ساعدوني
 

السلام عليكم ورحمة الله وبركاته

انا عرسي بعد اسبوعين ولكن احس اني باااااااااارده ورغبتي ضعيفه بتقولون هذا شي عادي وبعد العرس بتتغيرين .

لكن المشكله انه قبل يومين خالتي الله يجزيها الف خير قعدت تنصحني عن اول يوم وشو بيصير ( هي المسكينه تتحسبني ما اعرف :d ) المهم هي ما كملت كلامها الا وانا الله يعزكم قعدت حدود نص ساعه جبدي لايعه وقعدت ارجع وحسيت بصداع ودوخه بس يوم قعدت افكر في كلامها عاد هيا يوم شافتني قالت انتي مستحيل تكونين طبيعيه لازم تروحين المستشفى وتسالين الدكتوره على اللي صارلج .
المهم انا طنشتها لا رحت عند الدكتوره ولا شي قلت بسالكم انتوا .


واااااااسفه على الازعاج

أنا ما رح أقولج إنج عقب العرس رح تتغيرين لأنه حالي من حالج ولا أنا عرسي الأسبوووع الياي وإحساسي دبل إحساسج لأني بعد أحس إني مو طايقة زوجي بالمرة ويحليلي بعد ماحصلت اللي ينصحني أو يخبرني عن اللي بيصير (كأني فعلا أحتاج نصايح)
بس الحمدالله انا متوكلة على الله
وربي يسهل عليج وعلي
قووووووووولي آآآآآآآآآآآآآآآآآآمييييييييين

السلام عليكم
اختي اللي عندك اعتقد والله اعلم انه رد فعل طبيعي لانك مو متخيله الموقف ولامريتي فيه و اول مره تجربينه
انا زيك في فتره من فترات خطوبتي حسيت كذا وصرت مالي خلق الموضوع ولاالرجال بعد
لكن
الحين باقي ثلاث اسابيع على زواجي واحس اني مررررره متشوقه لزوجي لدرجة اني خايفه من اني اظهر انفعالاتي معه يوم العرس وصرت الحين اوسوس هل انا طبيعيه او لا؟لاني مشتاقه له مرررررررره :confused:
وياليت الكل يفيدنا في حالتك وفي حالتي :confused: :o

لكل اخت مقبلة على الزواج اقول : اولا مبروك مقدما ، ثم ان الامر طبيعي ويتغير والسبب ان رغبة المرأة تتأثر بأي ضغط نفسي فتقل، واظن ان جميع العرائس يكن في الايام القليلة قبل الزفاف في حالة توتر وضغط نفسي بسبب تفكيرهن بعدة امور بنفس الوقت ، لذلك على كل واحدة منكن ان تحاول ان تفكر بالامور الايجابية وتبعد عن رأسها الاوهام وحذاري ان تشعري زوجك بالاشمئزاز او النفور لأن ذلك سيبقى في ذاكرته وسيؤثر على علاقتك معه فيما بعد

يا أخواتي: شكلكم تفكرون في الموضوع بكثرة .. عشان كذا خوفتوا أنفسكم واستصعبتوا الموضوع..
صدقوني اللي مريتوا فيه طبيعي خاصة الأخت ميثى.. هذي سنة الحياة وأجمل حاجة تقرب الزوجين مع بعض..
توكلوا على الله.. وفكروا في الأشياء الحلوة اللي حتصلحونها مع زوج المستقبل ان شاء الله..
ألف مبروك والله يوفقكم ويسعدكم أجمعين..