..


في الفتره الماضيه كانت عندي أمتحانات الكليه فتركت البيت ورحت عند أهلي للأستعداد للمذاكره والأمتحان :(

فكرت بفكره خطيره ... كيف أجنن زوجي وانا ماني موجوده عنده ؟ وجت بالي الفكره الخطيره هاذي .. :D

احضرت دفتر ورق أبيض وسويت منه 100 قصاصة من الورق .. كل ورقه كتبت فيها عباره وحطيتها في

مكان معبن .. واليكم الامثله ..

في غرفة النوم وزعت خمس قصاصات ..

الأولى : في دولاب الملابس وكتبت فيها .. ( حياتي ألبس زين عن البرد )
الثانيه: في علبة الأمشاط على التسريحه وكتبت فيها ..(لوسمحت كل واحد يستخدم مشطه الخاص)
الثالثه : تحت المخده وكتبت فيها : ( ممنوع تحلم بغيري )
الرابعه : تحت علبة العطر وكتبت فيها : (يعجبني عطرك لأنه مثلك في الجاذبيه )
الخامسه : ورقة ملاحظات علقتها على المرايا وكتبن فيها (من كثر ما أحبك أبطلع لك في كل مكان جرب وبتشوف بنفسك بس أنتبه تطيح بيدك القائمه السوداء لأنك مطالب بتنفيذ كل شي مكتوب فيها )

وباقي القصاصات وزعتها في كل مكان يخطر على بالكم وبعضها تحتوي على كلمات رومانسيه
وبعضها تعليقات مضحكه وبعضها تعليمات ونصائح .. :eek:

أما القائمه السوداء جبت ورقه كبيره وكتبت فيها بعض المسؤليات اللي تأخر زوجي بتنفيذها ةكتبت بقلم خطاط أسود كبير .
وحطيتها في شنطة أوراقه الخاصه لأني عارفه أنه مايستغني عن الحوسه بهالشنطه .. :d

وصار زوجي طوال فترة الأمتحانات يدق علي وانا عند أهلي يوميا ويضحك بعد كل مايكتشف ورقه
حتى طاحت بيده القائمه السوداء وفعلا نفذ كل المكتوب فيها وقال لي (الله يستر من القائمه الجايه )
وبعض الوراق ما أكتشفها الا بعد مارجعت عنده وطلعتها له بنفسي ..
والفكره بسيطه وحلوه بس تحتاج تشغيل مخ وخلونا نشوف أفكاركم ..

والله الله بالردود وتعليقاتكم الحلوه على الموضوع ..
أختكم .. هانديا ..