|
ريحوني الله يريح بالكم
السلام عليكم ورحمة الله وبركاته
انا فتاه عمري 29 زواجي باذن الله بعد ايام قليله فتره ملكتي استمترت 6 اشهر ... خطيبي ابن عمتي انا منذ بدايه فتره الملكه وانا اشتكي من نفس الموضوع والكل يستهزئ بهذه النقطا ويقلل من قيمه مشاعري وما ياخذها محمل الجد (من الوالده الله يحفظها وصديقاتي المتزوجات وليس لدي اخوات) خطيبي جاااف جاااف جاافف واسلوبه معاي يميل للدفاشه اول شي ما اعرف ليش يرفض الزياره في هذه الفتره زارتي مره واحده فقط واشعر بالاحراج الشديد من صديقاتي لما يسئلوني متى جاك ومتى راح يجي وعيد الفطر لم يخطر على باله يسلم علي لما فرجيت صديقاتي لبس العيد حيل عجبهم وكانت تعليقاتهم ومزحهم كيف خطيبي راح ينبسط ما يعرفون انه ما مر مع اني كنت معطره المجلس وجاليه فالبيت اتوقع اي لحظه يقول لي بمر اسلم خطيبي خجول جدا وانا ما اعرف هل هذا السبب ام اسباب اخرى خطيبي راح رحلات عمل في فتره الخطوبه وعمره ما سئلني شو اجيبلك او اي شي انا اخررر همي الماديات والهدايا ولكن اقرا كثير في مواضيع المخطوبات ودايما الخطيب يجيب هدايا لخطيبته وانا اشعر بالنقص كاني مو مخطوبه من ايجابياته جدا عملي يعني موضوع الشقه والبويه خلصها بسرعه و كان يستشيرني بكل خطوه انا اشعر انه فيه برائه يعني لما امدح ذوقه جدا يفرح يحب يصل الرحم والاقارب كبار السن (معدا صله الرحم بزوجته هههههه) لما يكلمني يحب يتكلم عن اصدقاءه كثييرررر حاسه ماخذين كل وقته بعد الدوام مره كنت فالمستشفى موعد وسئلني وينك قلت له بالمستشفى رد سلامات قلت له الله يسلمك ماقال وش فيك او اي شي مع اني ما اعمل حركات لفت نظر واتشكى باي شي له ولما يكلمني وصديقه يتصل يتوتر ويحاول ينهي المكالمه بسرعه عمره ما قال لي كلام حلو مو غزل ولا رومنسيه حتى مجامله ولا شي ابدددا لما اقول له انا متوتره الزواج قرب يرد علي انا مو متوتر ويحط وجوه تضحك ويغير الموضوع لو اختفي عنه ما يسأل عادي مو مهم بالنسبه له انا جدا قلقه وخايفه كيف راح يكون بعد الزواج ان شاءالله في امل يتغير؟؟؟ |
رد: ريحوني الله يريح بالكم
مبروك لك، وبالتوفيق بزواجك
اولا خطأ موضوع المقارنة صديقاتي وماضيع كثير من المتزوجات الا إنهن ينظرن وش يقولن صديقاتهن مش بالضرورة يكون الرجال تصرفاتهم وحدة وعلى نسق معين من التعامل، واختلاف تعامله وتفكيره ليس دليلا على انه سيّء ربما انه عملي يركز على الأهداف مباشرة وهذا ماذكرتيه بنفسك أتوقع ان الرجل كويس وذهب، انتي فقط تعاملي بطبيعتك ولاتدخلين الاوهام والشكوك والأفكار السلبية على رأسك |
رد: ريحوني الله يريح بالكم
هلا أختي روز
ترى فعلا مثل ما قال الاخ نيت مان محد ضيع الا الصديقات قالوا واهلي قالوا الرجال عملي وانت قلتيها واهم شيء مايعاملك بعصبية وغيره .. هذا ماتعود على التواصل مع النساء ، ممكن انت تسألي عنه وحاولي بهالشي عشان يتعود دائما نحن ننتظر من يبادر ولا نبادر |
رد: ريحوني الله يريح بالكم
وعليكم السلام ورحمة الله وبركاته .. بارك الله لكما وجمع بينكما على خير .. .. زي ماقال الأخ Neat Man المقارنه تخرب في حياة المتزوجات كتير ترى . وبعدين مامعاهم حق صديقاتك يحشروا انفسهم , متى زارك , ايش جابلك ,, الخ . دي الاشياء ماتخوص الا انتِ وهوا .. ومدامو كويس واخلاقو كويسه ومحترمك فلا تشيلي هم .. الله يوفقك .. |
رد: ريحوني الله يريح بالكم
والله معك زوج والنعم فيه ان شاء الله لا تخافي
هذا قلبه ابيض لكن ما كان ليه علاقات سابقة علشان كدا ما يعرف كيف يتعامل معاكي وهذا خير علميه وتقربي منه وتوددي اليه وان شاء الله ربي راح يسعدكم |
| الساعة الآن 11:07 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©