|
زوجي مايحب البيت
السلام عليكم ورحمة الله وبركاته ،،، كل عام وانتم بخير ،،، ومبارك عليكم الشهر ان شاءالله ،،، انا لي شهرين وعشرايام متزوجه ،،،، مشكلتي ان زوجي كان في بداية زواجنا ابد مايطلع من البيت الا للصلاة وباقي الطلعات انا اكون معه ،،، اوهمني ان حياتنا بتكون كذا على طول ،،، بعد شهر وعشر ايام من زواجنا تغير حاله وصار يقضي وقته غالبا خارج البيت من غيري طبعا ،،، مايتواجد بالبيت الا وقت النوم والعشا والغدا ،،، يعني كانه بفندق ،،، ومايحب يوديني بيت اهلي واذا وداني مايخليني اطول عندهم ،،، يعني اجلس عندهم تقريبا ساعتين وهو لازق فيني ،،، يعني ماآخذ راحتي مع اهلي واخواتي ،،، والعكس اذا وداني عند اهله ،،، يوديني من بداية اليوم لنهايته وهو يطلع يشوف حاله ،،، والمشكله الثانيه ،،،،،،،،،،،، انه للحين محسسني اني غريبه عنه ،،، يعني مايكلمني عن اهله ابدا ،،، واذا طلع من البيت مايحب اني اسئله وين رايح ومن وين جاي ،،،، واللي يقهر اكثر انه مايبيني احمل الا بعد سنتين ،،، ولكن !!!!!!!!!!! وبعد الحاح شديد من اخته اللي اكبر منه رضى انه يوديني عند اهلي ويخليني عندهم اسبوع ،،،، واذا انا ماتصلت عليه مايسأل هو ولا يتصل ،،، واذا اتصلت عليه يسمعني احلى كلام ويقولي ان البيت بدوني مرض ،،، وانه مو متحمل فراقي ،،، وانا مو قادره اصدقه ،،، لانه مايجلس بالبيت اصلا ،،،، مو عارفه كيف اخليه يحب البيت ،،، او يقرب مني شوي ويعتبرني اقرب انسانه له ؟؟؟؟؟؟؟ ملحوظه :::::::::::::::::::::::::::::: اهو يحبني ومايقدر يستغنى عني ،،، وانا مو مقصره معاه ابدا ،،، ومستحيل اشك انه يخونني ،،،،،،،،،،،، اتمنى انكم تساعدوني بحل لهذا الرجال ،،،،، وجزاكم الله خير ،،،، |
التغيير مهم .. والصراحة واجب .. الأسلوب المرن يكسر الحواجز ويذيب الجليد
معالجة الخلاف وسوء الفهم في أوله يصحح مستقبلاً الكثير من الأوضاع. الوضع عندك ليس غريب إنما يحتاج إلى تعود من الزوج خاصة إذا كان من النوع المزاجي سريع الملل أبحثي دائماً عن مستجدات لحياتكم فما زلتم في بدايتها .. |
lمرحبا
التغيير لابد منه ولا المفروض انه يكون معاك كل الوقت علشان ما تزيد المشاكل -- واهله انتى مالك شغل فيهم وله الحق انه يحتفظ بخصوصياتهم --- اختى حمدى ربج شوفى حال غيرج
|
مرحبا الساع
اشكرك اخي انا مندهش على ردك السريع ،،،، انا احب التغيير والتجديد ،،، لكن المشكله اننا في بداية حياتنا ،،، يعني بعد كم سنه او سنه على الأكثر وش بيصير ،،، وان شاءلله يتحسن الوضع ،،، وجزاك الله خير اخي الفاضل ،،، |
مراحب اختي منى 777 وشلون انا مالي باهله ،،، والمفروض اني اكون دخلت عائلتهم :confused: وطبعا قبل كل شي انا احمد ربي على كل شي ،،،، والحمدلله الذي لايحمد على مكروه سواه ،،،،،،، ومشكوره على ردك ،،،، |
هو من النوع اللي يمل بسرعه
اسمعيني زين عشان تملكين قلبه وعقله الرجال غالباً اذا ما اهتمت فيه زوجته يحاول انه يعوض النقص في مكان ثاني مع اصدقائه او في عمل اضافي او اي شيء المهم انه يحاول نه يهرب من البيت واتوقع انه يشك في ان اهلك يحاولن انهم يخربون عليكم لذلك ما يحب انك تقعدين عندهم كثير حاولي ان تشيلين الفكره من راسه باسلوب غير مباشر واذا جاء ياخذك من عند اهلك حاولي انه يدخل يجلس شوي مع ابوك اخوك امك قربيه منهم اذا جيتي من عند اهله امدحيهم كثير وانتي عندهم امدحيه كثير والكلمه الحلوه متضر اذا مانفعت |
مرحبا الساع ملك القلوب
جزاك الله خير اخي ملك القلوب ،،،، والله اني مو مقصره معاه ابدا ،،،، وان شاء بحاول اهتم به بعد زود على اهتمامي ،،،، حقيقه اخي ملك القلوب كلامك يوزن بذهب ،،، الف شكرلك ،،،، على النصيحه ،،،، وجزاك الله ،،،، تمنياتي لك بالتوفيق ،،،، |
صعبه جدا
السلام عليكم ورحمه الله وبركاته
والله ياختي لا دري ماذا اقول ولكن هذه حاله صعبه ولكن اظن انها ممكن منطقيه منطقيه من ناحيه انه يمكن رأى منك شي لايرغب ان يراه منكي او ممكن ان يكون البيئه التي تربى فيها زوجك بيئه صعبه شوي وقاسيه قليلا يعني هو مقصر معاكي من ناحيه اهلك وهذا لايختلق عليه عاقلان ولكن كما تعرفين ان كل منكما له طبائع وعادات مختلفه وهنا تاتي ياتي دور الزوجين فكل منكما يجب ان يقرب للاخر وتلتقون في منصف الطريق من المستحيل ان تكون الزوجه او الزوج كما يتمناه الاخر انصحكي ياختي بامرين الاول الصراحه ثم الصراحه ثم الصراحه صارحيه بما تحسي وانك تريد ان تحس حنانك وان تحترم عواطفي ورغباتي الثانيه الصبر حتى تحسني من صفاته كي تتلائم مع ماكنتي تتمنيه من صفات من زوجك وتذكري لابد من يوجد اختلاف الاختلاف اساس الحياه وشكرا محمود :d |
اختي فوافي
كما ان المرأة تتأثر بكلام اهلها وصديقاتها فكذلك الرجل يتأثر مثل هذا الكلام وتجدين بعض الرجال يحرصون كل الحرص على منع زوجاتهم من الاختلاط بصديقاتهن او باهلهن خصوصا اذا كانت الزوجة قد قالت في يوم من الايام اختي قالت كذا او امي نصحتني بكذا وكان هذا الشيء لايوافق ماتربى عليه الرجل فتجدينه قد تغير وابتدأ بالحرص من الزوجة وابعادها عن اهله علشان لا تتكلم فيهم امام اهلها اعتقد أن زرع الثقه في نفس الزوج شيء اساسي واعطاؤه الاحساس بأن الزوجة مستودع الاسرار وان تحدث معها في موضوع تخبره بأن هذا الموضوع سر بينها وبينه ويجب ان لايعلم عنه احد على الزوجة الذكية ان تعرف مايجذب زوجها لها وتستمثره في استمرار الحياة الزوجيه والعلاقة العاطفيه بينهما والسلام ختام |
وعليك السلام أخي محمود ورحمة الله وبركاته ،،،
أدري انها حاله صعبه ،،،، عشان كذا ابي مساعدتكم الله يجزيكم خير ،،، ماأعتقد انه شاف مني شي لايرغبه ،،، وانا مومقصره معاه وكل يوم احاول اقرب منه اكثر من اليوم اللي قبل ،،، وهو يبتعد عني اكثر بعد :( ان شاءالله بحاول اصارحه قريييييييييييب ،،،،،،،،،،، اما من ناحية الصبر فــ أنا صابره جدا عليه وبالي طويل لأبعد الحدود ،،، وان شالله خير ،،، ونصايحك على راسي من فوق ،،، وجزاك الله كل خير ،،، وبالتوفيق ،،، |
| الساعة الآن 05:15 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©