مساعدة ثانية الله لايحرمني من آرائكم المفيدة
 

اهلييييييييييين

عدنا

على بالها سبيس تون ههههه

ممكن اسألكم سؤال ثاني :rolleyes:

مثل ماقلت لكم بموضوعي السابق اني ملكت من فتره
استفساري هو كيف اخلي زوجي يحب الطلعات يعني يوديني البحر , البر , المريخ .. الخ
لانه اهو من النوع الخجول لما نطلع يسألني الف سؤال
( وين ودك تروحي ؟ قولي لي امري تدللي )
وانا في بالي اقول والله انا اللي ودي فيه اهو انه ابغاك تطلعني وتمشيني اي مكان بس بدون ماتسألني :mad:

ودي انه مرة يفاجئني ويقولي يالله الحين انا جاي وبنطلع
وودي اسأله اقوله وين ؟؟؟ ابغاه يقولي مفاجأة او بعدين راح تشوفي او .. الخ
ولكن اهو من النوع اللي اذا بيطلعني لازم يسألني الف مرة وين وماوين ومادري ايش

اشوف صاحباتي ازواجهم يطلعونهم يعني اكون معهم اشوف وحده يتصل فيها زوجها يقول لها يالله اتجهزي راح نطلع تقوله وين ؟ يقول لها مفاجأة او انتي راح تشوفي بعدين بس تجهزي ,,,

ودي اعيش الشي هذا
لانه توني صغيره وحتى اهو صغير
كيف اخليه يكون حيوي وحركي ويطلعني اي مكان بدون ماانا اللي اطلب منه !

مرحبا


بس بغيت اقول شي اذا ممكن :rolleyes:

اذا ماعليكم كلافة تقولون لي اماكن حلوة يكون الشخص اللي قاعد فيها غصبا عنه يصير حيوي وحركي وبعيد عن طابع الرسمية


يعني مثل البحر
او ملاهي او اي شي بس اماكن محدده بالاسم لانه انا ماكنت اطلع كثير مااعرف اماكن
وراح احاول انه ابادر وانا اقترح عليه اماكن :(
بس لاتتروكني حايرة
ودي انكم تساعدوني وتقولون لي كيف اقدر اغيره مثل ماقلت لكم من اول
خاصه انه يقول انه كان قبل لايخطب دايم يطلع من الشباب ورحلات ومادري ايش
حتى بالوقت الحاضر لما يطلع مع اصحابه احس انه يستمتع ويروح البحر وهيك شغلات

كيف انا اعيش معه هالجو هذا اللي يبعث فيه جو المرح البعيد عن طابع الرسمية بالاضافه الى ايش هي الاماكن اللي ممكن لما نروحها نستمتع ونبتعد عن هالجو اللي مو عاجبني :confused:
احيانا احس كأننا اطفال امهم قالت لهم اذا جلستوا مؤدبين بعطيكم حلاوة :d

والله من جد ودي يصير حركي ماعليه خليه يطقني ماعندي مانع اهم شي يتحرك :p

لا انشالله مايطقني بس من جد قولوووووووووووولي اريد استمتع بالخطبة قبل مااتزوج خلاص الزواج على الابواب اريد اتذكر هالايام بحيويتها وحركتها ومرحها مااريد انه نتذكرها برسميتها وهدوئها هذي فرصتنا للمرح قبل المسؤوليه والاولاد و... الخ

وشكرررررررررررا

مع تحياتي
دلوعة الريااااااااااااااااض

انا انصحك انك تستغلين هالفترة لانها حلوة بصراحة لانكم بتتذكرونها دائما وانتوا متزوجين لان بتخلص السوالف ..ههه لكن خذيها نصيحة مني وصدقيني تربحين

لا تصيرين حنانة عليه حتى مستقبلا يعني كلا تقولين له طلعني .. ودني.. مشني
لان فيه بعض الرجال يجون من اعمالهم تعبانين . يعني خليك على مزاجه عشان تكسبين قلبه
الا اذا كان هو يحب التمشي ومن هواة ذلك فالامر يختلف

الاخت العزيزة

جهزي الشاي والقهوة والحلويات والمستلزمات التي لا تخفى عليكن معاشرالنساء


وإذا جاء قولي ترى كل شيء جاهز بس ما باقي إلا أن تختار المكان

لأنك أعرف بالسوالف مني


هو بصراحة إذا ما كان تعبان راح ينحرج بالبداية ومن ثم تبدأ سلسلة الطلعات

والصراحة راحة لابد ان يصبح بينكم توافق وتوائم في الأراء والمشاكل

وأن لا تدخلوا بينكم أقرب قريب لحلها فأنت أهل الشان وأهل الشأن به أعرف


كثر الله طلعتكم بظل رحمته واسعدكم برضاه ونعمته ويسر لك طريق الخير والفلاح بحكمته


أخوك سليل الجد

أختي ملاك الورد ....






انا شايفة طلباتك كثرت هالأيام .....





حياك أختي ...




تبين مكان حيوي ....روحي الملاهي .....والعبوا في السيارات ....ترى يمدحونها ..يقولوا فيها حيوية شي غير طبيعي ....





وزوجك تبنه حيوي ....فيه دوا في الصيدلية اسمه أكتفيد ....
بيتصل فيك ويفلك جهزي نفسك ,,,,










رايحين المريخ .....








تمنياتي لك بحياة فيها المزيد من الحيوية ......ياحيوية.....

اسمحي لي يا ملاك الورد .. انتي بنت دلوووووووووووعة شوي ..
يعني من كلامك الرجال ما مقصر معاك .. بس انتي تشوفي صاحباتك واخواتك وتحبي تقلديهم ..
يا عزيزتي لازم تحبي زوجك بما فيه من مميزات وهذا هو اسلوبه ..
واذا ما عجبك شئ منه على طول صارحية لا تخلي بينكم حواجز ..

بااااااااي

صباح الخير

ياكثر ماتطلبين اللة يعينة من الحين كذا

امزح

اذا كانهو مايعمل لك مفاجاة قولي لة نبي نروح البحر

نبي نروحالحديقة

نبي نروح نبي نسافر

وانصحكم اذا بتزوجون قريب لاتطوفكم ماليزيا تشبعون طلعات وتنزة وملاهي برظوا ومنها يتعود على الطلعات

واذا رجعتوا للرياض ذكرية اللة تذكر يوم كنا بمليزيا تذكر يوم طلعنا ذيك الطلعة
اشرايك نطلع اليوم وهكذا وهو كذا خلاص ماخذ على الطلعات
بس انتي تجهزي على طول

اني من راي دانه .والله عندج الملاهي وحاصه السيارات اها طعم ثاني مع زوج المستقبل وبتعطي الطلعه ابهارات حلوة وماراح تنسونها..جربيها.

مرحبا الساع
 

ماشاء الله كلكم صغار ؟؟
خلاص جيبو اتاري ولا بلايستيشن واجلسو اصرف لكم من الطلعات ترى ياكلكم العو هههههه ( العو = الذيب )
عموما بالتوفيق والله يسعدكم