الحقوا علي قبل ما يوقع الفاس في الراس
 

:mad: الحقوا علي قبل ما يوقع الفاس في الراس
أولا السلام عليكم ورحمة الله وبركاته:

أبي أختصر مشكلتي و رجاء من الأخوان و الأخوات إيجاد حل لي قبل أفقد أعصابي ..... أنا متزوج مالي تسعة أشهر و زوجتي تصير قريبه لي .. المهم أمها جات زارتنا يوم الخميس لليله و حده فقط وسافرت ثاني يوم ... بتقولون ايش المشكله ... أحس زوجتي أتغيرت علي .. اليوم أتصلت علي و أنا في العمل و قالت أبي أطلب منك طلب فقلتلها آمري ... قالت انها تبي تسافر عند أهلها كم يوم فقلتها انها تأجل الموضوع الى أن آخذ إجازتي و نسافر سوا ... ووضحتلها اني ماأحب زوجتي تسافر لوحدها ... ورجعت البيت و لقيتها مصره انها تسافر و طلبت منها تشرحلي سبب إصرارها فاتحججت ان الوحده ماهي بحاجه لعذر عشان تشوف أهلها و حاولت أشرحلها انها تأجل الفكره الى إجازتي و لكن بدون فايده و كأني أنفخ فقربه مفقوعه .... على الرغم من أنها شايفه أخوانها و أخواتها بالحج و جلست عندهم خمسة أيام و أبوها جاء زارنا قبل 3 أسابيع و أمها قبل يومين.... علمتها اني حأكلم أبوها و أشوف ايش حيقول فردت أنه حتى لو قلها تقعد ماراح تقعد و تبي تسافر لأهلها .... و هي حامل بشهرها السادس و الله يعلم قد ايش أنا خايف عليها... و قلتلها بس تقومي من الولاده بالسلامه ونسافر بس لاحياة لمن تنادي ... وبعد مجادله و نقاش رحت غرفة النوم أرتاح شوي فقامت دخلت و راي و قفلت الباب بالمفتاح و دسته عني ولما طلبته منها رفضت تتطلعه و قعدت تزن على راسي الا تسافر ... فقلتها و أنا زعلان من إلحاحها ماقدامك الا خيارين اما انك تسافري معي بعد ولادتك ولا تسافري لكن رحلة ذهاب بلا عوده فأختارت الثاني بكل سهوله و كأن رضاي ما يعنيلها شي و ررجعت أطالبها تتطلع مفتاح الغرفه و هي رافضه و مادريت إلا و أنا معطيها كف بسس و الله خفيف والله يعلم انه ماكان قصدي بس انها استفزتني بما فيه الكفايه... فأخذت المفتاح وسبتها تبكي كم دقيقه و رجعت أتسامح منها ولكن بلا فايده ... و الله يعلم اني أحبها و ما أرضى الغلط عليها ... لكنها أجبرتني أسوي كذا و ما أدري ايش الحل......

رجاء ساعدوني و يش أسوي وأنا ماأبي أخسر زوجتي لسبب تافه زي كذا و ماأبي كلمتي تنزل الأرض............

الله يسامحك يا اخي على هلسبب الصغير تعطيها كف وانت شكللك ماخذ كلمة الرجولة جد اكثر من الازم يعني لو نفذت طلب زوجتك ما معناه ان كلمتك بتنزل الارض بعدين هي حامل ومحتاجة اهلها ما فيها شي لو راحت تزورهم كم يوم يعني انت ما صارلك متزوجها 9 اشهر وتريدها تنسى اهلها .................ما يصير ..........................و بعدين ليش حاط الشغلة براس حماتك يبدو انك ضالمها بهل شك لو رادت كان اخذت بنتها معاها لما سافرت ,,,,,,,,,,,,,,,,,,,,,,,,,,,,,نصيحتي انك تستسمح زوجتك و تشتري لها هدية وتاخذها تزور اهلها كم يوم ...........................وبعدين الكف مو بقوته الكف شيء مهين للمرأة...............اذ كانت حامل و ضربتها متى بتحن عليها .............وزوجتك لسة ما تعرف طبعك يمكن تخيلت ان هذه الطريقة الوحيدة الي تقنعك فيها ولا تنسى ان خيركم خيركم لاهله..................

اربعة شهور وماتشوف اهلها..!!!
واللة ياخي اشوف انك مقصر معاها..
ومنك العذر والسموحة ان فهمت غلط..

السلام عليكم انت ارتكبت غلطة شنيعة في تاريخ حياتك الزوجية وانشاءالله تسامحك مرتك
وثانيا يا اخ امها صدقني مو السبب وانا اوافق زينب في كل كلمة ولكن زوجتك ممكن تكون ا تمنت تروح لاهلها بعد ما امها جات انا كنت كذا اول ما تسافر امي من عندي اقعد اصيح واتمنى الحقها ,وثاني شي ممكن تكون هناك مشكلة عند اهلها وما حبت تخبرك ونفسها تكون معاهم
وحرام عليك قَدِر ابتعادها عن اهلها المفروض تشوفهم كل شهرين ,وللعلم الحامل نفسيتها تكون سيئة نتيجة الهرمونات واحيانا تكره بيتها ونفسها تجدد وانا والله حصل كذا معي واتمنى ان تنفذ كلام الاخت زينبو وأسفة للاطالة وارجو ان اكون اعطيت فائدة وشكرا.

ماااقدر الومك على الشئ اللي سويته لانك كنت في حاله غضب

وماتنلام بصراحه ..

وفي نفس الوقت صحيح مب حلوه تنزل كلمتك لكن اوعدها قريب تخليها تروح تشوف اهلها

وانت حاول بهالفتره تنسيها لين تاخذ اجازه وتروحو سوى

بس انت فهمها انك موافق وقريب بتخليها تروح وحاول اذا قدرت تاخذ اجازه وتروح معاها او انك توديها توصلها بنفسك

وترجع... وتخليها كم يوووم خاصه وهي حامل لاتخلي نفسيتها تتعب

ولاتسبب مشكله من لاشئ

الله يسعدكم يارب

انا من رأيي انك تخليها تسافر

وما يسوء كل هذا مدام هي رأسها عنيد

السلام عليكم و رحمة الله و بركاته

الله يداوي الجرح إلا جرحتها..
بجد جرح صعب..
وصلها لأهلها و أرجع لعملك أو خذ إجازة و لو قصيرة علشان خاطرها و خاطر البيبي..
بس قبل كذا صالحها و لا تخليها تروح عند أهلها إلا وهي راضية..
فكرة الهدية حلوة..بس و لا هدايا الدنيا كلها ما راح تداوي جرحها..

الله يعينك..

لك الحق في منعها من السفر وفي اختيار الوقت الذي تراه أنت مناسب.
تصرفك ليس جريمه وليس خطأ انما يفتقر لبعض الحكمه والضرب يترك رواسب في النفس لذلك لا يلجأ الزوج إليه إلا في حالة الزوجة النشاذ وعندما تنعدم السبل ولا بديل لسواه.
زوجتك أخطأت بإصرارها طالما لا يوجد منطق يحكمه وسبب مقنع ووجيه برغبتها في السفر، ومشكلة كثير من النساء أنهم لا يختارون الوقت المناسب أو الكلمة المناسبة أو التصرف المناسب لطلب ما يردن.
ما صار صار وما يحتاجه الآن كل منكم بعض العزلة حتى تصفو النفوس وترجع إلى سابقها.

تسافر أو لا تسافر أنت صاحب القرار ، وفي رأئي دعها تسافر طالما وصلت الأمور إلى هذا الحد ، وأتقل شويه عليها.

أخي أتقل قليلاً ولا تسمح لكلمتك بالنزول للأرض لأن من الواضح أنك تساهلت كثيراً من قبل وإذا أستمريت علي هذا الوضع وطالما زوجتك من هذا النوع حتسوء فيها بالمصري وتفتحها عالبحري

ولكن أيضاً عليك إقناعها وقول لها أحاديث بأنها يجب ان تطيعك وان طاعتك من طاعة الله

ولكن حاول بدون ضرب أخي الضرب يسبب جروح نفسية عميقة حتي لو كان خفيفاً

:mad: مشكورين يأخواني وأخواتي عالردود الجميلة وأنا اليوم قمت بعمل الحجوزات لها وخليتها بنفسها تختار يوم ذهابها وعودتها ... ورغم عدم رضاي ولكن عملا بأغلب آراء المشاركين ... وأنا بلغتها انو عملي للحجوزات لايعني موافقتي على سفرها ... وفعلا نويت بعد ماترجع أن أغير طريقة تعاملي معاها 180درجه فأنا أحس انو طيبتي وحبي الزايد لها وأخذ مشورتها ورضاها في كل الأمور والتحدث معها عن كل صغيره و كبيره جرأها على مخالفتي ...... وأدعو الله أنو يقدرني أقسي قلبي وما أرجع عن قراري........