طلق زوجته ويبيني ارجع
 

السلام عليكم ورحمة الله .. انا جاية ابي استشارتكم حاسه اني مب فاهمة شي سبق وكتبت قصة طلاقي الان وبعد مرور سنة طليقي طلق زوجته وجاي يطلبني من جديد وجايب معاه رجال عشان يطلبوني من اخواني
تزوج علي مثل ماكان يقولي عشان حلف يحط فوق راسي مره وسبب طلاقي امه
الان انا عجزت افهم خلال سنة تزوج علي وطلقني والآن طلق زوجته ويبيني ارجع هل هذا تخبط منه ودليل على انه إنسان مايعرف وش يبي ؟
بصراحة انا جدا خايفة لان اشوف اللي سواه تهور ع فكرة زوجته الثانية كانت نفس مايطلبون اهله تطبخ لهم وعايشه معاهم مدري ليش طلقها اخر شي كنت اتوقعه يصير
تعبت من التفكير عندي ولد وأفكر فيه اكثر من نفسي

رد: طلق زوجته ويبيني ارجع
 

بعيد عن اللي حصل قبل معه والمشاكل اللي حدثت، الآن هو طلق زوجته، وأنتي عندك طفل منه، والسؤال هل أنتي تريدينه أم لا؟
إذا كان الجواب نعم، فليكن ذلك وضعي اشتراطاتك
إذا كنت تحنين إليه وفيه إيجابيات، توكلي على الله، خصوصاً أنه بينكم أطفال
أحياناً الزوج لايرى إيجابيات زوجته ألا بعد فوات الآوان، أو حينما يجرب غيرها، ربما أدرك أهميتك ومناسبتك له، بالإضافة إلى كونك أم لطفلته.

رد: طلق زوجته ويبيني ارجع
 

رد: طلق زوجته ويبيني ارجع
 

كلام كبير
في رأيي ان موضوع المقارنه بالزوجه او الزوج الثاني دائما حاضر وطبيعي جدا ف يا اختي دايم اب يرجعلج هذا معناته انج افضل منها ( اب غض النظر أسباب طلاقه ) هذي حقيقه ثابته. يا أختي الطبخ والنفخ مو كل شي...في شي اسمه كيميا بين الزوجين

رد: طلق زوجته ويبيني ارجع
 

مع عبدالله
يمكن الحين عرف قيمتك
وان مو كل شي يفرضه اهله صح
ارجعي بشروط تضمن باذن الله راحتك وكرامتك
اتوقع حتى انتي تغيرتي وتعلمتي من اخطائك السابقه وهو كذلك
الله يكتب لك التوفيق
استخيري قبل كل شي

رد: طلق زوجته ويبيني ارجع
 

كشخص ايه أريده لكن خوفي من اهله وتأثيرهم عليه مدري اذا مستمر الى الان ولا لا

رد: طلق زوجته ويبيني ارجع
 

خلال فترة طلاقي ابدا ماتوصلت معه ولا تواصل معي مافي اي نوع من التواصل ولا حتى مشاكل يعني نعزم اهله بمناسباتنا خالته بتخرجي سوت لي حفلة ولبيت الدعوة توفى واحد من اهله ورحت عزيتهم


لما خطبني ماحسيت ب فرح كان شعور غريب لان مافيه تواصل ابدا ولا فيه شي وكنت شايله هالموضوع من بالي نهائيا وانا على أساس انه خلاص متزوج ومستقر بحياته وش ذكره فيني


كثير كانت عندي اخطاء واغلب أخطائي كنت لما اسمع لكلام اختي

رد: طلق زوجته ويبيني ارجع
 

بغض النظر عن ليش طلق
هل انتفت مسببات طلاقك؟
هذا هو المهم
اذا تعدل الوضع
وراح تطلعين في بيت لحالك وحس بغلطه وانتي نفس الشي تعدل وضعك
نعم نقولك ارجعي وتوكلي على الله

رد: طلق زوجته ويبيني ارجع
 

اذا فعلن زوجك راغب في رجعتك حب لك وندم على تركك ولم شمل بينكم والطفل معك
ارجعي لكن قبل كل شي ضعي النقط على الحروف وماكان سبب دمار بيتك حليه
ضعي شروط للرجعه حتى تضمنين حياتك معه
لا زوجك ومن خلال ماقريت في قصتك الطلاق عنده سهل
انتبهي تستعجلين بالحمل مره ثانيه لين تشوفين ظروف وحياتك معه لايكون فيه ضحيه ثاني

رد: طلق زوجته ويبيني ارجع
 

لو انا بثوبكً... ارجععععع