|
تطلقت للمره الثانيه للاسف
السلام عليكم ورحمة الله مدري كيف أبدا وكيف أقول جد منهاره ونفسيتي تعبانه ومصدومه بدون أي مشاكل وقبل الزواج ب20 يوم بعد ماعزمنا ونفس اليوم اللي طلع فيه فستاني وكان قبلها بيوم اضافني بكرت العايله ويبشرني اني صرت زوجته رسمي وتحت اسمه وكنا نسولف ونضحك وكنا احلى من العسل فجاءه اتصل مايرد ارسل مايقرا ولا يرد قمت احاتيه وخفت عليه وادعي ربي يحفظه لي ومانمت ابتطمن أخ ياقلبي بعدها اليوم الثاني نفس وقته يوم اتصل وبشرني انه اضافني ابوه دق يقول ولدي مايبي بنتكم وبيطلقها ويدعي لها انصدمت يوم كامل مصدومه بعدها انهرت انهيار ليششش وكيف وش اللي صار اهله يتصلون بيستفسرون وش اللي صار بينا كان يمدحني ويقول ربي عوضني بزوجه لي وام ولعيالي وكان يحلف انه يحبني اكثر من امي وابوي وكان حالف انه يكون عوض لي عن كل دمعه وكل عذاب وضرب واهانه من زواجي الاول اتصلت عليه مايرد وعطاني حظر اهله زعلوا عليه طردوه من البيت انا مازلت مصدومه اليوم الثاني يوم درى عن وضعي اني منهاره وتعبانه ارسل لي انتي انسانه مثاليه وزوجه نادره لكن الله يستر عليك مو عيب فيك عيب فيني وبظلمك معي بحياتي الجايه ارسلت له ليه تحكم من طرفك اسمع مني طيب وش اللي صار اخر مكالمه ما انساها كأنها وداعيه بينا كانت من اجمل مكالمتنا اااااه ياقلبي تعبانه ومجروحه ومكسوره الله يجبر كسر قلبي وماقصر ارسل ورقة الطلاق صباحية يوم زواجنا اللي ماصار انهرت اكثر وانكسسرت اكثر .. الله يسامحه ويعوضني ويعوضه وربي مو قاادره ادعي عليه او اتحسب اتذكر طيبته وتعامله معي ماقد جرحني او غلط علي دعووواتكم لي ولقلبي المجروح |
رد: تطلقت للمره الثانيه للاسف
وعليك السلام ورحمة الله وبركاته
الله يعوضك يا اختي عسى خير.... قال تعالى { عسى انت تحبوا شيئا و هو شر لكم } بما انه طلقك و هو طيب فاكيد في شئ وما قدر يخدعك لا تدرين ربما صرف الله عنك شر لا تقنطي و قولي اللهم اجرني في مصيبتي و اخلفلي خيرا منها |
رد: تطلقت للمره الثانيه للاسف
الله يعوضك بالافضل حبيبتي، الله يسخرك لك الزوج الصالح
|
رد: تطلقت للمره الثانيه للاسف
وعليك السلام ورحمة الله وبركاته الله يربط على قلبك ويعوّضك, الأمر ظاهره مؤلم طبعا, لكن لعلّ الخير كامن في الشر, وعسى ان تكرهوا شيئا وهو خير لكم, اكيد نكره الخيبة ونكره الفشل, والأكيد أيضا أنّنا نجهل الغيب ونجهل كثير من الأسباب فأكثري من الدعاء والتقرّب من الله, فالعوض عنده, والله يعلم وأنتم لا تعلمون |
رد: تطلقت للمره الثانيه للاسف
جزاكم الله خيرر .. وفعلاً الخيره فيما اختارها الله والحمدلله على كل حال وان شاء الله اعدي هالفتره واتجاوز الصدمه ورببي خير معين .. |
رد: تطلقت للمره الثانيه للاسف
الحمدلله على اختياره
أكيد كنتِ تدعي ربي ييسر لك أمور زواجك واستخرتي ، وهذي هي نتيجة الدعاء و الاستخارة ماتدري من أيش نجوتي ! صدقاً ماتدري لو استمر الزواج كيف حالك! ربما اللي صار وأكيد وليس ربما هو الخير والأصلح فليش تزعلي أو تضايقي ؟! هذا اختيار الله فارضي به والخير جاي بإذن الله. |
رد: تطلقت للمره الثانيه للاسف
الحمد لله رب العالمين وقدر الله وما شاء فعل اظن والله اعلم نجحت زوجة الاولى فى اعادته اليها وربما لا حباً فيها ولا لانها افضل منك ولكن من آجل اطفاله وهم الشىء الوحيد اللى بيضحى الانسان بسعادته من من آجلهم ابشرى وثقى بالله واكثرى من لا حول ولا قوة الا بالله ومن اللهم آجرنى فى مصيبتى واخلفنى خيراً منها |
رد: تطلقت للمره الثانيه للاسف
بالعكس اختي هذا انسان كفو لان يمكن يكون في شيء كبير او عيب فيه فامحب يظلمكي معاه الله يعوضك خيرا منه و يرزقك الزوج الصالح يارب
|
رد: تطلقت للمره الثانيه للاسف
بنت اختي ، انا خالها ، خطبها شخص ونعرفه شخصياً وقبل الزواج بشهر تغيرت البنت نفسيتها للأسوأ ، وقررت ان تتطلق منه بدون اي مقدمات ، والمشكله نفسيتها منهاره واحنا نسألها قالت انا ماني مرتاحه احس على قلبي حمل ثقيل تجاهه انا معاد ابغاه ونفسيتها متأثره ، وابلغنا الخطيب وأهله بانها لاترغب الزواج بسبب سوء نفسيتها ، وبعد الطلاق بأسبوعين صار على خطيبها حادث وتوفى رحمه الله ، وبعد مرور 6 شهور تقدم لها خطيب عن طريق اخوها ويعمل معلم ومتزوج وعنده طفله ولازال بالسن ال37 سنه ووالله رجل صاحب دين وخلق وتواضع ويحبها ويقدرها والحين بنت اختي عندها طفل وطفله ، فصدق الله حين قال
وعسى ان تكرهو شيئاً وهو خيراً لكم فأنتي يااختي لاتدرين ، لعل الله سبحانه صرف عنك شر انتي لاتعلمينه ، الله سبحانه حكيم وهو علام الغيوب وارزاقنا مكتوبه ، فتذكري بأن الله بيعوضك احسن منه ، وتذكري بأن الدنيا لاتقف على احد ، اكثري من الاستغفار ، وثقي بالله بأنه سبحانه بيعوضك بالأجمل |
| الساعة الآن 01:58 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©