|
ياليت تعطوني حل باسرع وقت بليز ........
السلام عليكم ورحمته الله وبركاته
انا عضوه جديده بالمنتدى واتمنى اني اكون عند حسن ظنكم ... حبيت اخذ رايكم بمشكله عندي وياليت تساعدوني فيها .. انا مخطوبه من اربعة شهور ومشكلتي اني استحي بزياده لدرجه ماتتصورون كيف واللي يضايقني اكثر ان اهل خطيبي اعرفهم من قبل لا انخطب وكانت علاقتي فيهم قبل اكثر من لما خطبوني وغير كذا تقريبا مايمر اربعه ايام خمسه الا انا شايفتهم بعد الخطبه وماني قادره اشيل الحواجز والحياء اللي انا حاطته وكل ماقابلت احد من صديقاتي والا قرايبي يعاتبوني ويقولون لي خلاص يكفي كم صارت لك مخطوبه المفروض بهالفتره تعلقينهم فيك وتقربين لهم اكثر خصوصا ان زواجي بعد سنه تقريبا وماادري ايش الحل حاولت اتغير وماقدرت كل مره اشوفهم اقول لازم اصير اسولف معاهم وكذا بس مو قادره ياليت تساعدوني وتعطوني رايكم لاني محتاره ومتضايقه بنفس الوقت ... وهل هالشي لصالحي والا ينقلب ضدي .... ومشكورين مقدما .. |
صغريها بتصغر
|
يسلمووووو
يعطيك العافيه وياليت اشوف اراء الاعضاء الباقين انتظركم |
السلام عليكم
شوفى أختى أولآ : حاولى إنك ماتحدثى نفسك بهذا كثير بمعنى لا تعتبريها مشكلة تشغل حيز كبير من تفكيرك ثانيا: حاولى إنك عند أول جلسة معاهم تبدأى إنت بالحديث وبسرعة بدون مشاورة نفسك يعنى مثلاً اول ماتدخلى علقى على شىء ما أو جيبى سؤال عن أحد ماشفتى من زمان ستجدين أن حاجز الخوف انكسر أو خف على الأقل ثالثاً حاولى ما يفوتك تعليق أو تعقيب على أى حديث يدار فى المجلس وهذا يعتبر تمرين لك رابعاً اتصلى عليهم وكلميهم عبر الهاتف فهذا بالنسبة لك أخف وهو فى نفس الوقت كسر للخجل معاهم خامساً : لاتسمحى لأحد أنه يعلق عليك بهذا الموضوع من أهلك لأنه هذا يركز فيك هذه الصفة ويلصقها فيك على إنها صعبة التخلص منها وكمان كل ما جيتى تتكلمى معاهم تحسى إنه اللى حواليك من أهلك يناظرونك وهذا يلبخك زيادة أتمنى أكون أفدتك مع خالص تحياتى |
مشكوره حبيبتي
ويعطيكي الف عافيه ... وبحاول انشالله |
اختي العزيزة هناك كثير من الفتياة يعانين نفس المشكله مشكله الخجل الزائد ولكن بمرور الايام سوف تحل المشكله حاولي دائما الاتصال بهم عن طريق التلفون وهذه هي ستكون البدايه للحل ابدئي مع احدى اخوات خطيبك اسئليها عن الازياء والملابس والالوان التي يفضلها خطيبك وكذلك اسئليها عن الاكل المفضل لديه وبعد ذلك سوف تسترسلين بالكلام الى ان تزول العقده انشاءالله
حاولي الاتصال بخطيبك والتكلم معه وشرح له وضعك اي انك خجوله لكي يعذرك اذا لم تستطيعي التكلم معه في حال حضوره لزيارتك وفقك الله لما فيه الصالح لنفسك ولاهلك اختك \دجى الليل |
| الساعة الآن 12:40 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©
