ليش ..ليش ..ليش ...؟؟؟؟؟؟؟؟؟
 

عندي سؤال

ليش دايما الكل يوصي المرأه المتزوجه او المقبله على الزواج

بأن تراعي زوجها وتهتم به ولا تزعل امامه ولا تضايقه بصراخ اطفاله

وان لا تظهر امامه الا جميله ونظيفه ومرتبه ولابسه احلى لبس

وان تتحنى وتتزين وتتطيب


وان تكتم كل ما يمكن ان يضايقه ولا تناديه الا بحبيبي



طيب كل هذا عرفناه وبنحاول نسويه .... لكن ليش ما تكون المرأه على طبيعتها بدون تكلف

يعني لما يكون مزاجها رايق وخاطرها تلبس وتسوي اللي تبغيه اوكي لكن مب لازم كل يوم وعلى طول مايصير :(

لو يشوفها وهي تعبانه في المطبخ وريحتها كلها طبيخ عشان يحس بتعبها ويساعدها في غسل الاطباق على الاقل :cool:


لو يراها وهي متضايقه ومتنكده علشان يطيب خاطرها ويراضيها بكلمه حلوه او يحفف عنها


شو ممكن يصير يعني ؟؟؟


ليش لازم تعامل الزوج وكأنه ملاك تشيله على كفوف الراحه من اول ما يدخل البيت :mad:

ليش يعني هي مب انسانه من دم ولحم واعصاب تزعل وتتضايق مثل الناس والا لازم تكتم ضيقها في قلبها وترسم ابتسامه رائعه وتلبس ثوب كله اغراء وتتعطر وتقابل زوجها ولا كأنها كانت قبل شويه تعبانه وهلكانه في المطبخ ومذاكرة العيال وتنظيف البيت لا ولازم بعد .... تتفاعل وياه في السرير وترضيه وتثني على اداءه الرائع وتشكر ه على وجوده معها !!!!!!!!!

ليش يعني :eek: ؟؟؟

انا معك اختي الكريمه في كل كلمه ذكرتيها وليش ليش ليش

لان الزوجه هى الى على اساسها راح ينجح او يفشل البيت

شكرا الغاليه مها الكويت

لانك ضميتي صوتك لصوتي

خلينا نصرخ بصوت عالي


ليييييييييييييييييييييش ؟؟؟

يمكن يسمعون !

لا مب الزوجه لوحدها :o

الزوجه والزوج معا يكملان بعضهما ويضعان اساس ناجح للبيت

او يفشلان مع بعض


ما يصير نقول بسبب الزوجه فشل الزواج :(

الاخ omax شكرااااااااااااا لك لانك قلت





ليس هناك مانع أحياناً من أن تعبر الزوجة عن تضايقها أو امتعاضها


يعني ............ تكون على طبيعتها وحسب مزاجها :p

ليش ليش ليش ؟
تسوى كل هذا لانها مجاهدة فى منزلها
ورضاه سبب دخولها الجنة
ابعد هذا الاجر تقولون ليش ؟

نعم ليش