|
فسخ الملكه
السلام عليكم
انا قبل فتره تقدم لي شخص وتمت الشوفه الشرعيه بسرعه و بوجود امه واخواته ووقتها ماقدرت اشوفه زين وماحصل بينا حوار طبعا استخرت وحسيت عادي الوضع تمت الملكه وفي اليوم الي دخلت اسلم عليه حسيت بشعور منفر اتجاهه وقتها طلب رقمي وبعد كم من يوم اتصل علي مااحكيلكم عن الصدمه وهو يكلمني بالتلفون ماحبيت ابدا طريقه كلامه ولا اسلوبه حسيت انه مختلف عني مره و حسيت بضيق وهو يكلمني وتمنيت انهي المحادثه بسرعه طبعا جاني اكتئاب وماصرت اكل واشرب ومهمومه وحسيت اني تسرعت بقراري طلبت من اهلي انهم يفسخوني منه و رفضوا قالو لازم سبب قوي ووش بيقولون الناس وانت شغلتك اختلاط بيطلع عليك كلام قالو توك ماامداك تكلمينه اصبري شهر شهرين وهكذا وكان هو واهله مستعجلين يبغونا نخلص الشبكه خلال اسبوعين لانه بيرتبط مع شغله المهم سويت الشبكه بدون نفس وفعلا ماكنت مستانسه ابدا و مر اليوم كانه يوم عادي الحين تقريبا مر شهرين وبين كل فتره وفتره يزورني وانا كل مازارني يضيق صدري اني مستمره في هذا الزواج واحسني اخدع نفسي وكل مره افتح موضوع الفسخ محد معاي اقولهم مااحسني متوافقه معاه هو في عالم وانا في عالم ثاني مااحب اكلمه ولا احبه يزورني عجزت النفس تبغاه انا مستعده افسخه وارجع مهره كااامل وكل شئ اعطاني برجعه بس كيف اقنع اهلي هل لازم يكون فيه سبب قوي عشان افسخه مايكفي اذا كنت اعرف اني مو متقبلته ك زوج هل اذا استمريت بالزواج بكون حكمت على نفسي بالتعاسه |
رد: فسخ الملكه
طبعا فيه شئ نسيت اذكره
انا الي خلاني اوافق عليه بالبدايه سمعته الزينه انه طيب مع اهله ومايدخن ومن البيت للشغل اعترف لي انه يدخن وقالي لا تعلمين اهلك والمشكله له 10 سنين يدخن راعي سفريات ويسافر مع اصدقائه انا كل مره اجلس معاه اكتشف اشياء تخليني انفر منه |
رد: فسخ الملكه
وعليكم السلام ورحمة الله وبركاته إذا كان نفورك منه شديد ولا ترين أنّه بإمكانك تقبّله, فارفضيه من الآن, صلّي صلاة الإستخارة في هذا الشأن, ولو بقيتِ على هذه المشاعر السلبية تجاه خطيبك فمن الأفضل أن تكوني صارمة مع أهلك كوني جادّة, ابكي لو لزم الأمر, ارفضي ان تخرجي له لما يجي يزورك, هذا كلّه أفضل من أن يتم الزواج ويتّجه النفور بك نحو الطلاق,, المهم أن تتوقّفي عن المضي قدما وكأنّ الأمر مهزلة أو مسألة مشروع مؤقّت, |
رد: فسخ الملكه
إذا ماتقبلتيه نهائياً، أصري على أهلك أنك تفسخين الملكة، وخبريه هو قولي والله ما ارتحت، والله يعوضه ويعوضك بالأفضل.
أهلك لاشأن لهم بقرارك، فأنتي من يتزوج، وأنتي من يجب أن يتخذ القرار. |
رد: فسخ الملكه
بغض النظر يا اختي الكريمة عن قرارك
انت في هذه الحياة مَرّه واحدة فقط فلا توزعي حقك في رسم حياتك تحت بند المجاملة والضغط |
رد: فسخ الملكه
الشخص اللي ماشفتي نفسك معاه من البداية
عمرك ماراح تشوفي نفسك معاه ولا راح تحبي نفسك معاه وبيظل في قلبك ندم وفي عقلك رفض لو استمريتي في هذا الزواج |
رد: فسخ الملكه
لا حول ولا قوة الا بالله .
اولا ، مفهوم الاستخارة غلط، للاسف كثير يحسبه انه احس اني ارتاح او لا. !! صفة الاستخارة اقريها زين. وهي انو اذا كان فيه خير لك تطلبي من الله ان ييسره لك. وان يكون شر لك، تطلبي من الله ان يبعده عنك. ولا تلتفتي لاي من الاحاسيس الي تجيك . ثانيا / لازم تعرفي انك شخص وهو شخص اخر. يعني انتم تختلفون عن بعض . طبيعي يكون مافيه توافق بالافكار في البداية لاختلاف الشخصيات والتفكير والميول. ولا تنس ان الناس كلها كل شخص فيها له عيوب ومميزات حاله حال الناس كلها . بعدين ماينفع كذا تقولي ما ابيه . اذا هو اخلاقه طيبه مع الناس وشكله وقامته مقبول مو راعي سفريات مشبوهة ولا راعي بنات ولا راعي مخدرات، ولديه وظيفة تسد عيشه. وش تبين اكثر؟ ؟؟؟ تخيلي انتي العكس . لو انتي تبيه وهو قالك تفكيرك ما عجبني ولا ابيك وابي افسخ الملكة ؟ وش تحسين ؟ ترا الشاب نفس الشي له نفس ويتضايق يعني لو صار له كذا وقالت له البنت ماابيك تفكيرك ما عجبني. |
| الساعة الآن 11:16 PM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©