زوجي بيسافر بكرة ....انصحوني
 

بصراحة انا تعبت من زوجي ومب عارفة شلون اتصرف معاه...
زوجي صار له اكثر من شهر ماقرب مني...اول تعلل برمضان والصيام والعيد سوى نفسه مشغول حتى يوم العيد ماقرب مني الا يوم قال لي عيدج مبارك وبس!!!!!!!!! :mad:
امس قلت له اني متزوجة ومن حقي اتمتع بزوجي بصراحة كتزوجة وكاني و متزوجة..
وقلت له شتبيني اسوي عشان اريح نفسي؟؟؟؟؟؟؟ :(
وهو ساكت ولايرد :mad:
بكرة بيسافر ولا فكر ينام معاي مع انه بيسافر 6 ايام وبالنسبة لي طويلة جدا..
اكتفى بس بكلمة تصبحين على خير :(
ارجوكم اكتبوا لي رد ابعثه له مسج على الموبايل او ارسله له على الايميل..ابي شي ياثر فيه..ويعرف ان للزوجه حق على زوجها..
بصراحة اول مرة يسافر واحس اني فرحانه وبفتك منه..صار لنا 4 سنوات كل مايسافر لو ليوم واحد اقعد ابكي طول الوقت بس هالمرة احس اني برتاح والسبب منه...

اختي يا سمينا...

اذا تاخذين نصيحتي..انتظري لحد مايجي ويرتاج...ولما تشوفينه مروق وهادي....سأليه..وقولي له يصارحك يمكن في حاجه موو عاجبته فيك..او ظغوط العمل انتي ماتدرين عنها...بس حاولي ما تنفعلين....وان شاء الله الامور كلها بترجع زي اول واحسن...
ان شاء الله اكون افدتك مع اني مانيب متزوجه بس من هالمنتدى الرائع صرنا نعرف امور كثير...انا عن نفسي كنت اجهلها :)

مشكورة بس والله ماتعرفين شعور الزوجة لما يهملها زوجها كل هالفترة شي متعب وايد..,انا مو مقصرة البس واتعدل واكثر من مرة حاولت اقرب منه بس يصدني او يقول لي انا تعبان ابي انام ..لاتزيدين عشان انتي ماتتعبين!!!!!!!!!!!!!!!!

20 دخلوا الموضوع وماردت علي الا 1!!!!!!!!!!!!!!!!!!!!!!!!!!!!!!!!!
ارجوكم ردوا علي..انصحوني..انا مابشوف الموضوع الا اليوم وبكرة بروح بيت اهلي............
قولوا لي ايش اقول له او اكتب له او ارسل له ارجوكم

شوفي اختي انا يمكن ما راح افيدج بشي من اللي قلتي عليه

بس اختي انتي شو في شو السبب اللي خلاه جذي
يعني اكيد في سبب لابتعاده بالصورة هذي ولكل هالفترة
يمكن في تصرفاتج
يمكن زعلان ما يقدر يقول لج زعلان منج يمكن او مجروح من شي ترا الريال الكلمة تاثر فيه وما ينسى بسرعه عكس الحرمة اللي ممكن من كلمة تنسى وترجع مثل اول

اول شي عالجي السبب
بعدين تقولين انه بيسافر وبتفتكين منه وكل هذا منه ليش طيب هاللهجة وكلمة كل هذا منه تدل على هالشي

بعدين اللي اشوفه انج اخبر بزوجج وتعرفين كيف تدخلين له ومن اي صوب لانج عايشة وياه وتعرفين شو اللي ياثر عليه واي كلام يحب واي تصرفات يحب

مدري اختي انا في بالي فكرة بس ما ادري تقدرين تسوينها ولا لا لان الوقت ضيق


وعلى فكرة الفكرة انا قريتها هني في المنتدى من فترة وبقول لج عليها واتمنى تنجح


الفكرة هي الله يسلمج

انج تسافرين وياه لو امكن
يعني خذي اجازة من الشغل لو تشتغلين وخلي الاطفال عند حد من الاهل وسافري وياه
وعاد الباقي عليج

يعني سويه شهر عسل ثاني لكم

وتفنني وانتي اخبر مني في التفنن
طلعي مواهبج كلها في هالكم يوم

اتمنى انج فهمتي علي شو اقصد


وفي فكرة ثانية

وانتي ترتبين اغراضه حطي له رساله مع وردة ذبلانه بين الاغراض اكتبي له كل اللي بخاطرج ومدى شوقج له ولحضنه وانج مثل هالوردة الذبلانه تنتظر من يرويها وينعشها وان محد ينعشها غيره لانه كذا وكذا ومن هالكلام اللي في الصميم هو بيقراها وهو بعيد بس بيتاثر اكيد من هالبعد

ومع هذا كله لا تنسين الدعاء له بالرجوع بالسلامة وانه يعدل من شأنه ويرجع احسن من قبل



اتمنى اني افدتج ولو بالقليل

والله من وراء القصد

السلام عليكم

احس بما تعانين .. وارجوا أن اخفف معاناتك ... اوافق تماما علي راي الاخت ان تنتظري الي حين عودته سالما لك باذن الله ... وتناقشيه
واعلمي ان الرجل حساس وبالذات عندما يكون مخلصا ويطعن في اخلالصه ولو بكلمه ممن يحب ..
ان لكل مشكله سبب .. ابحثي عن هذا السبب ... وعالجيه ... ثم اغدقي حنانك عليه فالرجل ضعيف جدا امام الحنان .. لا تجرحيه ولا تحرجيه ... كوني له ام يكون لك ماتردين ..
ليس هذا ايتها الاخت ذلا له ولا خضوع .. بل هي ما قال عنها الحق تعالي الموده والرحمه ( بينهم مودة ورحمه ) ولتعلمي حقيقة الامر اسئلي نفسك سوال قبل الزواج ماذا كان ينقص عليكي في بيت اهلك ؟؟ وماذا كان ينقص عليه ؟؟
الجواب هو الاستقرار و الاستقلال .... وتكوين الاسره التي هي اصل المجتمع
اطلب منك اولا ان تسامحيه .. وان تعطفي عليه .. وتحني عليه ... ثم تناقشيه بأدب وعقلانيه ... بهدواء ... واهم مافي الموضوع ان لا تستفزيه .. واستعيني بالله في ذلك
وادلك علي سر يصلح معه حالك بعون الله وقدرته اكثري من الاستغفار ..

اسئل الله تعالي ان يصلح ما بينكما وان يسعدك ويزيده حبا لك .. وان يزيدك حنانا عليه
وان يعيده اليك سالما وصلي الله علي محمد وعلي اهله وصحبه

ارسلي له هذي بالجوال

صوتك الدافي يخليني أضيع انسي نفسي وانسي حتي مين انا
الحنـان بنبرتك شـي فـضيع فيه حب وفيه امان ..... وبه عنا
لاسمعتك ارتجف رجفة رضيع شوفة امه .. هي مراده والمنا