منتدى عالم الأسرة والمجتمع - الله يوفقكم .. ساعدوني مع هذا الزوج

منتدى عالم الأسرة والمجتمع (http://www.66n.com/forums/index.php)

- المتزوجين (http://www.66n.com/forums/forumdisplay.php?f=6)

- - الله يوفقكم .. ساعدوني مع هذا الزوج (http://www.66n.com/forums/showthread.php?t=33385)

الله يوفقكم .. ساعدوني مع هذا الزوج

أنا عروس جديدة ...
بعد كم يوم بكمل شهر من زواجي ..

في وايد سلبيات بزوجي .. أريد أغيرها مب عارفة كيف .. ساعدوني دخيلكم ..
السلبية الأولى :
- ولا مرة مدح لبسي و لا تعديلي حقه أو علق على شي لبسته او عطر أو شي ثاني ..
أريده يقول اللي يعجبه و اللي ما يعجبه .. لما اسأله .. يقولي .. كل شي فيج يعجبني ..

- ما يقعد في البيت وايد ( ساكنه مع أهله ) .. و يتأخر بالليل عند اصدقاءه حتى 1 أو 2 ..
كيف أخليه يرجع البيت على 11 أو 12 .. بدون ما احسسه أني أحبسه بالبيت ..

- ها الفترة هو مسافر مع أخوانه يتعالجون برا ... تخيلوا ماتصل فيني ... مر عليه يومين و للحين ما اتصل ..
أريد أزعل عليه و أحسسه أنه المفروض يتصل باليوم على الأقل مرتين .. شو أسوي معاه ؟؟؟؟؟
كيف أتصرف يا متزوجات .. ساعدوني بحيلكم ..
و يا شباب برايكم .. زوجي ليش جي معاي ..

مع أني أعرف أنه يحبني .. و واثقه من حبه لي ..
هو مشكلته طيوووب وايد .. ما يتعذر من حد...

شو أسوي دخيلكم ساعدوني ..

طالما طيب احمد الله انك حصلت زوج طيب وان شاء الله هو يتعدل اصبري وحاولي واستعيني بالله

اختي الفاضلة floret..

وكأني اسمعك توصفين في زوجي..:p

سبحان الله..

لكن ولايهمك..نعم راح تتعبين شوي..وماراح يتغير الشي في يوم وليله..

لكن مع الوقت والإهتمام الكبير منكِ راح يتغير..

ونصايحي لكِ التالي..

على اللبس..دايما انتي اسأليه..

شو رايك في هذا اللون؟..هذا الموديل؟..هذا الميك آب؟..

إسأليه بالتفاصيل حتى لو قال لك "كل شي عليكِ حلو" قولي له مايكفيني..

أحب أسمع صوتك وإنت تتغزل فيني..;)

ومن هذا الكلام الزين..

على التأخير..هاذي يا عزيزتي تعتمد على طبيعة عمل زوجك ونوع أصدقاءه..

هناك من الوظائف ماتجبر صاحبها على النوم "باكرا" حتى يقوم "باكرا" فتلاقيه مايسهر ويكون عندك الساعه 8..

لكن إلي عنده شغل بلا دوام صباحي "ثابت ودقيق" فهو أكيد يحب جلسات السمر مع أصحابه..

بس بعد..لكِ دورك..دائما يكون الإستقبال بوجه بشوش.."حتى لو متضايقه"..

وإن زعلتي شوي لكن "زعل الدلع" بلا مشاكل وصوت..حتى يسمع لك كيف إنك ماتقدرين على تأخيره وتريدينه جنبك وعندك..

وخليه بس يرجع في يوم من وقت..لااااااااااازم تقومين له خير قيام..

يعني تدلعيه وتدلليه بذاك الإستقبال الحلو بالعطور واللبس وتدليك ومساج وتلبية كافة الطلبات بكل حب وشوق..

وممكن تعوديه وتحددي معاه إنه يكون لك يوم خاص فيكِِ..يعني يكون عادل في المعاملة..

لكِ يوم ولأصحابه يوم..

فتقدرين إنك تعملي له سهره حلوه..عشا بعده لعب..يعني أمسية حلوه مغريه..

والحركات كثيرة في مفضلة المتزوجين..بس زوريها واقري عدل..

في الإتصال من سفر..عبري له عن أشواقك وحبك وكوني خفيفة الظل..لاتعاتبيه كثير إنما تدللي عليه..

يعني مثل "اهون عليك" "كيف قلبك يطاوعك" والذي منه :o..

وطالبيه بمسج صغير "على الأقل" يطمنكِ فيه عن حاله..حتى تقدري تتحملي بعاده..

ولاتنسي التشويق في الكلام..يعني اذكري مواقف حلوه صارت بينكم..

وشوقيه للعودة للبيت..ولكِ..;)

وداااااااااااااااااااااايما وهاذي أبد ماتنسيها..

إدعي في صلاتك..إن الله يجعلك قرة عين لزوجك ويهديكم لبعض..

لأننا مهما عطيناكِ من النصائح..ومهما لجأتي للأفكار..

ربك وحده قادر إنه يهدي لك زوجك..

وأتمنى أن أكون أفدتك اختي..

وفقك الله وأسعدك..وحفظكما لبعض..انتِ وزوجك..

اختي كانك تصفي اخي

فلا تكوني مثل زوجة اخي

عاندته بالبدايه وتحاول تجلسه في البيت غصب

ومشاكل واليوم لهم 3 سنوات متزوجين
ومازال الوضع على ماهو عليه يسهر كل يوم
اذا الرجل لايمكن تغييره بالقوه باللطف واللين
والكلمه الحلوه

مشكورين و الله يجزاكم ألف خير ...

اقتباس:

المشاركة الأصلية كتبت بواسطة mema