ساعدوني يا بنات
 

زي ما أنتم عارفين العيد قرب (كل عام وأنتم بخير مقدما ) علشان كذا أنا محتار ايش أقدم من هديه لخطيبتي <=== الله يخليها لي بعد عمري :D
انا عندي فكرتين وأبغ رايكم فيها أو اذا احد منكم عنده رأي ثاني لايبخل على الله يخليكم
الفكرة الاولى: جبت علبه دائريه كبيرة شوية ( للاسف مالقيت على شكل قلب) مغلفه من بره بقماش وردي وعليه نقش ورود يعني حاجه حلوه بحط داخلها علبة الهديه اللى قلت اني بخليها ساعة على ذوقي وأثبت علبه الهديه داخل العلبه الورديه بصمغ وأجيب ورد طبيعي كذا حبه وأوزعه داخل الصندوق بشكل عشوائي وبعدين أجيب من محلات الهدايا واحد من أشكال القلوب الحمراء اللى مكتوب عليها I love you و أحطه فوق الورود وعلبه الساعة وفي الاخير كرت معايده لما تفتحه يطلع على شكل قلب با كتب فيه بيتين شعر
من تأليفي <===ولد رومانسي :cool:
وأغلفها وأن شاء الله تعجبها أو
الفكرة الثانية: رحت نكتار وقال أن الاسبوع القادم راح تجيهم شنط مكياج بـ400 ريال بس يقول أنها ممتازه ( مأدري أيش الماركه ) وفيها أشياء كثيرة أبتداء من ظلال العيون ( يقول كذا لون) الى الروج وخلافه
بس المشكله أني خطيبتي مندوبة مبيعات لوحده من شركات التجميل يعني عندها
خبره <=== بتورط إذا طلعت الشنطه أي كلام :eek:
وكمان هل يصلح إن أهديها علبة مكياج؟؟؟
بس انا مرتاح للفكرة الثانيه وما أدري أي أسوي فرجاء يا بنات ساعدوني أنا ماعندي خبره وحايس :confused: :confused:

أنا بنصحك بالفكرة الأولى لأنها رومانسية جدا و البنات يحبون الورووود أكتر من أي شيئ اخر و ما شاء الله عليك على ه الرومانسية

الفكره الاولي حلوه ولو كان العلبه داخلها عطر مع الورد شي رائع

السلام عليكم
الفكرتين عجبوني بس الفكره الثانيه علبة المكياج المتكامله عاده ماتكون حلوه مره علشان كذا مانصحك بشرائها واذا حاب تشتري مكياج محل مكياجي مررررره روعه خصوصا للهدايه

شكرا لكم أخواني وأخواتي على ردكم وراح أعمل بنصائحكم الغاليه

تزوجيه لا توجد مشكلة المهم الأخلاق و الراحة النفسية

ماشاالله الله يهنيكم ويسعدكم

الفكره الاولى احلى لان فيها من ذوقك وافكارك

ليست جاهزه مثل الثانيه

وبالتوفيق

الفكرة الاولى جميلة جدا وانا واثقة ان شاء الله انها هتعجبها جدا جدا جدا والله يوفقكم ويخليكم لبعض

الفكرة الأولى روعة ورومانسية .....الله يوفقك ...قوي قلبك وتوكل على الله