|
خطيبي المتعٍب
السلام عليكم ـــــــــــ خوذو كلامي على انه فضفضه اكثر من ماهو مشكله
فبتكلم كل حاجه على بعضها انا معقود قراني على شخص بنفس عمري واكتشفت ان هالشي سبب مشكله وعائق بالنسبه لي لاني دايم اشوف نفسي اكبر وافهم منه والله مو شوفه نفس بس هذا الواقع خطيبي شخص طيب خجول عايش بعيد عن اهله ماله صداقات كثير مشاكله وهمومه تافهه تجاربه بالحياه قليله وثقافته بكل مجالات الحياه ضعيفه مااحس تجاهه باي مشاعر حب مع ان علاقتنا بتكمل السنتين بكل مره يسالني تحبيني ؟ اسكت او اغير الموضوع لاني جدياَ مااحس بهالشعور تجاهه بس مااحب ابين له لاحظت افكار ماتعجبني عنده بس ماقدرت اتاكد اذا هو صادق او يمزح ؟ مثلا يقولي ابيك تعطيني راتبك ان شاءالله اذا قلت له نعمم!! يضحك على طول ويقول لابس عشان اعده لك ومره ثانيه يقولي ان شاءالله تشترين لي سياره فخمه انتي تقدرين ؟ واحيان يقول اصلا الحياه صعبه لازم كلنا موظفين ونساعد بعض عشان نعيش مدي كيف , الرجال طمعان والا بس يمزح بيجس النبض والا كيف والمكالمات بيننا اذا قربت تصير ساعه وماقفل هذا يعتبر انجاز عظيم مااقولكم مكالمتنا بارده او مافيه سوالف , والله ماتجي لحظات صمت الا قطعناها بموضوع مع ذلك دائما اذا قربت المكالمه على الساعه يحاول يقطع الموضوع لو هم مهم عشان يقفل؟ طيب ليييييه ! المخلوق ماخذني عن حب ووالله متاكده انه يحبني مليون بالميه بس ماادري ليه هالتصرفات معروف فتره الملكه المكالمات بالغالب تكون بالساعات والخطيبه تحاول تنهيها مو هو ؟ كمان من بعد الملكه زارني ليومكم ماشفت ريال , لامهر ولا هدايا ولاشي المهر يقول قريب ان شاءالله والهدايا عاد مو شي ينطلب اتمنى من كل قلبي انه يتعرف على مواقع زي هذا الموقع ويقرا ويكتب فيها والله شي يقهر لما تحسين نفسك تقرين وتبحثين وتتعبين نفسك كله عشانه وعشان ترضينه وتفهمينه اكثر , بالمقابل ماتشوفين اي شي من ناحيته وكانه ماله خلق يتعب نفسه بهالامور ! كيف اقنعه واخليه يدخل هالمواقع ويتثقف بدون مايكون بشكل صريح اخيرا ادعوا ربي يهديه ويسخره لي |
رد: خطيبي المتعٍب
انا عن نفسي ماحب هذا الطبع في الرجل
الي يطمع في السيارة وفي الراتب سلامات!! إذا مو مرتاحة تقدرين تفسخين الخطبة |
رد: خطيبي المتعٍب
هو مافيها شي المشاركة لكن مشكلة
بعض الرجال يدخل بطمع والطامة الكبرى يعترف ويقول بكل فخر |
رد: خطيبي المتعٍب
اقتباس:
اكيد وانا والله ماعندي مانع ابد اشاركه واساعده في بعض الامور لكن ابيها تجي مني ومن طيب نفس مو طلب منه ؟ بس المشكله مثل ماقلت انا ماعرفت مزحه من جده ولااردي كلامه هذا مقصود والا لا |
رد: خطيبي المتعٍب
لسى ما فهم شخصيتك
وترى تلميحه حقيقي واعلق على موضوع المخطوبين يتكلموا بالساعات انا كان حدي معه 10 دقايق ! تصدقين ولا حطيت ببالي او احيانا يوصل 20 دقيقة هذا نادر لان مافي كلام نقوله سنتين تبوا يوميا تتكلموا بالساعات شي ممل فتحي عيونه على رغباتك وناقشيه بوضوح واضح جدا يحبك بس غريبة المهر لسى مادفعه ابوك اخوانك اي احد ليش مايكلموه |
رد: خطيبي المتعٍب
اقتباس:
مو سنتين نكلم بعض بيننا تواصل من سنتين بس المكالمات دوبنا بدانا فيها وبالنسبه للوقت انتي قلتيها ماكان عندكم شي تقولونه بس احنا لا، يكون عندنا شي وممكن مهم مع ذلك يحاول ينهي المكالمه وانا على يقين انه فاضي ماعنده شي لان بنفس اللحظه الي يقفل فيها يجي يكمل ويسولف واتس اب؟ ويقول سجلي لي ڤويس |
رد: خطيبي المتعٍب
كيف ملكتي بدون دفع المهر
|
رد: خطيبي المتعٍب
هذا اول يوم مافيه وسايل تواصل كانت المكالمات بالساعات
الحين ماحد يتحمل |
رد: خطيبي المتعٍب
يا آختى فاقد الشىء لا يعطيه هو فاقد حبك وشوقك له واللهفه عليه وبالتالى كيف تطلبى منه ما يفقده معك اختى اعلمى ان للرجل منا حاسة سادسة يشعر بها بحب الطرف الآخر من المجاملة والا ما كان يسألك عن حبك له لانه يشعر بعدم حبك له والموضوع مجاملة فقط يعنى فقط زواج للهروب من العنوسة والخوف من عدم الزواج فاذا كانت هذه معادلتك فلا تطلبى منه اكثر من هذا |
رد: خطيبي المتعٍب
اقتباس:
اقتباس:
وبالعكس هو يقولي ويسالني اذا احبه مو عشان مايحس بهالحب هو يسالني لان على قولته انا احسك تحبيني بس ليه ماتقولين ؟ طيب هذا شي حلو ويدل على اهتمامي فيه وتعاملي معاه الي حسسه بالحب الغير موجود الي بيدي سويته , اما الحب والكره من الله صعبه بعد اقوله احبك وانا مو حاسه فيها واذا على العنوسه , عمري 22 عن اي عنوسه تتكلم ؟ |
| الساعة الآن 06:35 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©