|
وين الشباب اللي يقدرون يساعدوني
أول شئ السلام عليكم أنا من أشد المعجبات بهذا الموقع والمنتدى اللي فادني في اشياء كثيره في حياتي الزوجيه
وهالاشياء تفيدنا لأن أحنا تربينا على العيب و حرام ومايصير قله أدب وأحسن حل للمشكله كتمانها وانا رسالتي للشباب الطيبين وأبي شورهم لأن أذا تبي تحل مشكله مع الرجال أسأل واحد نفسه له نفس النظره والتفكير لأن الرجاجيل طبعهم غير وأنا متفائله بهالشباب الطيب اللي والله أذا انحلت مشكلتي بادعي لهم بكل الخير والله وخصوصا أبو السنونو الله يجزيه كل الخير أنا متابعه مواضيعه من سنتين بس أول مره أشارك وماكنت أتصور من قبل أن في شباب بهالمرونه في الوطن العربي عموما المهم انا متزوجه من سبع سنوات والحمد لله زواجي ناجح وزوجي رجل بمعنى الكلمه في زمن يندر فيه الاخلاق وأحسن شئ بزوجي انه عصامي وماكان مدلل وهذا اللي يخليه مو عاطفي على الرغم أنه حنون من أول زواجنا زوجي طبعه مو جنسي يعني عادي وانا أقبلت الامر بصدر رحب لأنه يعوضني باللقاء وانا أحب زوجي واطيعه وأخاف الله فيه مع أني دائما متجدده واسوي له كل شئ يبي لكن فجأه زوجي صار جنسي وانا في بدايه الموضوع فرحت وجاريته لكن الموضوع تحول الى سرعه في القذف لعب الفار بعبي وفعلا ظني بمحله مبايل زوجي متروس بلاوي بتقنيه البلوتوث الله لا يوفق أي أحد يستخدمه وينشر هالاشياء لشبابنا طبعا الموضوع مو هين لأن زوجي كان بالنسبه لي ملاك يمشي اليوم اللي دريت فيه صدعت اصلي وادعي وأصيح الله يعلم اشصار فكرت شالحل طبعا ماراح أواجهه لأن عندي قناعه أن محاسبه الرجال تخليهم يعاندون وكل ممنوع مرغوبوبعدين راح أطلع أنا الغلطلنه اشلون نبشتي وتجرأتي وننسى المشكله الاساسيه وبالعكس لما الرجال يحس ان مرته تدري وساكته ينحرج ويحاسب نفسهو وممكن يطيعني ومن وراي يفتح جهاز ثاني والحل شنو المهم أنا أعتنيت بنفسي أكثر وجاريته أكثر وقلت له في يوم اني أنا محظوظه لأني تزوجت رجال مثله وان صديقتي طاحت على زوجها بالجهاز ماله وهو\متعود دايم أنا أشاوره وقال أهو فيه فضول وراح ينتهي ويمل وسكت وانا أقصده بالكلام بس أهو ماشك واستمر على هالحال وبعجها بشهور كلمته عن نفس الصاحبه وانه ما مل قالي واهي شنو مشكلتها راح يمل قلت له حرام وباجر يحلى له الحرام والاوضاع الغير شرعيه قال خلاص أذا وصل هالمرحله اتروح بيت ابوها الحل شنو أشلون أخليه يترك هالاشياء مع اني مو مخليه بخاطره شئ وأغير دايم بشكلي ورشيقه وأنوع وممكن انا أبادر يعني والله مافي ثغره بس انا اول شئ أخاف الله وبعدين مشكله سرعه القذف واخاف من عقاب الله وانتقامه وبعدين زوجي صوره حلوه بحياتي ما أبيها تطيح من عيني ساعدوني شاسوي ناطرتكم على أحر من الجمر |
حياك الله أختي
لاحطت انك تقولين: مو مخليه له شي ودايم أجدد بنفسي طيب باتلكم معك بصراحة يا ترى الصور اللي في الموبايل حقه، فيها شي انتي ما تقدرين تسوينه له؟ وبعدين التغيير مطلب حلو وسلوك رائع جداً من المرأة مع زوجها ويكون في أروع حالاته إن سألت المرأة زوجها عن رأيه فيما فعلت وأي أفعالها جعله يستمتع أكثر ، فهذا يجعله يتجرأ ليحدثها فيما يرغبه وبالتالي هو توفر له ما يريد ويتناغم الاثنين معاً ... بعض الرجال يغريه النظر أي يحتاج لأن يرى زوجته متجدده في لبسها ومكياجها (الشكل) بعض الرجال يغريه الصوت فهو يحتاج لأن يسمع كلمات فيها من الدلال والغنج بعض الرجال يغريه الاحساس فلن تجد المرأة استجابة قوية منه إلا حين تكون هناك ملامسة جسدية مباشرة فانظري أيهم زوجك أما بالنسبة لما في هاتفه فرأيي أن استخدام سياسة البديل هو أفضل أمر بالنسبة له ، فحاولي أن توجدي له ما يشغل به وقته أكثر حاوريه حادثيه اطلبي رأيه في بعض ما يخصك أنت من اكسسوارات وملابس وغيره وفقك الله ، ولا تترددي في السؤال عن أي أمر يبدو لك |
مشكور يااخي الاجودي بس انا بقول لك
أكيد في اشياء مااقدر أسويها لأنها حرام وانا والله من قبل هالموضوع وانا أسئله باللي بخاطره وهو يقول وبالعكس ساعات اطلع منالمنتدى وابدع من نفسي ليالي رومنسيه ومفاجات والاشياء الثلاثه اللي قلت عنها انا كلها أسويها دايم ألبس له واتعمد اسوي حركات جدامه واثيره ودايما أكلكمه بالتلفون والفراش بنعومه وساعات اسمح لي ببذاءه وانا دايم أعبر عن أحساسي ومتعتي وحبي حتى لو ساعات أتصنع وهو فخور بجد أخوي أبي حل أنا مثل اللي درس للامتحان وهلك وبالتالي رسب فشل ما منه فايده |
مثل ما قلت لك لا تتوقعين ردة فعله
وكل شي تسوينه معه ، سوي عكسه وشوفي النتيجة تختلف أو لا |
لا والله مو كل كلامك صحيح خيوووو فى بعض الرجال
تغريه المغريات حتى لو كانت زوجته كاملة والكمال لله فقط ايضا يلجألهذه الامور نحن تعودنا بأن يخطأ الزوج وتتنازل الزوجة فقط لستمرار الحياة لالهدمها يا ترى متى يعى الزوج اهمية الزوجة فى حياته ونكسها تعنى انتهائه.. متى تكون ذهنا فى مكبتنا؟؟؟ |
سورى خيتوووو ما اكملت الموضوع نتيجة لندماجى
بس حبيت اضيف اشرايش تحاولين تكذبين عليه لصالحك بأن تقولى له رايت فى المنام خروج جمرات من عينك وانا ابكى من شدة الخوف وعند استفسارى لأحد الشيوخ فسر لى بأن زوجك واقع فى معصية وان الله سبحانه يحذره فى استمرارها اذا قل فى تصرفاته خير واذا زاد كل مرة كبرى الموضوع وذكريه بعقاب البارى جربيها اذا نجحت ادعي لى وردى على حبيبتى |
سهلة وايد ... ممم سمعي إذا إنتي ميانة وياه قعدي معاه واخذي جهازه على أساس أنج بتشوفين .. من باب فضول وإذا رفض
قوليله خله بإيدك وأنت ورني وقوليله مثلا شفتي عند وحده من رفيجاتج مثلا موقف يضحك أو مثلا رنات حق مطرب يحبه اهوا وودج تبادلين بتلفوناتكم علشان ادزلج ياهم المهم تخترعين طريقة تخلينه يوريج الي بالجهاز ومن يبطل هالسوالف لا تبدين تعكرين ويهج على طول وتزعلين وتصارخين وليش وليش وحق شنو ... قوليله ليش بعد ما شفت هالشي ما مسحته على اساس انك شفته من باب فضول ومومشكلة ضعفت شوي وبعدين ليش ما مسحته ... فيها زود عني وانا زوجتك حلالك اقدر اسوي احسن منها امسحها وماراح تتحسف ... على اساس بتعوضينه ومنها لييييييين تمسحين كل الي بجهاز يعني يبيلح على هالحال اسبوع وانتي وشطارتج وانتي حمدالله واعية وفاهمه مو كل شي ايي بالهواش اخذيه بالمسايس .. الله يعينج وان شالله خير |
مشكلة صعبة و الله. لا أدري ما أقول غير الدعاء له بالهداية ان شاء الله. عليك بالصبر و الصلاة و الدعاء له و ان شاء الله خير
|
أخت أم فطوم لايجوز الكذب ولا في ذكر المنامات فتنبهي جزاك الله خير
وهذه احاديث من مسند الأمام أحمد: الكذب في الرؤيا حدثنا عفان حدثنا أبو عوانة حدثنا عبد الأعلى الثعلبي عن أبي عبد الرحمن السلمي عن علي رضي الله عنه عن النبي صلى الله عليه وسلم أنه قال من كذب في الرؤيا متعمدا كلف عقد شعيرة يوم القيامة . حدثنا عبد الله حدثني إبراهيم بن الحسن المقرئ الباهلي حدثنا أبو عوانة عن عبد الأعلى عن أبي عبد الرحمن السلمي عن علي رضي الله عنه عن النبي صلى الله عليه وسلم قال من كذب في الرؤيا متعمدا فليتبوأ مقعده من النار ======================================== أخرج البخاري في صحيحه أن النبي صلى الله عليه وسلم قال: ((من تحلم بحلم لم يره كلَّف ـ أي: يوم القيامة ـ أن يعقد بين شعيرتين ولن يفعل))، قال الإمام الطبري رحمه الله: "الكذب في المنام كذب على الله أنه أراه ما لم يره". Shark |
اختي...
لاتخربين بيتك بايديك... حياتك حلوة وزوجك يحبك وشاريك ومسألة صور في جوال ما تستاهل انك تحطيها حاولي تتعاملين بهدوء مع المشكلة...ثقي انها نزوة وبتعدي...اذا احسنت التعامل.. بس انك تغيري تعاملك معها او شي من كذا احذريييييييييييييييييي! ايضا ما انصحك ابد تبينين له انك عرفت حتى من حركة اخذ الجوال وغيره ترى واضحة! وانا مع اختي ام فطوم قد تكون المراة كاملة بس زوجها تزيغ عينه كذا وكذا ماعندي حل الحين بس راح ارجع مرة ثانية |
| الساعة الآن 09:57 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©