أساسيــــات زوجة نكديـــــــة
 

السلام عليكم ورحمة الله وبركاته

الالف:ابي فلوس بروح معزومه على شاي الضحى.

الباء:بكرا ابيك توديني لبيت اهلي عندهم عزيمه.

التاء:ترى اليوم انا ماني مسويه عشاء روح للمطعم جيب عشاء.

الثاء:ثلاث اسابيع ماطلعنا للملاهي يالله ودنا اليوم.

الجيم:جيب خدامه تساعدني بشغل البيت .........(والبيت نص شقه قهر)

الحاء:حبيبي..ودي بساعة شوبارد ,مليت من ساعتي الاوميغا(شوفو النفاق ..توها تذكرت هالاسم)

الخاء:خل الشله اليوم..انا عازمتك نتعشى بره,بس على حسابك.

الدال:دور لنا فله على 3شوارع وفيها سرداب(الراتب2500ريال من وين ياحسره)

الذال:ذيك السنه (قبل 10 سنوات)قلت لك اشتر لنا سيارة فان اوسع وما شريت.

الراء:روح قدم على اجازه خلنا نسافر لاوربا,,اووف حر.

الشين:شيل ولدك شفه يصيح هناك,انا تعبت من العيال.

السين:سو للبيت حديقه كشخه حط فيها نافوره.انزين.

الصاد:صفف الملابس هناك منثره,مليت وانا القط وراك.

الضاد:ضبط اوضاعك ..ترى كبرت المسؤوليه..(توها والده)

طاء:طالع السياره سكراب تفشل قديمه,نبي شبح.

الظاء:الظاهر انك ماتحبني..ليش ماشريت لي العقد الاماس اللي بغيته!(حب بالالماس بس)

النون:نبي نحجز شاليه شرم الشيخ طول الصيف ..لا تنسى.

الهاء:ها عاد ..ترى اروح بيت اهلي !اذا مو قد الزواج وتكاليفه ليش تخطبني؟؟

الواو:ورني شطارتك رح عند اخوك وخذ منه الورث (راعية مشاكل)

اللام:لازم تتحقق مطالبي اول وبعدين ارد لك.

الكاف:كافي كلام..كسرت خاطري راح اردلك بس بشرط.

الياء:يالله ايدك على 20000 ريال رضاوه.نسأل الله الزوجات الصالحات.

ههههههههههههههههههههههههههه
والله ضحكتني اعوذ بالله من هذي المرة والله يعين زوجها عليها
اختك ام مجيد

من جد نكدية
يالله سترك من هذا الصنف

الله المسعان

حرام عليك مو لهذي الدرجه

ظالمين النساء كثير .......

اووووف الله لا يبلانا انا احب الزوجة الي ماتطلب بس تقول ناقصني وانا اجيبه لها من عيوني
وزوجها هو الي يطلعها ويسفرها موب اهي اعنبو داركم حريم حتى الزوجات المطوعات الصالحات
طفشوا رجالهم كل يوم ويوم ودنا مكة ودنا المدينة وهو يجمع فلوس للمستقبل بيت وعيال

ارجموا من في الارض يرحمكم من في السماء

اووووف الله لا يبلانا انا احب الزوجة الي ماتطلب بس تقول ناقصني وانا اجيبه لها من عيوني
وزوجها هو الي يطلعها ويسفرها موب اهي اعنبو داركم حريم حتى الزوجات المطوعات الصالحات
طفشوا رجالهم كل يوم ويوم ودنا مكة ودنا المدينة وهو يجمع فلوس للمستقبل بيت وعيال

ارحموا من في الارض يرحمكم من في السماء

هذا يصلح مسلسل ..
وأليك الزوج النكدي ..
الألف .. أقلبي وجهك ماراح أعطيك فلوس لثياب العيد دبري نفسك ..
الباء .. بسهر مع الشله لاتنتظريني ..
التاء .. تراي مليت من كثر ماأقابلكم مافيه سفر لاتحلمين ..
الثاء .. ثيابي مصفطه عمياء ماتعرفين تكوين ..
الجيم .. جهزي الشنطه تراي مسافر عندك مانع ؟
الحاء .. حسافه عليك اللبس الزين لو هو على فلانه كان أحلى ..
الخاء .. خوذي عيالك وأطلعي فقعتوا راسي ..
الدال .. دوري على حل محتاج فلوس بيعي ذهبك ..
الذال .. ذيك اليوم الشاهي ما أنضبط عند زملائي ..
الراء .. روحه لأهلك مافيه وأنتي رايحه لهم قبل أسبوعين ..
الزاء .. زواجي من الثانيه كان قبل أسبوه مو عاجبك شيلي عيالك وأطلعي لبيت أهلك ..
السين .. سيارتي بعتها عشان أبسافر بالفلوس ..
الشين .. أنتي شينه وما فيك ذرة حلا ..
الصاد .. صلحي العشاء أبأخذه معي للبر بنتعشى أنا وزجتي ..
الضاد .. ضبطي الشيشهوجيبيها لي في المجلس ..
الطاء .. طلعه لأجتماع خواتك مافيع عشان يعبون راسك علي ..
الظاء .. ظلمتيني أنا يس كنت أبشوف باقي من راتبك شي والا لا ..
العين .. علميني وش سويتي عند أهلك وش تكلمتوا فيه ..
الغين .. غبيه وبتعدين عيالي بالغباء ..
الفاء .. فارقي عن وجهي أبنام بلا رومانسيه بلا بطيخ ..
القاف .. قلتي عن أختي كذا ليه غايره منها ..
الكاف .. كلمي علي مره وأقطعي لاتصرفين علي ..
اللام .. لو أنك مره كان ماصار بولدي كذا ..
الميم .. مافيك شي زين الله يصبرني عليك ..
النون .. نايمه كأن ماحد تجي له الدوره الا أنتي ( وهي نايمه من تعب الدوره)
الهاء .. هاذي 100 ريال أشتري بها ملابس لك وللعيال ولاتقكرين بغيرها ..
الواو .. والله أنك عله مافيه شي الا وتسألين عنه ..
الياء .. يا زفت قومي غسلي ثيابي ..

الله لايطيح مثل هالرجال بيدي والله ماأدري وش ممكن أسوي فيه ..

تسلم يا أخي قاصد خير على الموضوع
يا أخوات ترى الرجال قاصد خير من اسمه :d
والأخت هانديا ما قصرت كملت الموضوع
الصراحة أختي هانديا الله يعين هالرجال...شكلك عنيييفة :d تراني أمزح

شكرا أعزائي على مروركم

وكل عام وانتم بخير[b]