|
هذه هي مشكله أختي فماذا تتوقعون الحل؟؟؟ أرجو من الجميع المشاركة!!!
السلام عليكم...
أطرح إليكم مشكلة أختي وهي أنها مخطوبه من سنتين و شهر (مملكه) لكن خطيبها ما يجي لها إلا مره في الشهر أو بالكثبر مرتين... غير كذا أنه ما يكلمها أبدا علما بأنه ابن خالتها وخطبها بعد أن تقدم لخطبتها الكثير الكثير وآخر واحد تقدم لها كان ما ينرفض أبدا... بس اهو قال إنه يبغى يحجزها... طبعا أهلي رفضوا كلمه حجز نهاىي فقال بيلك عليها والمهر بيعطيها بعد ما يشتغل لأنه في الجامعه يدرس يعني لسه ما تخرج كانت حجته السابقه هي الدراسه بس الحين من أربع شهور تخرج... شهرين قعد في البيت بدون شغل وكان ما جاء لها في الشهرين إلا 3 مرات والحين لما اشتغل نفس الشيء راتبه ما شاء الله ما عطاها ولا ريال إلى الآن و ولا هديه من انخطبوا إلى الآن كانت مستحمله الوضع إلى أن انخطبت وشافت الوضع أو الفرق بين معاملة خطيبي لي وكيف يجي ونطلع ووووو حاولت كلمته كذا مره انه يغير كيفية المعامله أوتتناقش معاه عن أمور الزواج يكون ردت فعله إنه يصرخ عليها ويقول لها لا تتكلمين في هذا الموضوع أبدا كمان أهلي تكلموا في هذا الموضوع وهو يقول انه يعتبر هذا تدخل في أشياء ما تعنيهم تجمعوا كبار العيله يعني خوالي وخالاتي كلهم عشان يغير من الوضع حقه ولما دخل وشاف العيله متجمعه قال لها قدام الكل إنتي شكلك تبغين تتطلقين آخر الآحداث اللي صارت إن أمي و أبوي و أختي راحوا بيت خالتي عشان يكلموه في نفس الموضوع بس ردت فعله إنه شق القميص حقه و ضرب راسه في الباب ما يبغى أحد يتدخل في شيء ما يعنيه وقال إنه بيتزوج في الوقت اللي يبغاه و بيجمع حق الزواج ولا بياخذ سلفيه من عند أحد وهو ما يقدر ياخذ سلفيه من البنك لأنه كونتراكتور يعني لو يفكر في الزواج زي ما يقول يبغاله 3-4 سنوات عشان يتزوج... إيش تتوقعون الحل حقها؟؟؟؟ |
قبل مانبداء بالموضوع أنتي قلتي خطيبها وكذلك ذكرتي أنك تخرجين مع خطيبك
هل انتم مملكين على بعض ام مجرد خطبه وكذلك اختك هل هي مملكة على ابن خالتك أم مجرد خطوبة إذا كان مجرد خطوبة لايحق له ان يكلمها أو يخرج معها وكذلك أأنتي إذا كان مجرد خطوبة لايجوز لك أن تكلميه أو تخرجين معه أو تجتمعين معه حتى يتم الملاك فلم توضحي الأمر ارجو توضيح الأمر حتى لايلتبس الأمر على كل من أراد مساعدتك في هذا الموضوع تحياتي |
ياأختي الهدايا لا تعبر عن الحب
|
السلام عليكم
والله يا اختى راح امشى معاكي درجة درجة اولاً انه ما يكلمها كتير ولا بيخرج معاها فهذا شئ صحيح تدري ليش لأنه لمن ما يتكلمو كتير ويخرجوو وقت مايتزوجو راح يكونو مبسوطين لأنه في بداية حبهم وحياتهم الزوجية اما إذا جلسو يتكلمو وطالت الفترة والله راح تصير مشاكل بيناتهم وراح يكرهو بعض فأنا من وجهة نظري انه هذا شئ صحيح اما بالنسبة لموضوع الزواج إلى رافض احد يكلمه فيه ممكن انه من جد ما كون نفسه لسه وما يبغى احد يكلمه لأنه بيكون إحراج بالنسبة له بس عصبيته الزايدة هيا الغريبة الله اعلم ايش الموضوع وراء عصبيته هذه ومن جهة الهدايا اخالفك الرأي يا (ابوى ابي) الهدية بتسوى شئ مره كبير عند الزوجة حتى لو جبت لها شوكلاته والله تطير من الفرح لأنه بتحس الزوجة انه متذكرها ماهو من باب انها طمعانه في الهدية لا بس تبغى تحس بإحساس وحب زوجها وانها على طول في باله واتمنى لأختك انه تتحل امورها وتتغير إنشاء الله |
أيوه إحنا الثنتين مملكين....
ومين قال حلو ان الواحد ما يطلع كثير... هذي الأيام تنذكر وهي أحلى الأيام اللي تعيشها أي انسانه وبعد الزواج بيكون مش فاضي حقها وبالفعل تكشر المشاكل... والمدينه اللي انا ساكنه العادات حقها ان الخطيب يطلع مع خطيبته و يفسحها ويكلمها في اليوم 4-5 مرات... ويعطيها هدايا.... وأنا أقول زوجها ما يكلمها ولا مره ولا يجي لها إلا مره أو مرتين في الشهر وهي تشوف اني كل يوم أطلع مع زوجي وتوني أرجع من الطلعه يكلمني تلفون ونضحك و نستانس وننكت :d وهي كل الأمور هذي مو عندها :confused: .. |
اختي الكريمه وسام
بدون مقدمات ولا مجاملات انا برأيي المتواضع خطيب اختك مغرور واناني ومشكلجي وعصبي جدا يضرب رأسه ويمزق قميصه ؟؟؟؟؟؟؟؟؟؟ من حقها عليه الزياره والهدايا والمكالمات والكلام الطيب وغير ذلك يا سبحان الله ناس يزعلون من اجل عدم رؤيتهم لخطيبتهم ولعدم خروجهم وهذا العكس ؟؟؟؟؟ الظاهر انه لا يحب اختك ؟؟؟؟؟ وبرأيي المتواضع الطلاق افضل حل والله اعلم ؟؟؟؟؟؟؟؟؟ |
يسلم تمك يا بلو بيرد
وفيــــــــــت وكفيــــــــــت وهادا رأي كماااااااان والله يهديهم ويوفقهم للصلاح |
مشكلة سهلة جدااااااا جداااااااا
مايحب احد يتدخل في حياته شي راجع له والصراحة من حقه اهم شي انه مايقصر بحق غيره الحل خفضوا المهر حتى لو يوصل الى 1000 كويس المهم تبون مصلحة بنتكم وسعادتها لا تزيدونه عن 10000 ترى اغلب البنات اتطلقوا شهر العسل والسبب غلاء المهور ياخي فكونا من عقدة الفلوس خل نتزوج ونستقر وحنا راضيين عن زوجاتنا يعني مانتزوج وحنا شهر العسل نادمين عن مافات من عمر في جمع المهر او وحنا شايلين هم الديون والله ان حاجات زي كذ تخليك تكره البنت كره والزواج وتكره اهلها بعد سهلو الزواج على اختكم وخلوها تتهنا براحة نفسية وحتى زوجها وان كان عالذهب بيشتري لها لما يتزوجها بين فترة وفترة |
إذا إلى الآن ما عطاها ولا هديه....
و حتى إذا راحوا مطعم هي اللي تدفع حق عشاها أو الغذاء حقها.... أنا توقعت صراحه إن عندكم حلول بس إلى الآن ولا حل.... يعني عادة الرجال يشتاق لزوجته يروح لها و يبوسها ويتناقشون في مستقبلهم وفي حياتهم... وهذا لا إحساس ولا غيره.... يمكن عطته كم هديه تفرحه بها وهو لا.... ثانيا إحنا مهورنا مو ذاك الزود... المهر عندنا بس 20000-40000 على حسب قدرته ....بالنسبه لها كتبوا في عقدها 20000 إلا إلى الآن ما وصل ريال منهم... وأنا مهري 40000 والحمد لله وصل كامل.. حنا ما نبشرط في هذي الأمور أبدا... نقول اللي بتجيبونه مقبول منكم.... |
ما شاء الله حلو مهر اختك مو صعب 20000 ريال
اجل اش عليه كل هالدلع لا هدية ولا شي بس مسالة انه يخلي زوجته تدفع عن نفسها هذي قوية يمكن هو مو حاس بالمسؤولية او انه بخيل بالنفقة وبالمشاعر هذي مشكلة كبيرة اقول الله يعين اختك |
| الساعة الآن 12:14 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©