|
علاقتنا متذبذبه
السلام عليكم
انا لي تقريبا 7 سنوات متزوجه ماعرف من فين ابدأ مشكلتي زوجي طيب جدا وغير عصبي وعمره ماقصر معي بشي طلبات مشاوير كل شي صار لنا قرابة السنه في مشاكل يوميه وانا تعبت لا اريد الانفصال اريد حياتنا ترجع حلوة مثل ماكانت مشاكلنا تافهه جدا بس يمكن تراكمات ماعرف هو يشوفني عناديه جدا لو اطلب منه طلب للبيت قال انتي تتقصدين تتعبيني طلباتي ماهي كثيره ولاهي صعبه انا انسانه مقدرة جميع ظروفه ومسانتدته في كل شي يدي بيده فلوسي فلوسه فلوسه فلوسي وقفت معاه كثير ساعدته كثير بس ماحسه مبين في عينه شي لي سنين ماعندي حتى مكياج جديد مراعيه ظروفه قبل كان يتسلف حتى يهديني او يفاجئني الحين انا اخر اخر اهتماماته انا صرت اشوفه كارهني اذا نام وجيت جنبه ابي حضنه يقول لازم تصحيني يعني تعاندين اقوله ابي بس حضنك يقول طيب لاتصحيني بطريقه منفره يقولي انتي ماتسوين شي كل شي الشغاله والله لو اعرف ان مشاكلي بتنتهي اذا راحت الشغاله اني لابعدها طبعا الشغاله لاتطبخ ولا تهتم بالعيال ابدا ابدا ولا حتى الغسيل او الكوي يحب عياله حب عظيم يخاف عليهم لدرجة يمكن مايستأمني عليهم لو شاف ملعقه قال انتي تخلينها لما الشغاله تشيلها << قسم بالله شي مرهق انا وحده عايشه بحالي لاطلعاتي كثيره ولا طلباتي استلم شهريا 1500 كلها لنا ماعمري قلت ذا لي مالك دخل وهو مايقصر والله راتبه بيدي بس انا ودي اعرف وين الخلل في علاقتنا مشاكل يوميه مايحب اساله وين رايح مسوي غامض وش تبين ليه تسالين طيب زوجي وطلع ماساله وين بتروح يعني مره متعب مافهمته لنا فتره حتى ماسولفنا كنا نسولف مع بعض اسرارنا وحده كل شي عنه اعرفه يشاورني بكل شي والله اشيا تافهه يخبيها ويخبي الاوراق وانا اعرفها من اهله اصلا الحين ولا شي ماعرف شي اسمع من الناس جلسنا جلسه مصارحة مافيه فايده مقفل دماغه دخلت ابوي انسان فاهم وواعي وكلمنا وفهمنا وبرضه تعدل يومين ورجع رحت لاهلي يومين وماتحملت بعد عيالي ولا بعده احبه بحنون حتى لو اخذت عيالي ماراح يستأمنهم في بيت اهلي يخاف عليهم من الهوا الطاير هو يخاف الله ويصلي ولا عنده خرابيط وانا متاكده الحين وش الحل معاه هو انسان مايحب اللصقه انا عارفه بس موبيدي انا من زمان كذا وعايشين زي الحلاوه ودي ترجع علاقتنا زي اول اسفه طولت عليكم اي اسئله انا حاضره يارب القى عندكم حل لاني تعبت كل شي سويته صح هو رافض الحمل تماما بتاتا لو تاخرت العاده يومين ينجن ينهبل اقوله انت تبيني يقول ايه اقوله تحبني مره ايه ومره مدري اح تعبت والله |
رد: علاقتنا متذبذبه
سوي اللي يحبه و لا تلزقين فيه 😊
يمكن مل من الروتين او عنده مشاكل و انتي بس تقولين ليه وليه خلاص اتركي هذي الفترة تمر بسلام بس من دون تقصير منك مو حلوة كل شوي تسالينه ليه تغيرت وايش فيني |
رد: علاقتنا متذبذبه
اقتباس:
صدقت استنكار وأنا معها فيما قالت ... وأنصح نفسي وإياكِ بكثرة ذكر الله تعالى، وخصوصا القرآن الكريم ... فتح الله عليك أختي وعما قريب تبشريننا بطيب الأخبار بارك الله فيك ... |
رد: علاقتنا متذبذبه
الرجل عندما يكون منزعج من أمر ما يحتاج إلى مساحة، فامنحيه هذه المساحة أخية، وعندما تهدأ الأمور لربما يخبرك عما كان يمر به ...
أعلم بأن تغيره يقلقكِ ويحزنكِ، ولكن ما باليد حيلة، اصبري أخية، وأكثري من الذكر وحاولي أن تهيئي له ظروف تسعده، ولكن دون ضغط منك لمعرفة السبب، امنحيه المساحة ولربما يأتيك بنفسه ويتحدث، ولكن اتركيه الآن... أسعدي نفسك بالطاعات وبما يسعدك من مباحات، وكذلك هيئي جو فرفشة لأبناءك بارك الله فيهم وفيكما... الدعاء يا أخية الدعاء يا سماهر عليك به بارك الله فيك ... واجعلي لك ورد استغفار وصلاة على الحبيب المصطفى صلى الله عليه وسلم وسترين عجباً ... عن نفسي يا أخية عندما تضيق أقول هذا العسر بذنب وأحاول أن أراجع حساباتي وأستغفر، تجديد التوبة وتجديد العهد مع الله تعالى هو سر سعادتنا والفتوحات في حياتنا أخيتي ... أسأل الله تعالى أن ييسر عليكم كل ما عسر فهو ولي ذلك والقادر عليه، تفاءلي سماهر ... اللهم اجعل حسن ظننا بك دواءنا ... حفظك الله ورعاك ... |
رد: علاقتنا متذبذبه
لا تحبينه بجنون ، وانت بخير ..
|
رد: علاقتنا متذبذبه
جزاكم الله خير
انا تركته فتره طويله لما بدأ يتغير اقولكم له سنه مو معقول اتركة كل ذي الفتره متى بيرجع طبيعي وقت ماتركته زادت الفجوه كثير وانا هذا مابغاه انا ودي اعرف كيف اغير فكرته اني عناديه انا مو عناديه او عناديه يمكن حاجه بسيطه مو مثل ماهو متصور والله لو صحي من النوم وشاف كوب حليب انتي تعانديني مخليته عناد ادري لو قدرت اغير فكرته ان كل شي اسويه مهو عناد انحلت مشكلتي اي شي والله اي شي مو متقصد يفسره عناد تعبت جدا |
رد: علاقتنا متذبذبه
اصلح الله ذات بينكما
|
رد: علاقتنا متذبذبه
انشغالي برضى الله ينشغل زوجك برضاك
|
| الساعة الآن 10:56 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©