|
مشاكلي مع زوجي
تتكرر بذاءة لسانه وكلماته ...
كل اسبوع يجرح ويغلط ويجي يعتذر.. واسامحه واذا ماسامحته جاب هديه ويرفض النقاش.. يقول مالي وجه اناقشك وامشيها له عشان الحياة تمشي واطنش واتجاهل صار شي سخيف قبل 5 ايام هو كان متوقع حاجه وحصل العكس قلت له مو مشكله سوء تقدير عصب وقال يعني انا ما اعرف اقدر؟ قلت لا ما اقصد بس البشر مايعلمون الغيب وعادي كلنا احيانا مانحسبها صح قال لي: والله انك وقحه وماتربيتي واكيد مافي تربيه من بيئتك ... واهلك ... فاكيد ماراح تحترمي زوجك انتي وهم متخلفين وماعندك اسلوب ولاتعرفي تكلمي زوجك واعتذار مافيه سامعه انا انفجعت من وقاحته قلت له تأدب عيب عليك واستمر يردح ويسب قلت له اوكي اذا كلمتي غلط اسحبها قال لا خلاص بانت نيتك انتي تشوفيني ما افهم!! لانك ... انا قلت يابنت اتركيه بيراجع نفسه ويتعذر كالعاده شفته معصب الى ثاني يوم ويتلفظ ويصرخ رحت اكلمه بهدوء وألم الموضوع قال قومي مو مشتهي اسمع صوتك كان يصرخ كأني قاتله له احد ويسبني باسماء فضلات و.... تركته مرت ايام وهو صاد ومعصب قلت له امس ابي اطلع قال بكرا قلت ابي فلوس بطلب اغراض قال مافيه ولا تكلميني جاء اليوم وقلت له بنطلع (كل ويك اند نطلع) قال لا مشغول (اول مره انحبس اسبوع) قلت له بانفعال: الطلعه من حقي وحق عيالي ونفسيتك....مشكلتك لحالك عصب وقال ... فيك وفيهم هنا انفجرت عليه من زمان ماتنرفزت قلت له ياوقح ياقليل الادب غلطت فيني وباهلي وسكت لك.. تحسبني خايفه منك؟ انت قليل اصل وماتربيت واهلي فوق راسك والزوج اللي مايحترم زوجته واهلها مو كفو احترام ولا تقدير واهلي انت ناسبتهم باختيارك قال: وندمان اني تزوجتك! قلت: اجل طلقني وريحني من غثاك ولعلمك حقوقي باخذها كامله مكمله واذا طلبت فلوس ترى ما اشحذك دامي بذمتك وقايمه فيك فاهم؟ لاغلطت فيك ولا سبيتك وانت ناوي شر من ايام والشيطان راكبك تغير وجهه وقال اقصري الشر وروحي ضربت الباب بقوه وتركته جاء بعد ساعه وحط مبلغ جنب السرير ولا ناظرته المشكله الان ليه لازم اعطيه العين الحمراء عشان يتأدب لازم انفعل واصرخ واعصب عشان يستوعب انه مهبب وتصرفاته لازم ارفع صوتي عشان يعطيني حقوقي يجبرني ما احترمه يجبرني انفعل بوجهه هالرجال يعرض نفسه للاهانه غباء عظيم مو قادره افهمه انا ما ابي اتبع معه هالاسلوب لاني ارقى منه بكثير ومتربيه الحمدلله ولاني ابي اكون قدوه جيدة لاطفالي متضايقه لانه يجرني لصراعات مالها داعي يختلق حروب من ولا شي ويضخمها متضايقه لانه حولني غصب لطرف ناقم ومنفعل وانا حالفه ما انفعل ابدا حفاظا على نفسيتي ومزاجي.. بس ماقدرت |
رد: زوجي مايجي الا بالعين الحم
أعانك الله يا أختي..في الحقيقة التي رأيتها بعيني نعم هناك رجال مثل زوجك أثرت فيهم تربية الدلال فلا يستيقظون إلا بالصفعات...ولكن الحال التي وصلتم إليها مأساوية وليست الحياة التي يرتضيها الله..أعرف أن لك تاريخ معه وصولات وجولات...بإمكانك أن تشدي على زوجك ولكن بدون تطاول عليه وعلى أهله ..وحتى لو فعلها زوجك لا تنزلي لمستواه..مساكين الأبناء نعاقبهم عندما يشتموا بعضعهم ونحن أولى بالعقاب في مثل هذه الحالات لأننا أعطيناهم دورات متقدمة في الخلافات..
أعانك الله |
رد: زوجي مايجي الا بالعين الحم
اقتباس:
تربيتي ماتسمح لي وحديثي معه بعيد عن الاطفال وادري هو يكره اهلي لانه يشعر بالنقص ويغار منهم لكن اهاناته اللفظية قاتله وتتعبني نفسيا يطري علي احيانا اترك الاطفال واطلع واروح من حياه سيء الخلق هذا بعدين ارحمهم واصبر نفسي واكتب لكم افضفض احتاج مواساة ودعم متضايقه جدا |
رد: مشاكلي مع زوجي
من الي كتبتيه كله
استغربت من جمله انفجعت من وقاحته مو شي جديد ابدا الله المستعان |
رد: مشاكلي مع زوجي
الله يكون معك يا اختي
العين الحمرا مع الصغار مش مع الزوج حتى لو يمشي الحال لكن تحسين نفسك ناشز وتحتقريه |
رد: مشاكلي مع زوجي
اقتباس:
ومع ذلك بررت واعتذرت وهو مستمر بالتصعيد والاهانه يبيني اترفز واثور عليه ولما تنزفزت فش وسكت وانسحب واحد نفسيه لابعد حد وطبعه هذا مو راضي يتركه صحيح تغير بامور كثيره له فوق السنه مامد يده ولا كسر او خرب شي وصر مرن بركوب السواق وجاب لي عامله منزليه وبطل يشد ببعض الامور هذي تغيرات كلها حدثت بسنه وحده لكن لسانه الزفر مو لاقيه له حل لا تطنيش فايد ولا نقاش فايد لازم اقلب له انسه منشن عشان يلزم حده |
رد: مشاكلي مع زوجي
مدري ليه ياتركتك لله احياناً احس زوجك شخصيه مازوخيه !!
|
رد: مشاكلي مع زوجي
اقتباس:
اكتب الان وهو نايم جنبي وحاسه تجاهه باحتقار واشمئزاز |
رد: مشاكلي مع زوجي
اقتباس:
بالعكس احيانا احسه اقرب للسادي لانه يستمتع باستفزازي ويبالغ بالفجور في الخصومه حتى يثير غضبي واذا طفح الكيل ورفعت صوتي من القهر ردد جملته الدايمه: ايوه اطلعي على حقيقتك لا تدعي المثاليه والاحترام انا صعب اجاريه بكلامه الشوارعي ولا اقدر انزل لمستواه بنفس الوقت يحتاج اسامحه كم مره يعني ثنتين ثلاث اربع وبالخامسه امسح فيه البلاط بعدها يرجع لصوابه ويلتم فتره شهرين ثلاثه ويعود لهباله وهكذا |
رد: مشاكلي مع زوجي
طيب تناقشي معه باستمرار
ترى كثرة الدق تفك اللحام وانتي ذكرتي نقلات قوية خلاص هانت ما بقى الا القليل 😊 و حلو زوجك يجي بطريقة ويحس ( يدل انه له فلب ) ارحم من اللي ما ينفع معه شي 😂 ويزيدك غبن و صدقيني كثرة الدق و تنصحينه بين فترة و فترة بتجيب نتيجة بس اصبري 😊 |
| الساعة الآن 09:41 AM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©