ممكن سوال دكتورنا العزيز
 

ممكن سوال دكتورنا العزيز حيرني ليله امس وانا حاطه راسي علي المخده حسيت الدنيا تفر وتدور فيني خفت وفزيت راحت الدوخه رديت مره ثانيه حطيت راسي ردت لي الدوخه الي استمرت معاي ونمت واناقاعده طبعا قايست ضغطي والسكري عندي طبيعي ممكن اعرف من شنو هالدوار علما انه اول مره يجيني ووين ممكن اراجع اي دكتور متخصص جزاك الله الف خير واسفه علي تعبك

عادى اختى مها لا تقلقى ان كان على الدوخه فانا ما انام الا وميته منها وكل يوم يلف راسى وادوخ كانى حامل
مجرد ارهاق وتعب وسؤ تغذيه
الله يعينك ويعيننا

بارك الله فيك اختي الكريمه وياريت كلامك صج يومها كنت مافيني اذا ضيقه شوي بس ماكله وشاربه وموتعبانه بارك الله فيك علي الرد والف الف شكر

مها انا يصير لي جذيه احيانا !! ماله داعي تشوفين دكتور ولا توسوسين خصوصا انه اول مره تحسين فيه ان شاء الله ماعليج شر

حياك الله يا اسيل انا صارتلي حيل قويه وخفت فشكرا لمرورك حبيبتي وناطره راي الدكتور

حاولي تنظيم حياتك الأجتماعية ككل لأن هذه الأعراض تنتج عن الإجهاذ أو القلق أو التفكير
كما أنه يجب المحافظة على التوزان الغذائي للجسم
عمومآ إذا تكررت هذه الأعراض فعليك بمراجعة الطبيب

بارك الله فيك دكتورنا العزيز وتعبناك معانا الف الف شكر