منتدى عالم الأسرة والمجتمع

منتدى عالم الأسرة والمجتمع (http://www.66n.com/forums/index.php)
-   مملكة المرأة (http://www.66n.com/forums/forumdisplay.php?f=90)
-   -   جمعت لكم أخبار عن أخر مستحضرات التجميل ..تفضلوا (http://www.66n.com/forums/showthread.php?t=38514)

هانديا 08-11-2004 01:16 AM

جمعت لكم أخبار عن أخر مستحضرات التجميل ..تفضلوا
 
مراحب بالحلوات ..

حبيباتي أنتم عارفين أن الموسم موسم عيد والتردد على الأسواق كثير خلال هاليومين
وبسب أنشغال زوجي بالعمل ما صار لي أطلع للسوق الا خلال هاليومين لكن جيتكم بالأخبار الحلوه ..
طبعا أكثر شي ترددت عليه محلات المكياج وسألت عن كل شي نزل جديد بالمكياج ...

نبدأ بكريم الأساس ...
عاد كريم أساس أيف سان لوران من جديد وبقوه بعد أنقطاعه لفتره معينه وبالذات رقم واحد
كان في صعوبه في أيجاده لكن الأن هو متوافر بخمس درجات ملونه ..
أنا أخذت رقم (1) لأنه فاتح ويجي على لون وردي ومناسب لي كثير
سعره (120) ريال سعودي وممكن تحصلونه بسعر (90) ريال
وكانت مفاجأة أيف سان لوران كونسيلر بثلاث درجات وسعره( 75)ريال
وكمان حصلت كونسلير عملي من ريميل وبسعر (35) ريال وشكله يشبه للروج السايل ..
وطبعا ألشركات الأخرى مازالت على نفس الأساس القديم ..

المسكارات ..
أطلقت برجوا مسكره جديده يأتي معها طقم متألف من أربع ألوان
اللؤلؤي .. الأزرق والأخضر.. الشفاف ..
والفكره عباره عن عبوة مسكره صغيره لها فرشه خاصه تضيف للعين أحدى الألوان السابقه
ولكن يشترط أن تكون متكامله مع المسكره السوداء الأصليه ..
ملاحظه: المسكره السوداء الأصليه ما أعجبتني لكن فكرة المسكرات الملونه خطيره ..
عموما سعر المسكره منفرد (45) والملونه اللي تركب معها (35) ريال
لكن الأنواع الحلوه اللي كان عليها طلب كثير (لانكوم) و(كريستيان ديور) وتأتي مكثفه وضد الماء ..

الأرواج ..
نزلت للأسواق الأرواج الجديده من ماركة ريفلون ..
وفكرة الروج غريبه وطريقته يفرك من الأسفل وتضهر نقاط الروج على أعلى الأسفنجه اللي تكون في رأس قلم الروج وألوانه فاتحه جدا ولاتنفع تكون لون لحاله لكن أضيفيها لأاي روج غامق وشوفي النتيجه وسعره (25)ريال ..
وعلى فكره الماركه هاذي نفسها عندها كحل للعين خطير (جاف) داخل العين ..
وكذلك ماكس فاكتور التي لاقت النجاح بعد أن طرحت للأسواق روج (ليب فانتلي)
عباره عن قلم روج وقلم تثبيت وسعره (50) ريال روعه جربته بنفسي
وكذلك برجوا نزلت الروج الثلاثي الأبعاد يعطي الشفاة اللون المثالي واللمعه والأمتلأء
وهذا سعره (54) ريال

الشدو والأي لينر والمكياج الخاص بالعيون ..
بالنسبه لأقلام الشدو كانت ماركة نيفيا وسوفت الأفضل دائما ..
والحركه الجديده لمكياج العيون كانت من ماركة لوريال ..
وكانت عباره عن مكياج خاص بمنطقة ما تحت الحاجب وهو عباره عن أصبع شمعي نفس قوام الروج العادي والوان روعه ( ذهبي .. موف ..سماوي ..فضي ) .. وسعره (35) ريال ..
وبالنسبه للظل جميع الشركات أطلقت ألوان الظل الغامقه وعشان كذا ما عجبني شي منها ..

وكانت هذه جولتي في السوق والأخبار اللي جمعتها لكم يالله كل وحد تشوف وش اللي ناسبها وتدعي لي
اخصائيتكم (هانديا)..

همسـ 08-11-2004 02:23 AM

يالنذ له :mad: ،،

ولا تقولين لي خويه اباخذها تتسوق معي خصوصا والعيد قرب،،

بصــراحه ،، ماهقيتها منك يـــاهانـديا :confused:

والله انك خطيرة ;)

وربي يسعدك ويوفقك على هالمعلومات اللي تمتعينا فيها

الف شكر حيــاتي

ومزيد من التقدم ان شاءالله

تحيــاتي وتقــديري

LittleLulu 08-11-2004 02:38 AM

مشكورة اختي هانديا على المعلومات الشاملة .. ما قصرتي ..

جزاكِ الله خير على الافادة ..

تحياتي لكِ

البتول 08-11-2004 02:53 AM

تسلمي يا هانديا ، جهد مشكور ، ارحتينا من البحث في السوق ههههههههههههه ، واكيد اذا احترت في الاختيار برجع بستشيرك .

هانديا 08-11-2004 03:07 AM

مسموسي افا عليك تعلمنا النذاله من عندك ولا نسيتي موضوع الغواصه والأثاث البحري ..
وبعدين هذا اللي يقطع نفسه عن الناس الجوال مقفلته وحتى الثابت اللي ما يينقفل قفلتيه وجايه تقولين ما علمتيني ..
على العموم مشكوره على مرورك الطريف ..
بصراحه أول ماقريت يالنذله طحت من الضحك ..:)
ولايهمك المره الجايه أخذك معي ..

هانديا 08-11-2004 03:09 AM

حبيباتي ..
لولو
البتول
سعدت بمروركم الرائع ولاتحتارون أي شي أنا في الخدمه ..

غاية الحب 08-11-2004 12:56 PM

اختي هانديا ...
اشكرك على جهودك الله يعطيك العافيه

هانديا 11-11-2004 09:39 PM

أختي غاية الحب ..

أنا اذا ماسويت الجهد لأخواتي الحبيبات في المنتدى أسويه عشان مين ..

وتسلمي على مرورك ...


الساعة الآن 10:54 AM.

Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©