رأيكم مهم !
 

السلام عليكم ورحمة الله وبركاته .
بعد مشاكلي مع زوجتي .. قلت أشوف نفسي بعد يأس كبير من إصلاحها
المهم
الخيارات عندي بفضل الله واسعة وعندي أكثر من بنت ( بصراحة موافقين ) من خارج البلاد من دولة مجاورة لنا وقريبة من مدينتي تبوك منهن فتاة وتمت الموافقة من الجميع المشكلة البنت ب 16 وأنا فوق الأربعين
بعض الأصدقاء قال روح دربك خضر وبعضهم قال يا ولد هدي وبعضهم عطى خيارات ما تليق إني أذكرها لو أن المسألة ماهي مشورة فمنهم من قال خذها وجدد شبابك ,hmt وبعدين طلقها لكن هذا مبدأ غريب علي ما أعرفه .
أنتم مع من ؟ .
أعرف بتقولون خذ لك سعودية و و و
والله جربت وقلت أجرب حظي .. وخوذوا شي من ها المواقف حتى بس تعذروني

اتصلت على خطابة وسألتها عن بنت عندها مطلقة عمرها أظن 25 وكانت ترد من طرف طرف طرف خشمها ( يالله وبالله تتكلم ) قبل ما تدري أصلا وش بقول نفسية جد ذيك فلما سألتني عن عمري وقلت لها على طول بدون أي كلام بلوك ..أنا ما أعرف هل تبحث لنفسها وما أعجبها العمر أو الصوت أو مطفشها واحد قبلي وحطت حرتها في fgf . وحدة ثانية اتصلت عليها ويوم أخذت شوي من معلوماتي قعدت هي تقرر وش اللي يصلح لي ، وكأنها تلمح لي على وحدة معينة ما أدري ليش تكثر من الكلام عليها وتمدحها فقلت لها يا أختي اللي بيتزوج أنا ماهو أنت ! كأنها عصبت قالت لي : طيب ، فيه باكستانية عمرها 45 تصلح لك ( تستهزي ) .

قلت لها والله فكرة وأجيب ولدها منزور خان الدهان على كفالتي ffhhf .

وغيرها كثير أهم شي حول فلوس ولا تدري وش الصاحي من المجنون ، وإذا لقيت سعودية قالت ما توافق على معدد وأحيانا يكونن مطلقات ومعهن عيال وتتشرط أو حتى كبار في العمر وتتشرط أو أحيانا تحط لك صفات ماهي طبيعية ولما توافق وتاخذ فلوسك وتشوفها تلقى ماهو على قد الوصف .. وأعرف الزواج من برى له سلبياته بس والله بعضه نجح نجاح باهر بدون زعل والخيارات أوسع وناس فعلا يبون الستر . لأن والله من شيء شفته من الأخوات الخطابات عندنا نفسيات غير معقولة . وبنفس الوقت بصراحة بعد نفتك من لوية خشم بناتنا الله يهديهن .
رأيكم مهم !

رد: رأيكم مهم !
 

انا اشعر في كلامك بعض الظلم على نساء مجتمعنا. مثل مافي زواج فاشل في زواجات عندنا ناجحة وقدوة ومضرب مثل.
أنا فهمت انت من وين تبي تتزوج ، ذكرتني بقريب لنا اخذ وحده عمرها 17 من عندهم وعنده زوجة وست اطفال منها، يقول انا قاعد اصرف على الزوجة الثانية مثل مايصرف على زوجته وعياله مجتمعين، عندهم فكرة معممة نوعا ما ان الرجل السعودي فلوسه مالها حد ، وبعد فترة طلقها بعد ما عصرته عصر بالمصاريف لها ولأهلها.
غير ان عمرها 16 وانت بالاربعين !! مررة صغيرة عليك
انا ما اقولك لا تاخذها ، لكن شوف اهلها كيف اوضاعهم امها كيف؟اخواتها كيف؟ خصوصا انها صغيره ممكن اي احد يوصي سوي وافعلي وتنفذ بحكم قلة خبرتها بالحياة.

رد: رأيكم مهم !
 

حتى عندنا كثير يبغون الستر
بس انتوا تحبون المستورد🙂

بصراحه انا ما أأيد احد ياخذ برى بلده
انا مع المثل حلات الثوب رقعته منه وفيه

وهذي ام 16 مره مره مره صغيره عليك
ام 30 مناسبه اكثر لك!
بكره تشكي وتبكي من طيشها وجهلها
وتكون هي معذوره وانت الغلطان دائما
بحكم صغر سنها وجهلها

انا اقول استخير
وشاور امك واخواتك
يمكن يعرفون وحده مناسبه لك اكثر



اما اللي قالولك جدد شبابك بعدين طلقها
الله لا يوفقهم
ويجعلها ببناتهم واخواتهم
نشوف ساعتها التجديد🙂

رد: رأيكم مهم !
 

رد: رأيكم مهم !
 

هلا إكليل . حريمنا بصراحة تغيروا وأكبر دليل نسب الطلاق المرتفعة أعرف ليس كلها بسبب النساء لكن الواقع يقول أن النساء يتحملن نسبة عالية لأسباب يطول شرحها .

أنا الصرف مو ذاك الأهمية عندي بالإضافة إلى أني محتاط لهذا الجانب فمهما يكن أخوك مو مغفل وهم والله ( بشكل عام ) إنهم بحاجة واللي يدفع لله معوض خير من الله . ثم لا تنسين أن ليس كلهم محتاج وبعضهم أصلا لا يزوج السعودي لعلمك . أوضاع أهلها الاقتصادية دمار .
العمر أعرف إنه صغير وهو أصلا اللي خلاني متردد حيل وحتى صارحتهم وهي بالذات وقلت أنا الآن ما عندي مشكلة في الأمور ( جنسيا ) لكن بعد 10 أو 20 سنة إن الله مد بالعمر الله أعلم وبصراحة أعلنت لهم شبه إنسحاب لهذا السبب وأنا والله أبيها والبنت وأبوها بعد لهم رغبة في . ولا زال فيه خط رجعة تركته سبحان الله . jyh

رد: رأيكم مهم !
 

هلا حظي حلوو

هي تقول تبي الستر وإذا قربت لهم تفاجأت بأشياء ما تخطر على البال وحتى لو قالت تبي الستر النفسيات الدمار ذي ليش .. والله العظيم لا واحد ولا اثنين ولا عشرة من أصحابي إذا جلسنا نسولف كلن يشكي من نفسية زوجته وأنا أقرب مثال أقسم بالله أدخل البيت وأنا مروق أو تعبان من العمل ,القاها توها قايمة من النوم وشغالتها عندها وسواقها عندها وكلشي عندها ولا ناقص أي شي وتلقينها قايمة من النوم منفسة ( على ويش ) مدري ؟ والحالة ذي حكاها أكثر من شخص وكنت أظن إني لوحدي أثر عدوان الله واجد glh وإلا والله ودي بسعودية عسل بس وين قاعد أدورها بالمنقاش

البنت أم 16 استخرت واستخرت واستخرت وكل ما صليت ركعتين أستخير والأمور ما أعرف وش يصير لكن الخيارات مثلها اللي 17 واللي 18 واللي 22 ومثل هذا بنات المغرب .


أما اللي قالوا استمتع وطلقها كان يكلامهم يمشي بس على غيري أنا لو بسوي ذا سويته مع السعوديات ومسيار ترى إذا سمعتي إن فيه عدو واحد في المملكة العربية السعودية لزواج المسيار تراه أنا بشحمي ولحمي

jyh

رد: رأيكم مهم !
 

وجواب صريح أنا أكبر والله من هذا الكلام فمهما كان هي أم أولادي وزواجي من أخرى قد يتسبب لي أنا بمشاكل لكنني مقدم والله المعين . لكن فعلا أنا تعبت تعبت تعبت من زوجتي لدرجة فعلا أني أيست منها تماما وضربت كف بكف وصرت بأمس الحاجة لأبديت كامل لإعادة تأهيلي ولا أهتم إن كان هذا يؤدبها أو لا هو حق مشروع لي هي حرمتني منه عندما كانت عندي في البيت الآن خلها تصك زين على ملابسها وتسولف مع الجدران لم أعد أهتم .

رد: رأيكم مهم !
 

أم 16 ذي وحدة من مجموعة والواقع الاستشارة على السن والسلبيات والإيجابيات عليها أو على المماثل في سنها

رد: رأيكم مهم !
 

تقول ان البنت تبيك
معقوله بنت عمرها 16 سنه
تتوق نفسها لواحد بالاربعين؟


الرجال يشتكون من نفسيات الحريم
والحريم يشتكون من نفسيات الرجال😂
ما عرفنالكم😂


المهم الله يعينك ويختارلك الخيره الصالحه

رد: رأيكم مهم !
 

إي والله معقولة ونص شي شفته بعيني وأنا ماني صغير عشان ما أعرف الحريم .. بعدين شكلي كأني بأول االثلاثين .
أما النفسيات

بس عندنا .. شوفي اللي تزوجوا مغربيات ناااااااااادرا ما يشكي مع أنهن مو ذاك الزود من ناحية الجمال ولاهن كجمال الشاميات .. وأنا ذكرت الحقيقة لحاجتي للاستشارة ولو كذبت فات المقصود