|
لاتنسونا من دعائكم
السلام عليكم ورحمة الله وبكاته
ياعالم ياناس انا صرت اكره زوجي وربي ما عاد اطيقه خلاص ما اقدر انا كنت وين وصرت وين بعد العز وراحة البال صرت بهم وحزن وضيقة صدر وكابه لاتحسبوني ابالغ من تصرفاته معي هو خلاني اكرهه تصرفاته احس انه احيانا مثل الاطفال بتصرفاته ولا يقول بعد هذي مشكله الي ياخذ بزر الي هي انا وبعد قليلة ادب شفتو عاد ياعالم ياهووووو انا وش سويت وش دعوا ماورى ما صبرت خلاص وربي طفشت مليت اعوذ بالله هذا العرس الي اشغلونا فيه وربي ان ايام العزوبيه احسن بمليون مره من الزواج الي كذا تصدقون اني بكرا عندي عمليه وهو زعلان علي قبلها بكم يوم واليوم هذا تنزل وبدا يتلزق فيني والغايه معروفه بعدها صرنا نسولف وندردش لحد بسم الله مدري وش صار انقلبنا قلت له مو انت تقول اني دبشه وما افهم قال ايه مشكلتك انك ادبشه عطيته ضهري وقلت كثر خيرك وعموما انا ماني دبشه لان لو كنت ادبشه كنت ما اخذت الا دبشه مثلي رجع وقال هذا عيب الي ياخذ بزر وقليلة ادب قلت هذا وانا ماقلت نص الي انت قلته صرت انا قليلة ادب فا قلت بس انشالله كل هذا بيتغير ترا ماحدني على ها الصبر وها السكوت الى ها الجدران طبعا لاني بغربه وماعندي احد قال هانت كله كم يوم قلت عارفه قال وانشالله بنشوف حل انتي عند اهلك وانا عند اهلي قلت بسلامك تحسبني متضايقه قال اقول نامي احسن لك لاتشوفين شي مايسرك وطايح لي با الكلامات الخايسه كل مازعل او صار موقف بسيط خندر وزعل وكتم ومتى مابغى رضى وبفتره الزعل عاد شوفو الكلمات الي تسر منه مره الله ياخذ ها الوجه ومره انتي دبشه ومره انتي قليلة ادب تعبت وربي اني تعبت انا ما انكر انه لما نكون متراضين يكون مافيه زيه بس ولو خلاص كل واحد وله طاقه وانا ما احب احد يغلط علي خصوصا لما تصدر ها الالفاض من زوج صعبه على الوحده انها تنسى ها الكلام والله ان حالتي مايعلم فيها الا الله تعبت تعبت تعبت عطوني حل ولاتنسوني من دعائكم عندي بكرا الفجر عمليه ادعولي ان الله يتممها على خير وعطوني حل للي عندي |
الله يطلعك من العملية بسلامة ويستر عليك ويشفيك
اما اللي عندك اذا قالك كلام ما يعجبك قولي ياحلو كلامك وبوسيه وكل ما جا يسبك بوسيه وسكتيه واذا قالك انتي قليلة ادب قولي له يا بعد عمري اذا انا كذا علمني يا حبيبي كل انسان يغلط .... يا بنت الحلال البمصيبة انك انثى وما تعرفين وش تسوين والله اني اعرف وحدة تزوجت واحد مو طايقها اربع وعشرين ساعة طق ولعنة جدف الين مرة ظربها ومسكها وركبها السيارة ووقف عند بيت اهلها وقالها انزلي ماعاد ابيك تدرين وش قالت له تخيلي ........................................ قالت انا اهلي باعوني وانت اللي شريتني والله ما انزل ................... واحيان يجي البيت مو طايقها ينام على السرير ويدير وجهه تقوم هي عليه وتطب عليه وانواع الحركات ........ شفتي البنات السنعات مو مثلنا انا كنت اول مثلك لكن الحين قلت لازم احافظ على زوجي بأي طريقة .... والله يوفقك |
حبيبتي اللهيسعدك ويهديه لك
ويحنن قلبه عليك نصيحه اذا قرب منك لحاجته لاترديه واستجيبي له لان الرجل خصوصا هذا الموضوع لايريد اهانه فيه طاوعيه واعطيه اللي يبغى واصبري على الفاظه وانشالله يتغير اذا عاملتيه بالحسنى الشئ الثاني الكرامه اي كرامة الزوجه هذي اتركيها عند اهلك في اليوم الذي تخرجين منه وانسيييييييييييييييييها البنت في بيت ابوها مرفوعة الراس ولااعرست تبشر بغبن الليالي تحياتي |
اللله يسعدك يارب
تعوذى من أبليس وأنسي الى راح كله انسيه نهائياااااااا أبدأى صفحه جديده معه عامليه بحب وحنان أسعديه والله راح يتغير لو قلبه حجر بس انتى أستمرى معه ولا تتعبي0 كونى ذكيه لمى تدلعيه يعني لا تدلعيه اونتى مكشره ابتسمي لاحظى ان زوجك حاول يتقرب لك قبل العمليه يعني الرجال فيه الخير يبي يوقف معك فى وقت العمليه بس انتى صدتيه وتقولى ((واليوم هذا تنزل وبدا يتلزق فيني والغايه معروفه )) يعني ليش السلبيه وشو يتلزق فيك هو واحد من الشارع هذا زوجك يابنت الحلال يبي يوقف معك مو يتلزق والله وانتى تتكلمى كنك تتكلمى عن واحد من الشارع واضح من اسلوبك انك مو طايقته بس تحملى عشانه وعشان حياتك وتذكرى انك لا ضايقتيه بتضايق نفسك وحياتك الزوجيه لانه عايش معك صايريين تزعلو على اشياء بسيطه وهذا دليل انكم ماتحلو مشاكلكم اول بأول تراكمت وصرتو على اتفه شي تزعلو عشان كذا انا اقلك انسي وانسي وانسي ولا تشيلي فى قلبك اذا غلط عليك وقتها قولى له ليه انا مانى زوجتك مانى رفيقه دربك تكلمى معه لا تكونى سلبيه وتسكتي عاتبيه اعرفى المداخل لشخصيته والاشياء الى يحبها زوجك مو صعب وانتى قلتيها (( ما انكر انه لما نكون متراضين يكون مافيه زيه )) يعني خليك دايم متراضيه ولا تفقدى الامل ويرجع ضيقك من مشكله بسيطه كل الازواج تمر عليهم مشاكل فى الاخير مثل م قلت لك صفحه جديده ودلع جديد وتعوذى من ابليس وتذكرى انه زوجك والكلمه الحلوه منك تاخذى عليها اجر حتى كاسه المويه فيها اجر ومشاكلك معه حليها اول بأول عشان ما تتراكم عليكم واللله يسعدك ويوفقك يااااااااااارب امين |
يبدو أن مشكلة اللسان الطويل ليست مشكلتي فحسب ..
لقد تعلمنا ان لا نسكت عن حقوقنا .. ولكن الحياة الزوجية يا اختي تختلف .. فالوضع تغير فهو لم يعد خطيبك الذي يزورك في بيت اهلك ولكنه الان زوجك جنتك ونارك .. واعجبني كثيرا المثل الذي ضربت به ملكة الدلع .. تعلمي فن التغافل .. لا يوجد اجمل من هذا الفن لنتغافل قليلا لكي نسعد كثيرا .. ومافي شي بين المرأة وزوجها اسمه كرامة .. والله يقومك بالسلامة الف لا بأس عليكي |
| الساعة الآن 03:51 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©