|
طلب وخصوصا المخطوبات
قبل فترة خطبت ثم تلقيت الموافقة
لكن أسمع أن هناك شنطة تقدم للعروس وللاسف لايوجد لدي أخوات يفديني بهذا الموضوع ماهي الهدايا التي يمكن أقدم لها أو الهدايا المحببة إلى قلوب البنات علما أن قبل موعد الزواج هناك مناسبتين أعياد حتى لانتوهق بعدين وماندري ويش نهدي ومن العادات أن الملكة في ليلة الزواج ومن المستحيل قبلها ومحتار جدا ماهي مكونات هذة الشنطة أوالهدية ولكم مني جزيل الشكر لاأحد يطنشنى 9111 |
اخي الكريم :9111
مبروك عليك الخطبة ،، وعقبال الفرح .... طبعا احب الهدايا الى قلب الفتاة ،، ان تكون الهديه من خطيبها :p ،، يعني أي شي راح تقدم لها راح يكون شي حلو في نظرها ،، وافتكر الاخوان والاخوات اللي في المنتدى راح يايدون كلامي .... اما بالنسبة لمكونات الشنطة ... فاحب اقولك ان العادات تختلف باختلاف الاعراف ... يعني انت تقول انه ماراح تملك الى في ليلة الزواج ... اللي حبيت اعرفه ان الشنطه هذا بخصوص الملكة ؟؟؟ ولا الخطبة ؟؟؟ اذا الخطبة ( الاخوان قدمو اقتراحات لاخونا احبها بجنون ، عن الهدايا المناسبة ) اما اذا كانت ملكة ،، فعندنا في الاحساء ... الشنطة تتكون من ... نوعين او 3 انواع من الاقمشة ( مثلا واحد جدا راقي و2 يكونون افضل من العادي مثلا) علبة مكياج صغيرة ... طقم عطور ... مثلا جزمة وحذاء ... عباية ... لو حبيت وكان في نفسك ، ممكن تقدم شي خاص مثلا روب نوم ملابس داخلية .. بس اكثر الناس تنحرج من هالشي ، والافضل تتركه اهي اللي تشتريه... :D اخوي كل ماطاب لك قدم لها ... بس ياخي لاتقدم الشنطة الا عند كتب الكتاب او قبل باسبوع او اسبوعين .. فليش انت مستعجل :rolleyes: ... اول خلص من الهدية بمناسبة الخطوبه .. وخلص من هالمناسبتين ... وبعدين قدم الشنطة ... وكل بلد يختلف عن الثاني بالنسبة لتقديم الشنطة .. تمنياتي لك بالتوفيق ... اخوك ايمن182 :cool: |
مرحبا ..
الف مبروك يا اخي وبارك الله لكما وبارك عليكما وجمع بينكما في خير .. بالتأكيد الاعراف تختلف .. ولكن سأخبرك ما رأيته في زواج اختي .. قدموا لها حقيبة بها جميع انواع المكياج .. ووضعوا في ( عربية الشبكة ) علبة بها ريالات من الفضة تعني المهر المقدم بمعنى كل ريال فضة يساوي الف ريال .. وعدد من العطورات .. وبعد الاكسسورات المنزلية .. وياريتك تسأل أحد من جماعتكم.. كل ناس ولهم عادتهم .. والف مبروك .. |
اخوي، مافيها شئ لو تسأل احد افراد اسرتها عن عاداتهم عن كيفية احضار الشنطة ومكوناتها لئلا تهديها أشياء غير مرغوبة منها او تحضر شئ هما ما متوقعينه...وانت بعدها تستطيع اضافة اشياء اخرى ان احببت....
|
حرام عليك سوار الذهب ودك تطيرني ورى الشمس
والله إن كلمت واحد من أهلها تحصل كوارث (( ويش ها الزلابه اللي ما يعرف ويش يهدي خطيبتة )) ويحطون علي ليما أكره حياتي كلها وسيرتي على كل لسان والشكر لكم جميعا أيمن طيبة القلب سوار الذهب |
اخي الشنطه تحوي
عطورات مكياج وكريمات اطقم والف مبرووووووك |
لاحول ولاقوة الا بالله......معليش اخي ....اراء الاعضاء الكرام ابدعوا في طرح مقترحاتهم.....اخي انت وين عايش بالصعيد؟؟؟؟
على العموم،،،، مبروووووك مقدما ومايصير الا خير... |
اخيرا خطيبت
السلام عليكم ورحمة الله وبركاته ،،، والله اني فرحت لك من قلب اخي 9111 ،،، الف مبروك ،،، والله يتمم لك بخير ،،، الشنطه تختلف على حسب عادات بعض الناس ،،، انا مدري انت من وين ،،، يمكن كنت اقدر افيدك بشي ،،،، :rolleyes: بالنسبه لنا في الحجاز ،،،،، الشنطه هذي ماتكون شنطه تكون عربيه او صندوق ،،، ويكون فيها:: 1) طقم مكياج ( ماركه معروفه طبعا ) مثلا نينا ريتشي ،،، 2) سكر نبات،،،، 3) فوفل ،،،،،، 4) نوعين من العطور المعروفه ،،، 5) لبان او حلاوه بولو ،،، 6) طقم قميص نوم ،،، 7) طقم شنطه وجزمة (للسهرات) 8) عبايه كشخه ،،، 9) قطعة قماش مكلفه ،،، 10) اي هديه على ذوقك ،،، طبعا الاشياء تختلف من ناس لناس ،،، يعني الأشياء اللي كانت بعربية اختي مو نفسها اللي كانت بعربيتي ،،،، والله يوفقك ،،، واعذرني على الآطاله ،،، |
عزيزي سوار الذهب عايش بصعيد السعوديه (( الجنوب))
الاخت فوافي شكرا جزيلا لك أسعدني مرورك أقترح الشباب من واقع تجربة البعض منهم طقم ذهب أبيض ساعة 3عطور ماركات معروغة وقوية جهاز هاتف محمول |
اخي العزيز الشنطه هي عبارة عن هديه تقدم للمخطوبه بدلليل المحبه وسعيد لموافقته على الزواج منك اكثر المرات تتضمن
قطعه من الذهب اما ان تكون سوار او عقد او ساعه علبه مكياج قيمه ثلاث او اربع انواع من العطور الغاليه عباءة غاليه شنطه يد صغيرة قطعتين من القماش الراقي الله يسعدك ويوفقك ويتتملك بالخير قولوا آميييييييييييييييييين |
| الساعة الآن 01:54 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©