|
زوجي يحادث بنات
السلام عليكم
انا والله مصدوووومه انا ما اصدق اللي شفته بعيد كل البعد عن بالي وخيالي انا متاكده ان زوجي يححححبني بس بكره انا مسافره لاهلي ان شاءالله عشان نفاسي واليوم عطاني جواله اشوف شغله وفجاءه شفت عنده انستقرام والادهى والامر اللي صدمني وطيحه من عيني وعدم ثقتي فيه شفته يسال وحده فلبينيه هل هي في نفس منطقتنا ولا لا !!!!!!!!!! تعرفون قصدي طبعا اكثر من وحده يسالها نفس السوال لا ويقول مرحبا ياحلوه انا انصدمتتتتت زووووجي خجوووووول ومن النوع اللي يخاف على سمعته وصورته في بداية حملي كنت اشوفه يدور زواج مسيار وكان طفران مدري من وين بيدبر ياليته زواج مسيار ولا قلة الحياء والامراض ولا واجهته ولا تكلمت مو عارفه اتصرف خاصه ان سفرتي بكره صورته بعيني تشوهت معقوله يوصل لهالمواصيل ! انا ماقدرت انام ولا قدرت اتكلم ودي يكون حلم والامر انه كان معي ويساعدني ويدلعني لين طلعت من المستشفى واشوفه مبسوط باقي لنفاسي اكثر منو٢٠ يوم بقضيها عند اهلي لان صعبه ابقى هنا لحالي في امور كثيره ما اعرفها لطفلتي او حتى اهتم بنفسي هذا اول طفله ولا انام من طفلتي ولازم اسافر ولا بنهار من التعب بعد الولاده والم ظهري زوجي عشان ما اظلمه ساعدني ويدور راحتي بس ما اصدق ان ممكن يسوي هالحركات ! لانه موسوس نظافه ! شورو علي لاني مو عارفه اتصرف و اتكلم معه معقوله !!! يعني سفرتي بكره وقلبي محترق ومتقرفه مابي اخذ موقف غلط لاني لو تكلمت يوم شفت الصوره ممكن انهي زواجي بس مسكت نفسي دام مابعد صار شي يمكن اتصرف قبل ينخرب بيتي |
رد: بسافر وشفت شي ليتني ماشفته
الله يكون بعونك
|
رد: بسافر وشفت شي ليتني ماشفته
اتركيه ولاتواجهينه واستودعي الله زوجك ،
الي يمر فيه زوجك وكثير من الرجال اما فضول او نزوه ، وحالة ضعف ايمان ، الي ما يشغل نفسه بالمفيد تشغله نفسه بالتوافه ، نسأل الله ان يجيرنا واياكم وان يتوب علينا وعليكم .. |
رد: بسافر وشفت شي ليتني ماشفته
مو يمكن يبي هالفلبينه عشان تخدمك بنفاسك 😊
. . . . نزوه يختي 😒 او نزوات يعني زوجك مو ملك اكيد ؟ وانتي شايفه المغريات اعوذ بالله بهالزمن ؟ . . الحل ؟ نفسي ببيتك ، وخلي دنجوان زمانه يقوم فيك عشان يحرم البصبصه مو صعب ؟ لاتقولي بكريه وبخاف سهالات الامور ؟ وكل شي متوفر وسهل والبيبي اغلب وقته نوم اجلسي ببيتك وابدائي جهزي ب ال 20 يوم الي بقت لك امور نفاسك خلك قويه يا ماما مو يقولو ان ماطاعك الزمن طيعه 😆 ، ، وصراحه النفاس بالبيت راااحه لك اكثر من بيت اهلك . . زوجك ادعي الله انه يصرف بصره وقلبه عن الحرام وعيني وعاونيه انه يجاهد نفسسه . . ان واجهتي ماراح تطلعي بنتيجه مرضيه لك غير المشاكل ووجع القلب ؟ . . واجلسي معه جلست روقان وقوليله ( حبيبي ناقصك شي ؟ مقصره معك بشي ؟ فيه شي حاب اني اسويه لك انا مو منتبهه لك ؟ مرتاح معي ) وعينك بعينه ... اخرشيه شويات عشان يحسب حساب لخاطرك . . . |
رد: بسافر وشفت شي ليتني ماشفته
خلك في بيتك...صحيح اللي بيسوي شي بيسويه سواء كنتي موجوده او مب موجوده...بس الافضل تقعدي ببيتك وتخليه يساعدك في امور البيبي...بدال ماهو قاعد يفكر كيف يخون...
|
رد: بسافر وشفت شي ليتني ماشفته
انفسي ببيت اهلك ماتعرفي وضعك الا لو امك وافقت تقضي ايام نفاسك ببيتك ...
لو ما قدرتي .. عشرين يوم قبل النفاس مالها داعي اجلسي مع زوجك ذكريه بالله احكي له قصة عن واحد زوجته اكتشفت هالشي خليه يحتاس يضرب اخماس في اسداس ويمكن يحس |
رد: بسافر وشفت شي ليتني ماشفته
احس والله العالم ان وضع زوجك ينقصه اشباع جسدي (وليس عاطفي) كل الاشياء اللي ذكرتيها تدور حول الجنس فقط..لاتدور على عواطف او حب او بحث عن علاقات ،،،يمكن يخجل يطلب منك يوميا ..بعضهم يحتاج باليوم مرتين..مدري بس راجعي هالنقطه ،،
|
رد: بسافر وشفت شي ليتني ماشفته
اقتباس:
اللهم احفظ قلبه عما يغضبك واغضض بصره وقلبه واصرف نظره عن المحرمات والفتن |
رد: بسافر وشفت شي ليتني ماشفته
اقتباس:
صعبه اقعد والله اجامل على حساب صحتي ونفسيتي لانوم ولا راحه انا قعدت ٢٠ يوم عنده عشانه هو بس عقب اللي لقيته ليه اجلس واهمل نفسي !! عشان والله واحد ينتظر اسافر عشان يخون !! ومع مين ! ناس من الشارع ! انا بس ابي اذا اقدر انقذه وانقذ بيتي لاني ما اضمن ارجع اثق فيه عقب اللي شفته او اتقبل اكون معه وانا اتخيله مع وحده ثانيه من الشارع اعوذ بالله ياربي |
رد: بسافر وشفت شي ليتني ماشفته
اقتباس:
وتبين انسى نفسي وصحتي وولدي واقعد اقابله وهو ممكن انه يخون بيوم وليله كنت فيه او لا باذن الله مايقدر يخون باذن الله الواحد الاحد يارب اغضض سمعه وبصره واصرفه عن المحرمات ابي شي يخوفه عجزت المح له عن الامراض |
| الساعة الآن 11:16 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©