|
مدري كل المتزجات مثلي ولا بس انا...!!
سلام عليكم
والله مدري من وين ابتدي بس ............. عندي مشكله .. وعندي سؤال .. انا متزوجه من مدة 7 شهور .. اول زواجنا شحلاتنا مثل الكناري وبعد شهرين بدت المشاكل والله هالمشاكل مالها داعي صراحه احياناَ اقول لأن تونا متزوجين مابعد نفهم بعضنا بعض كل واحد من بيئه والتربيه تختلف .. اعطيكم مثال .. مره انا عند أهلي جمعت بنات وكشته وهيصه .. وفي نفس المنطقه اللي فيها أهلي بيت خالتي .. قالوا البنات بيروحون هناك انا رحت معهم وسلام اتصل بعلي المبجل سلام وعليكم السلام كيفك بخير الحمدالله قالي وين امي ( كانت امه في بيت اهلي ) قلت له امك في بيت اهلي وانا بيت خالتي وماسمعت الا صرااااااااااااخ وفزعه خفت افكر صار شي .. اثري انا رحت ولا خذت أذن منه .. طيب ليه يكبر السالفه شدعوه وين رحت انا ؟؟ كلها بيت خالتي موبيت احد غريب طيب تأسفت منه حبيت راسه وقلت له وعد مني اني ما اكررها ووووووو ألخ هذي شي من لاشيئ :( تعبت وانا اتناقش معاه ماله داعي الصراخ الجيران يسمعونا بس اهو الله يهداه مايعرف الا يتسرع من كثر ما ابكي صار عنده شي عااااااااااادي ودايماَ هوشااااااات وزعل يعني كل يومين ثلاثه الا صار شي بينا قلت حق صديقتي قالت شي عادي حمدي ربك زوجك كذا احسن من زوجي المهم ما اطول عليكم بس عن جد انا ملانه من الخلافات الراي وكل واحد منه وجة نظر تختلف آآآآآه ياقلبي اتمنى انكم تردون عليبسرعه وتفهموني ليه كذا حياة الزوجيه |
وعليكم الســلام ورحمــة اللـه وبركـاتــه ،،
فطومه اولاً الف مبــروك ،، والله يسعدك يارب ،، شوفي حبييبتي ،، اسمحي لي سأكون صريحه معك سالفة بيت خالتك اخطأتِ فيها ،، لأنك لم تخبريه ،، وهذاالشئ يقلل من قيمته واحترامه (نظرية بعض الأزواج) ،، ومثل ماقالت صاحبتك ،، احمدي ربك فيه ناس ادهى وامر ،، صدقيني ،، مايمر ساعه الأ وهو مزعلها (واحياناً بدون سبب) ،، ولا يعرف شئ اسمه اعتذار ،، لكن اهم شئ في الحياة ازوجيه ،، الحب ،، والأحترام ،، فهل زوجك يحترمك ،، ويؤدي حقوقك ،، (وترى الصراخ والهواش في كل بيت) وانتِ ابحثِ عن اسباب غضبه ،، وتجنبيها يمكن تكون بسيطه بالنسبه لكِ واخيراً ،، انا اتوقع سبب هذه المشاكل ،، مثل ماقلتي لأنكم حديثي الزواج ،، وكل منكم تربى بطريقه مختلفه عن الآخر ،، ومصيركم تطبعون وتتكيفون مع بعض ،، وتعرفون اللي لكم واللي عليكم والله يوفقكم تحيــاتي وتقـــديري |
ياهلااااا وغلااااااا بفطومة نورتي المنتدى
وترى كل اللى يصير عاااااااادي وبهذه المشاكل بتحددون مسار حياتكم في المستقبل (يعني بالعربي بتأدبينه وبيأدبك وكل واحد بيعلم الثاني وش يحب وش مايحب) ولاتخافين بيجي يوم تتمنون زعل وماتلاقون. الله يوفقكم ويسعدكم |
اسمعى نصيحتى اشبعى غروره تحطينة بجيبك
خلية الكل بالكل الكلمة كلمتة والراى راية لا تقولين لا حتى لو بتقولين قولى ايوة وبعدين لفى يمين ويسار ودخلى الشى اللى تبينة اهم شى غرورة اشبعية اهم شى وربى نصيحة من ذهب انزيليلة كثير ومع الوقت راح تكونين انتى اللى تتحكمين بحدود طبعا بس راح تمتتصى فكرته حقت السيطرة |
عزيزتي
زوجك لم يفعل ما فعل الا من باب غيرته عليك لذلك ما راح تخسري شيء اذا قلتي له يازوجي الحبيب : بعد اذنك اروح المشوار الفلاني اذا وافق كان بها واذا رفض ما لك الا الامر الواقع لان مصلحتك مع زوجك وما راح ينفعك غير زوجك ان شاء الله اكون بينت لك الصوره اختي اخوك استفسار |
حبيبتي انا عندي مشكلة مع خطيبي بس أحنا مالكين، صار له ثلاثة شهور ما يتصل بكي ولا يريد يشوفني ولايكلمني ، وأنا مااعرف شنو أسوي مشكلتج بسيطة
|
التفاهم اولا
عليك أن تعرفي ما يحب زوجك و ما يكره و في حدود ما يرضي الله و من حق زوجك عليك و من ثم من أمر الله أن تستأدنيه لا يخلو بيت من المشاكل، و الحوار و باب النقاش بين أي اثنين هو أنجع طريقة لحل أي مشكلة هذا رايي و الله يقدملكم الخير |
السلام ...
شرعاً أنت غلطانة في الخروج ... كيفية التعامل معك وعلاج المشكلة هذي المهمة أن تكون في إطار نصح وخوف وغيرة .. وصدقيني هذا علامة حب وغيرة .... لك , ويمكن بيت خالتك فيه شباب كبار ... وطبيعي إنه يزعل . أخوك في الله : معروك |
حبيبتي فطومه المر اللى حصلتك ترا عادي أغلب الرجال كدا أنا متزوجه من كام سنه وعندي اطفال زوجي يحب اخبره فين رايحه وفين جيت المسأله موقلة ثقه بس يحب إني أعمل له قيمه وإعتبار .. وأنا متقبله هالشئ عادي بصدر رحب والله يوفقك |
اهلين عزيزتي
وأنا كمان بصير صريحه معا أنتي غلطانه يوم تروحين وماتاخذي اذنه اصلا هالشيء غير جائز شرعا يعني لازم تستأذنيه اذا حبيتي تطلعين مهما كان المشوار بسيط لأنك اذا مااستاذنتيه راح يحس انه (مثل الأطرش في الزفه) ويحس انه ماله قيمه ومن حقه يزعل وبالنسبه للمشاكل هالشيء على مااعتقد طبيعي انا معاي بنت الحين وللحين فيه مشاكل بس كل مالها وتتقلص يعني بداية زواجنا كان اسبوعيا والحين بدأ يخف الله يوفقك |
| الساعة الآن 07:55 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©