|
يوميات زوجه >>>>جوعانه>>>>>
حياكم اخيييتاي واخوتي هذه الزوجه الجوعانه صديقتي ايام الجامعه وكنا ايام الامتحانات جاءتني بالصباح وهي ماتقدر تتكلم من الفشيله:( قالت اسكتي........ البارح صارلي موقف جعله مايمر عليك خير خير وش صار<<<هذي انا اسالها لقافه قالت البارح واناادرس حسيت بالجوع............ وزوجي كعادته يخرج من البيت ليهيئ لي الجو المناسب للمذاكره<< اتصلت عليه وقلت له جوووووووووووعانه وياليت تجيب لي عشاء معاك قال بس ان بغيييتي جبت المطعم واهله قلت لاتسلم لي يكفيني العشاء بس:) مرت ساعه ساعتين .>>>>>>>وانا اعتصر جوعا . . . . . سمعت باب الشقه يفتح وقلت جاء الفرج . . . . . . ودخل علي ليس بيده كيس لامحمول ولامعلوق<<<<من الصدمه صار معلوق:confused: ماجبت عشاء وانا انتظرك من اليوم اصلا هذا انت مافيك خير ولاتحبني ومن شفتك ماشفت الخير<<<نسيت الفسح والسفرات ولو هي احدى خواتك كان جبت لها وانت تركض او ربعك كاان احلى الاصناف كل هذا وهو متسمر في مكانه ويطالعني:eek: <<<زوجها بارد والا كان علوم:eek: ياليتني تزوجت ولد عمي مدلع زوجته وشايلها على كفوف الراحه ((لاتلومونها امتحانات وبطنها يقرقر ))) المهم امطرته بوابل من الرصاص ذكرت اشياء من ايام الخطبه ثم استدار ناحية باب الشقه وظنيت انه بيرجع لااستراحته قلت احسن ارجع لهم (((لم ارى منك خيرا قط))) ثم احضر كيسا من المجلس ياترى هل هو العشاء , ,, , , , , , . نعم العشاء خباءه يبي يسويلها مفاجاءه ياليتنا بلاها مفاجاءه تقول رمى الكيس علي ودخل ينام ولم ينطق بكلمه واحده . . . . . وتمنيت لو معاي البخاخ اللي في افلام الكرتون اللي يخفيني 3 ايام الى ان ينسى والصباح لبست عباتي قبل يشوفني مستحيه احط عيني بعينه اكيد بتسالون عن العشاء تقول من الجوع حاولت ابلع لقمه ماقدرت واخفيته ,,,, المهم انهن ((يكفرن العشير))كما قال عليه السلام ياترى فيه رجال يكفرون عشيراتهم ؟؟؟؟؟ انا اشوف كثير والا وش رايكم:) |
بسم الله والحمدلله والصلاة والسلام على رسول الله سامحها الله رفيقتك يا اختي ليش تستعجل راكضة على رزقها وما خلت بالرجال شي منيح هههههههه:) ولكن من الجيد ان الزوج اعطاها العشاء ودخل نام والا واحد غيرو كان عمل العمايل هههههه:mad: الله المستعان على حالنا والهمنا الصبر يا رب في كل لحظة امام الزوج تحيتي لك اختي |
بصراحة حشى صديقتك هذه قنبلة؟؟
الظاهر فعلاً الجوع كافر بس والله كسر خاطري زوجها الظاهر جدا مسالم علشان كذا تجرأت عليه وألا لو غيره كان ما لقت نفسها إلا عند أهلها وبصراحة مايتلام والله قصتك نرفزتني وش هذه المرأة ؟؟؟؟؟؟؟ الله يعينه. |
:mad: :mad: :mad: والله نرفزتني هالقصة ..
تعطي الرجال فرصة يتكلم ليه ما جاب الأكل .. مش يمكن المطعم كان مقفول :mad: :rolleyes: الله يعينه .. ان شاء الله اخذت درس من الموقف |
دبدوبه امتعتينا بالقصه ولو ان صحبتها كانت رف شوي
اانا بصراحه لو طلبت شئ من زوجي ودخل يد وراء ويد قدام اول شئ اخرج افتش برا باب الشقه ومرات اطلع افتش السطح ولو ما لقيت المطلوب مين يمسكني وخاصة لو قلي نسيت :d |
سبحان الله نفس الموقف حصل لي طلبت من زوجي (حاجه ضروريه) المهم الرجال دخل ورحت أركض ويوم ماشفت الكيس معه على طول تداركت الموقف وقلت : هلا حبيبي مو كائنك تأخرت شوي اشتقت لك بالحيل .. :) ودخل وهو مبسوط وجلس وحطيت له العشاء وبغد ماخلص .. :D قلت : أكيد ناسي الأغراض بالسياره .. فجاءه ناظرني باندهاش وقال : يييييييييييييييييو معليش ياعمري والله نسيت أمر السوبر ماركت .. :eek: قلت له عادي وعلى طول صاروخ على غرفة النوم وقلبتها منا حه ..http://vb.66n.com/images/icons/cry3.gif المهم نقز الرجال وراح جاب لي الأغراض الساعه 1 بالليل وهوأنواع الترضي وأنا أنواع الصياح .. لين مارضيت .. :) :rolleyes: |
قصــــــــــة ممتعة ..وصحيح الـــــــــــــــــــــــــجوع كافر..
وعلينا أن نحذر من الكلمات التي تخرج منا في وقت الغضب كي لانندم بعد فوات الأوان.. جزاك الله خير .. |
والله يا اختي دبدوبه ...هذا يصير معانا احنا الحريم كثير ...... بس عاد مو لدرجة تقول ياليتني تزوجت ولد عمي :mad: هذي حاله من الدرجه الثالثه ....:) الله يصلحها ... نستفيد كثير من يوميتك ....ان الوحده منا لازم تتريث وتهدأ وما تتسرع ابدا .... وتحاول تحكم الفاظها مع زوجها ابو عيالها مهما كان واصل حد غضبها .... وسبحان الله كفر العشير في الحريم حقيقه .... مهما حاولنا نثبت العكس .... واهم شي نراقب انفسنا دائما ...عشان مانوقع في كفر العشير .... شكرا دبدوبه |
....
قصتك يادبدوبة فتذكرني بزوجي لما أطلب منه شي ويجيبه يخبيه في المجلس ويتظاهر أنه نسيه وأعمل أنا أنه ولا على بالي وعادي جدا ........بعدين يطلعه مفاجأة لي وأنا عارفة بس ماأحب أحرق له المفاجأة ......... بس بصراحة زميلتك هذه كأنها قنبلة الله يكفيها شر نفسها ....... محبتكم .... بنت طيبة الطيبة .... |
فعلا قصة معبره
عموما الرجل اوسع صدر من المراة في مثل هذه الحالات |
| الساعة الآن 10:34 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©