل علشان ماادخل بطريق عارفه نهايته وانا متفائله بالخير الحمد لله بس تجي لي حالات ضعف ايأس مو بيدي |
رد: عمري32 ولم اتزوج والتفكير
اقتباس:
كلامك ريحني كثير وفعلا نفسي اقدر اشيل من بالي التفكير |
| الساعة الآن 10:48 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©