|
اختلفنا بسبب سفر ابناؤه معنا
زوجي قبل فترة مع اصحابه انا وقتها مرره زعلت وقلت له توعدني تطلعني بعد كذا وحدي قال ان شاءالله من وقتها حسيت ان كلمته فيها شيء
ولي فترة افاتحه بموضوع السفر وهو كل مره يجي بكلمه وقبل شويه كلمته واختلفنا وزعل وقام طلع من المكان اللي احنا فيه قلت له انت واعدني نسافر وحدنا اول والسنه اللي بعدها نسافر سوا بس حتى العيال يبغوا يسافروا الولد عنده ترم صيفي ممكن ياخذه عذر اذا منحرج بس مايضيق عليه باولاده اول سفره طلعنا فأول سنه واخذناهم ماقلت له شيء قلت ماعندي مانع بس تعوضني واللحين تغير كلامه عياله عنده طول السنه حتى فالاجازات قلت احس بشويه خصوصيه برضه عندنا انا ملابس النوم والملابس الخاصة معد اعرفها ولم قلت له زعل انا ما افكر فهالامور وقلت خلاص دام انا مرتاحه ليش اجيب لنفسي وجع راس بس انا مو مجبورة يضيق علي بعياله انا ما عشت من حياتي الخاصة شيء بس مثل ماهو يفكر بسعادته انا من نفسي افكر بنفسي وراحتها بدون انانيه تناقشنا وانا اللي قفلت الموضوع مرره قهرني ورجاء ما ابغى ردوود مثاليه نتكلم بواقعيه |
رد: اختلفنا بسبب سفر ابناؤه مع
اختي بدون كلام مثالي
لكن كلام واقعي الحياة ما اتيينا كما نشتهي ولكل شي نقصان يعني انتي اذا حياتج الحمدلله ويا ريلج مستقره وطيبه لا تتدققين وايد على عياله ترى هالشي بيضايقه يعني هذه المشكله اهون واحسن مليون مره من مشاكل ثانيه العيال ترى يحبون السفر والوناسه والابو خلاص سبحان الله غصباً عنه قلبه يلين مع عياله ومايحب يرد لهم طلب وحاب ايونسهم اذا صار وسافرتو بروحكم ف الحمدلله شي طيب وان ماصار اصبري وتحملي عالاقل تسافرون كلكم وتغيرون جو وتستانسون ولا انكم ماتسافرون نهائياً بعدين اللي فهمته انه هو مطلق وعياله من طليقته عندكم وين امهم ؟؟؟ المفروض يكونون عندها عالاقل وقت السفر خبري ريلج يخليهم عند امهم ولا عند يدتهم وبخصوص اللبس وانج ماتاخذين راحتج جدام العيال خلاص بالغرفه البسي له وتكشخي تخيلي وضعج نفس اللي عايشه مع اهل ريلها كيفي نفسج مع ظروفج عشان ترتاحين ولا تقارنين حياتج مع غيرج وبخصوص انه سافر مع ربعه او طلع وياهم مايستاهل الموضوع الزعل اذا كان مب مقصر وياكم ويطلعكم يمكن شاف السفر مع ربعه خفيف ومافيه مسئوليات وحاله بس انتي كلميه بإسلوب طيب وبدون نقاش وعصبيه انه يسفرج وذكريه من فتره لفتره عادي تدرين انا من 3 سنوات وانا اكلم ريلي عن السفر و لين الحين ماسفرني يلا الحمدلله بس مايسوى اخلي موضوع السفر يخرب بيتي و يوتر العلاقه بس كل ما سمحت الفرصه ذكريه |
رد: اختلفنا بسبب سفر ابناؤه مع
اقتباس:
الحياة الخاصة حسب التعريف الذي نعطيه لها سنعيشها, انت تزوجت زوجك وانت عارفة أنه معه أطفال ورضيت به فعلى حسب وجودهم معكم نظّمي حياتك الخاصّة مع زوجك, واعلمي أنّك كلّما أظهرت تهرّبك منهم كلّما أشفق عليهم وزاد تمسّكا وتعاطفا معهم, ولا تربطي له الخصوصية بالملابس الخاصة فيصير كلّما لبستيها تذكّر أطفاله بل استغلي الفرص المتاحة وخليه يشوفك على حسن ما يتمنى وهو بنفسه يربط ذلك مع وجود الخصوصية ويسعى لتوفيرها, أيضا طلبك للسفر من غير أبنائه وهو رافض, قد يعود بالضرر عليك أنت, تصوري أنّه يسافر معك لوحدكما فمن المؤكّد أن عقله وتفكيره سيكون مع أبائه ولن يصاحبك إلا بجسده, ومن دون متعة, فالأفضل في وضعك الرضا بصحبتهم, إذا لزم الأمر, والإستمتاع مع زوج لك منه شطر من الإهتمام ويحاول إسعادك خير من السفر مع جسد والعقل غائب أو مشغول,, |
رد: اختلفنا بسبب سفر ابناؤه مع
اذا سافرتوا وهو مو مقتنع طول السفر بيحس بتأنيب الضمير وينعكس هذا على تصرفاته معاك
الله يعينك يارب |
رد: اختلفنا بسبب سفر ابناؤه مع
الموضوع مو مرتب تو ارجع للموضوع
|
رد: اختلفنا بسبب سفر ابناؤه مع
اقتباس:
k"]انا عارفه ان مشاكلنا الحمدلله مو كبيره عياله تقبلتهم مع الوقت وعلاقتنا تمام ولاقد اشتكيت له منهم بس هو وعدني ويقدر يقولهم اي عذر زي ماهو فضل يطلع مع اصحابه وينبسط انا برضه من حقي اطلع بدون العيال وانبسط وممكن يوعدهم بعد كم شهر وممكن يحجز من اللحين [/COLOR] |
رد: اختلفنا بسبب سفر ابناؤه مع
اقتباس:
انا عندي ملابس شلتها من اول ماتزوجت معد انلبست وسرت لم البسها يفتكر اني اطلب علاقة كرهتها ولده كبير عمره 17 سنه سرت استحي البس مكشوف قدامه واللي تقلي البسي فالغرفه وع كل طلعه اغير مثلا يعقل هذا وزعلان ليش اقله انا ما عندي اي خصوصية فبيتي |
رد: اختلفنا بسبب سفر ابناؤه مع
اقتباس:
|
رد: اختلفنا بسبب سفر ابناؤه مع
اقتباس:
يا أختي وردة رضا الزوج إذا كان في غير معصية الله فهو مطلوب لصالح الدنيا والآخرة ثمّ ما فائدة أن تضلّ الأجواء متوتّرة والتعامل جاف طيلة العام من أجل متعة أيام, بينما ممكن أن تنقص منها بعض الشيء من المتعة لتظلّ في حال أريح باقي الأيّام,,, أحيانا تكون محاولة أخذ ما نعتبره حقّا بالقوّة هو كمن يناطح صخرة, فينتهي بكسر رأسه ولا يغيّر من مكان الصخرة قدر أنملة لذلك يلزم تغيير الوسائل !!! ابن زوجك هو ربيب لك ومحرم راح يفهم من نفسه هذا الإحراج ويقلّل الحركة, وممكن تجعلوه يلتحق بنشاط صيفيّ يشغله, فيستفيد ويريّحك,, لكن ألا يذهب هو وأخته لزياة أمهما إطلاقا؟ ولا حتى في العطلة الدراسية؟ عموما أنت سدّدي وقاربي, تجاوزي عن أشياء مقابل نيل أشياء, وأسأل الله أن يشرح صدرك ويلا يحرمك من متع الدنيا والآخرة, |
| الساعة الآن 07:34 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©