|
تمر السنين وانا مكاني
السلام عليكم ورحمة الله وبركاته
اااه مقدر اوصفلكم شعوري يا بنات عندي صديقه اعرفها من الدراسه بنت مالها شخصيه ابد مره كنت جالسه انا وياها وشكتلي وضعها في بيت اهلها وانها نفسها تتزوج وسبحان الله بعدها ب 3 شهور انخطبت لرجل ما شاء الله تبارك الله وزوجها بعد كم يوم انا ابغى اروح لكن مقهوره مره مقدر اقاوم شعور القهر ولما اشوف الزفه ممكن انهار من قهري نحمدالله على كل حال انا ادعي ربي دايم انتي اتزوج لكن من حقي انخطب زي البنات تمر السنين ولا يطرق بابنا احد رغم صفاتي الجيده وشكلي المقبول والله وعدت نفسي ما اروح مناسبه لان لا فائده من ذالك ابوي الله يسامحه ما خلى ولا بقى الا وراح يخبر الناس اني بتزوج قريب لي وهذا قريبي زواجه قرب وانا مكاني واشوف الشماته بعيونه احاول انسى لكن ما اقدر كل يوم نسمع زواج فلانه وعلانه وفلانه انخطبت يا ناس ابغى يكون لي عيال حولي اسمع كلمة ماما ماهو كثير علي انا بس ابغى افضفض والي علي امام ربي اعرفه لكن مقدر اقاوم قهري لما اروح اي زواج ولا ابغى اكون حسوده ابد ابوي دايم يشمت فيني ان مافي مخلوق جاء عنده يطلبني وهو سبب هذا كله افففففففففففف |
اختي الفاضلة / ام مزنة تيقني انك ستنالين نصيبك طال الزمان ام قصر وعليك ان تناجين ربك قدر ماأستطعتي ولكي مني الدعاء الصادق اللهم يالله ياحي ياقيوم يامالك الملك اسألك بكل اسم هولك سميت به نفسك او انزلته في كتابك او علمته احداً من خلقك او استأثرت به عندك في علم الغيب ان تستر اختنا ام مزنة بالزوج الصالح الذي ترضي عنه يالله انك القادر علي ذلك والمعين عليه آمــــــــــــــــــــــــين يارب العالمين ختاماً اهديك هذا الرابط http://vb.66n.com/showthread.php?t=42331 حياك المولى |
لا يا ام مزنة
خل قلبك كبييييييييييييييييييييييييييييييير اولا ما يصيبك الا نصيبك وانت ازين من غيرك ازين من ال تطلقت او ترملت ولها 5 عيال مثلا او انها تتصبح بكف وبالظهر اهانة وبالعصر اساءة وتتمسى بتكفيخ احمدي الله على نعمة الاسلام والستر خل قلبك يتمنى الخير والسعادة لكل من حولك وتأكدي ان ربك رحيم بك وباذن الله يكتب لك الخير لكن الحين اشغلين وقتك بالقراءة وصلة الرحم والدعاء وخلك راضية عن ربك وعن حكمه وقدره وكل شيء بحكمة سلام |
اللهم ارزق كل بنت زوجا صالحا تقر به عينها وهيء لكل شاب زوجة صالحة تقر بها عينه |
أسأل الله العلي القدير أن يرزقك زوجا صالحا يعينك على طاعة الله ..
ولاتحزني أختي الكريمه فهذا الذي أختاره الله لك حتى اللحظة ,, افتجزعين من قدر الله ؟؟ أفلا ترضين بما أختاره الله لك ؟؟!! عليك بالدعاء ثم الصبر فجزاء الصبر عظيم عظيم لايعلمه الا الله أتمنى لك حياة سعيدة وأن نسمع أخباراً مفرحة عنك تحياتي الخالصة لك وفقك الله |
أختي الله كتب لك رزق وان شاء الله بتاخذينه بس انتي ادعي ربي يعجل برزقك
واذا ما جاء الزوج المناسب بتموتين يعني يا اختي كل واحد بدنيا ياخذ نصيبه الي الله كتبه له واذا شفتي حد اعرس ادعي له بتوفيق مو يطق لك عرق وتنقهرين وبعدين اشغلي نفسك بشيء يفيدك اسئل الله الكريم العاطي الرزاق انه يرزقك الزوج الصالح عاجل غير اجل |
أسأل الله العلي القدير أن يرزقك زوجا صالحا يعينك على طاعة الله -اللهم آمين
اختي الفاضلة اكثري من الاستغفار واستعيذي بالله من الشيطان فهذه وسوسه من الشيطان وهذا قدرك وعليكي بالصبر وفقك الله |
اشكركم من قلبي على مواساتكم لي وبحاول اكف جماح قهري
وعن اني اشغل وقتي كلمة اشغل وقتك بسيطه وسهله احد يقولها لكن ان الواحد يطبقها في اوضاعي صعبه وانا الي حد ما اشغل نفسي |
يارب يالغاليه يرزقك قريب وصدقيني الله ما ينسي احد عليك بالدعاء والله يارب يرزقك بالذريه الصالحه 3 بنات و3 اولاد دكاتره ومهندسين ومحامين يارب يارب ايارب
يا حياتي خلي امانك بالله قوي وادعي بالزوج الصالح |
ام مزنة
هناك قول مأثور ( لو اطلعتم على الغيب لرضيتم الواقع ) من يدري ربما انك تعيشين في جنة وانتي لاتدرين 0 قد تحلمين بالجحيم وانت لاتدرين ، لعل في انتظارك خيرة وخير يسره الله لك فلا تستعجلي واحمدى الله كثيرا وأحسني الظن بالله فهو أرحم الراحمين وفقك الله 0 أخوك / الكبير |
| الساعة الآن 03:56 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©