تعبت من التفكير
 

السلام عليكم ورحمه الله وبركاته............
اول شي لا حد يشره علي ولا احد يعاتبني ابي النصيحه والتوجيه.....
مدري من وين ابدا ولا كن ببدا كذا عرض انا شاب عمري 25 وفوقت المراهقه تعرفت على بنت وكانت حلوه وموادبه وشاطره وبنت ناس مره الايام وقالتلي البنت انها انخطبت ومع العلم اني عايش معها فحاله حب ما تتخيلونها من المغامرات والجنان الي نسويه يعني احبها وتحبني بجنون فوق ما تتخيلون تزوجت ورجعت العلاقه اقوى من اول واشد واكثر مغاملر يكشفونا اهلها ويكشفونا اهلي لا كن مستمرين ومااااكنا نفكر فاحد .... وبعدين مرة فتره بصراحه انا بديت ابعد عن حياتنا انا وهي مع العلم فقمه الجنون من الحب يعني على البال بس احاول ابعد شوي شوي .......وجا يوم واكتشفت انها تخوني مع واحد ثاني ...... بغت تنتهي حياتي من الصدمه والموقف الي شفته ومع هاذا كله سامحتها مع العلم اني المفروض ما اسامحها لانها الخيانه خلاص ينتهي كل شي ورجعنا اقوى واقوى من اول.. وتوضفت وضيفه حلوه مره وهي الحين عندها ولد.. ياناس تقوى العلاقه يوم عن يوم واحبها اكثر واكثر وهي خاينه مدري اسامحها ولاكن لو تركتها احبها ولا ادري كيف بعيش بعدها.. الحين العلاقه لها اربع سنوات. ووصلت انا لمرحله خطيره ولا اقدر اسيطر على نفسي . الا وهي اني ابي اتزوجها. مع العلم هالفكره الحين وهي متزوجه واتفقنا انو لو ضبطت الامور تطلق هي واتزوجها انا مع العلم بعد انها مو متهنيه مع زوجها يعني ما رعها صح ياناس تخيلو بتزوجها يعني قلو البنات ولا ايش بس احس فيني شي اني مقدر اتخيل فيه زوجه غيرها ولا احد ملى عيني زيها ولا تخيلت فيوم اني اعيش مع اي وحده ثانيه وابي اصحي نفسي ماني قادر ولاني قادر افهم نفسي او اسيطر على نفسي مدري مدري اعذروني على التعبير الي ما ادري وش يبي لا كن انا احس اني ضااااااااااايع

ردو علي قسم بالله حيرااااااااااااااااااان

ياخوي الشيطان يزين لك هذه المعصيه

كيف تقيم علاقه مع امرأه متزوجه

اتق الله يا اخي وقوي صلتك بالله

اخي الفاضل انت قلت انها متزوجة يعني هي اخذت نصيبها فى الحياة وحياتها اتحددت مع شخص ثاني غيرك وارجو انك تتفهم ان كل شيء قسمة ونصيب .. ويكون من الظلم انها تستمر فى العلاقة معك وهي على ذمة انسان ثاني لان هذا الانسان ليس له ذنب .. اخي الكريم اذا تريد نصيحة من اختك حاول تنساها اعرف انك تقول صعب وهذا الشي مستحيل ولكن ايضا فكر بغيرك قبل ما تفكر فى نفسك فكر فى الانسان الى هو زوجها وبنتها التي ستحرم من ابوها فكر مليا بحياتك كيف ستكون بعدما تتطلق هي وتتجوزك ..
اخي الكريم انساها وابدا حياتك من جديد النسيان نعمة من الله سبحانه وتعالي لو لا النسيان لما كان الانسان يقدر يعيش .. كن على يقين انك تقدر تنساها لانها شريكة حياة انسان ثاني وانت لا تقدر تشاركها حياتها ونصيبها اتحددت واعرف كل لى يقدمه ربنا فيه الخير دائما .. ( وعسى ان تكرهوا شيئا وهو خير لكم ) صدق الله العظيم ..
هذه هي نصيحتي ابدا حياتك من جديد وربنا يوفقك باذن لله
اختك وردة الاسلام

اخي الفاضل ذلكم الشيطان يزين لك القبيح

اتحب من هي بيد غيرك

اتحب من راتها عيناك خائنة لزوجها معك ومع غيرك

كيف بالله عليك تريدها زوجة لك تربي اطفالك

كيف تريد تطليقها من زوجها لتتزوجها

تخيل ان لك زوجه تقوم بهذه التصرفات اتامن ان تخرج وتتركها بالمنزل بمفردها
صدقني لو حصل المستحيل وتزوجتها ستذهب السكره وتاتي الفكره

ستعيش معها حياتك كلما مر رجل من امام بيتك شككت فيها

تب الى الله وابحث عن ابنة الحلال الصالحه وانظر للمستقبل البعيد

لاتنظر تحت قدميك فقط

بالاضافه الى كلام الاخت دبدوبه
ابى اسالك
اللى خلق هالبنت يعنى ماخلق غيرها

اللي يحب مستحيل يخون ....
 

بصراااحه هذه بسبب قلت الايمان وضعف الوازع الديني


كيف تقول انها خانتني مع واحد وهي أصلاً متزوجه يعني هي الصلاً خااينه زوجها الشرعي معك ومع غيرك الي انت تقوله.! يعني سوة علاقه مع زوجها ا((لشرعي)) وهذه حلال ...ومع معك وهذا حرام ومع واحد ثالث وهذا حرااام!!!؟.. هذا أولاً...... وثانياً كيف تتزوجه وهي خااينه يعني هي خربانه خرباانه بلمره كيف تأمنه عليك وعلى الولادك والله ثم والله ثم والله نك بتفشل معه او انك بتعيش معها في شك ووسواس طول عمرك. راجع نفسك وخلي علاقتك بربك قويه وبعده بتعرف الصح والغلط والحلال والحراام ...و اسفه على الكلااام الي بدر مني أذا كان السلوب غلط ....وشكراً ....

الممدوحه

‏قال رسول الله ‏ ‏صلى الله عليه وسلم ‏ ‏(( ليس منا من ‏‏ خبب ‏ ‏امرأة على زوجها أو عبدا على سيده ))
خبب : أفسد