|
وش شعورررك لو ؟؟
ما ادري هل المفروووض اوجه موضوعي للازواج او للزوجات؟؟
لكن ابي اي عضو يدخل يقول رايه وبصراحه.. لو خنت زوجتك ايها الزوج .. وكلمت غيرها واكتشفت هالشي بالصدفه وبعد ما تأكدت ومن غير مشاكل لبست عباتها واتصلت فيك قالت تعال ودني بيت اهلي من دون ما تفتح معك اي موضوع.. وبعد ما وصلت لبيت اهلها استغربوا زيارتها مسكت نفسها وصرفت الموضوع باي شكل .. وبعد ما اختلت بنفسها وفجرت براكين حزنها .. وهدت على نفسها شوي واستغفرت ربها .. ثم ارسلتلك رساله تسألك ليه الخيانه؟؟ وقمتواعتذرت وقطعت الحلوف والوعووود انك تتوب .. ورجعت وقالتلك بنفسها انها مستعده تنسى كل شي وتبدأ معك صفحه جديده...وبعد فتره رجعت وخنتها وهالمره خيانه غيييير.. وهالمره الجرح غيييير.. والقهر غييييير.. عرفت انك طلعت مع حبيبتك وسمعت كلامك لها ورجاءك لها ان ليلة هالحب تنعاد لانك ما قدرت تنسى همساتها ولا تنسى لمساتها .. وطعم الشهد بشفايفها.. ولا تدري اهي وش صار بعد بينكم.. وهالمره واجهتك وزعلت وبكت وبكتتتتت بدل الدمووع دم.. وش تبي اكثر وليه هذا كله .. مع انها تحبك وتموت بترابك وتنفذلك كل طلباتك .. ليه ليييييييه .. وهالمره راحت وقالت انها ماراح ترجع لان الجرح عمييييييييييق لان الغلطه اكبر! وبعد فتره عند اهلها وبعد ما حاول اهلك يصلحون بينكم .. وبعد تدخل اخوانها الملتزمين (حتى بدون ما يعرفون صلب الموضوع).. وبعد اعتذاراتك ومرضك بعدها .. رجعت مستغفره ربها .. رجعت وعاهدتها هالمره تكون الاخيره لانك ما تقدر تستغني عنها وعن حنانها وحبها.. رجعت بقلب صافي رجعت تقوووول خلااااص انسى كل مافات ورجعت تضمك بحنانها السابق واكثر.. بعد هذا اخواني بسألكم لو كانت هذي زوجتك.. وش بيكون شعورك تجاهها ؟ هل تقدر اللي سوته والا بتعتبره ضعف منها؟ وانت اكثر واحد عارف وش كثر اهي محافظه وتخاف ربها . وترضيك لرضى ربها. هل تعيد الخيانه لانك عارف انها بتسامحك .. وتتوقع انها خايفه وانها مهما سويت ما بيدها شي ؟ ارجوكم تجاوبون بصراحه.. ..بانتظار ردودكم.. |
اكيد شعور الخيانه صعب ومو اي حد يقدر يتحمله وهذي الحرمة يوم تحملته وقدرت تضغط على عمرها وعلى اعصابها انها حرمة عاقلة وقوية وتعرف ربها عدل
والمفروض الريال انه يقدر هالشي ويحطها فوق راسه خاصة انها ما فضحته بين الناس بالعكس كانت تداري عليه حتى وهي زعلانه وفي اشد الحالات هذا رايي واترك الراي الاخير للاخوان |
بالعكس مثل هالحرمه تستحق كل حب وحترام ووفاء مفروض الرجل يبوس ريولها كل يوم
لأنه سامحته بعد هذا كله كثير من الحريم يطلبون الطلاق او حتى لو رجعو يتغيرون على ازواجهم والعلاقه خلاص تصير ضعيفه والحياه تكون شبه مستحيله بينهم ....... ورد على سؤالج كيف الريال يفكر عقب بالحرمه كيف تكون نظرته لها انها ضعيفه وماشابه هذا يعتمد على الريال نفسه اذا هو اصله ومعدنه طيب وحس بغلطته وندمان عليها طبعا بيراعي الشئ هذا بحرمته بيراعي انه جرحها ومع ذلك هي تحملت هالجرح هذا ونسيته او تناسته عشانه وعشانها تحبه وماتريد انها تبتعد عنه واذا كان الريال يعني لئيم طبعا بيشوف هذا ضعف منها وبيتمادى بالخيانه ....... |
بصراحة...
هذه زوجه صبرها من حديد .. تحملت ما لا تتحمله أي زوجه بسهوله فلو كان احد غيرها ... الله العالم ماذا حدث وماذا صار !!! انسانه رائعه مسكت اعصابها وهمها وكل ما بداخلها حتى لا تخرب بيتها والواجب على زوجها ان يحترمها ويحملها على راسه بما عملت له لا ان يجازيها شرا ويطعنها بكل مرة طعنه اقوى من التي قبلها ولو وعدها بالاستقامة ثم عاد ... فهو لا يستحي !!! والزوجه بعد كل هذا الصبر والتضحيات التي قدمتها لزوجها لو استمر على حالته الذميمة بخيانته لها .... لا بد ان تغير من تصرفها معه بالمرات ا لقادمة فلكل انسان حدود للصبر ,, ولكل مخطئ حد بالسكوت عنه إذا تجاوزه وبالغ في تعديه ...... لا بد ان نوقفه عند حده الله يكون بعون هذه الزوجه الرائعه ويعوضها كل خير بالدنيا والآخرة ***** http://nightwolf1980.jeeran.com/Love_U_4ever.JPG والخوفُ يملأ غربتي ,, والحزنُ دائي أرجو الثباتَ وإنهُ قسماً دوائي والربَ أدعو مُخلصاً .. أنتَ رجائي أبغي إلهي جنة ً , فيها هنائي . |
لو انا بصبر وبسكت دام عندى اطفال بس بقله مالللللللللك مكان بقلبى ولا بحياتى وبعامله كا الغريب بمعنى الكلمه وبوريه الويل بسكوتى وقله احترامى له انا اسفه بس صدق ما يسشتاهل الاحترام هذا لوانه ماكان ينقصه شى فينى
بس لو كان العيب منى بحاول اغير من نفسى للاحسن واسكت لعل الله يهديه ومهما كان علاقتنا ما بتكون مثل اول حتى الغيره بتقل واسفه لكن هذا انا وهذا تصرفى ورائى |
أختي /محبة زوجها....
حياك الله ،،وبما أنك تطلبين آراءا شخصية فسأكتب دون خوف حتى لولم أصب.... لوكنت مكان صاحبة الحدث واكتويت بنارالخيانة لن ولن ولن أغفر لزوجي فعلته الا.....ان كنت لاأحبه أي وجوده عادي ،،أوكنت أحبه ولكني قدحرمته ،،أما ماعداهما فلن يتحمل قلبي المحب بجنون أي خيانة ولوبالكلام وهل سيعيش المحب بعدذلك وحبه يتقد!!!!! هـــــــمس الورد |
هذي الزوجة تحتاج الى تصرف حكيم اكثر من كذا عشان تصلح زوجها لوجه الله
اولا الزوج مؤكد انه كان صادق في قطع العلاقة المحرمة لكن يحتاج لضبط النفس لارادة قوية ونابعة من قلبه وليس من الظروف لازم يحس بتأنيب الضمير لأنه يقوم بعمل محرم شرعا وليس لأمر أخر نصيحة للزوجة وفري له الجو الديني قدر استطاعتك وبالتدريج مو فجأة كذلك احرصي على معرفة ايش اللي ناقصك في نظره عشان تعوضينه وباسلوب غير مباشر وعندي فكرة ان شاء الله تنفع الزوجة تراسل زوجها بالنت(منتدى او مسنجر) مثلا على انها امراة الزوج اتعرف عليها بالنت ولا تزعلين اتعرفي عليه وعلى شخصيته اللي ما تظهر قدامك الله يوفقك ويهديه جميعا ان شاء الله |
أنا هنا بتكلم بصراحه اذا كانت عندي مثل هالزوجه ,, وصار معاي نفس الموقف ,,, راح اعتبر ان الشي اللي خلاها تجي او ترجع معناته انها ضعيف واني راح احاول في المره الثانيه انها ماتكشفني ,, بس ياريت ان المرأه هاذي تعرف تتعامل زين مع هاذا الموقف بأن تحاول تخليه في دائره من الشك يعني تغير تصرفاتها معاه وتحاول تقول له كلام ماسمعه من قبل ,,, القصد تخليه في دوامه مالها نهايه ,,, عشان بعدين راح يرجع لها وكله ندم لانه مو مرتاح مثل الاول وانه حاس ان في شي غير حياتهم ,, يعني خليه اهو يلحقك مو انتي ,,, متى ماحس الزوج ان الزوجه ضعيفه اكيد راح يلعب فيها ,,, وهذا هو رايي |
بصراحة هذي زوجة من عالم ىخر..
ربما يختلف تصوري عن تصور غيري.. بس من اول خيانة... راح اطلع.. ليه الخيانة اصلا.. ليه.. يااخي اذا ما ني كافيتك ومالية عينك تزوج بالحلال ...وقل لي بشكل مباشر ونناقش الاخطاء واللي نقدر نصلحه نصحه ونتفق على اللي ما نقدر..بس كذا من وراي... اشك في مسالة مرضه..يعني لو مرة ..يمكن....بس يخون مرة ثانية..!!! ويقول اني مرضت وو الخ..ماادري تختلف الظروق ويمكن احنا لو كنا مكانها صار تصرف ثاني.. بس مان مصدقته ابد ابد.. فضلا على اني احتقر وبكل كلمة احتقرمن ازدراء احتقر الرجل الذي يمتع نفسه بطريق غير شرعي..خصوصا مع هالقاذورات البشرية من النساء.. احس انه انسان ما احترم خلقة ربي له...ومع وحدة يمكن عاشرت الف مليون...غيري.. شرعا العقوبة فيها رجم...تعرفوا يعني ايه رجم..يعني اعدام... من كبرها وجرمها... الله لا يبتلينا يارب...وعنده زوجه ما ادري نفسي ما راح تتقبله ابدا.. ولا احس اني ممكن اضحي له او اقدر اتحما اي عيوب اومشاكل راح تصير بعد \كذا.. |
بصراحه موقف اكثر من صعب وكلمة صعب كمان ما توصفه
وماشالله يا قوة ذي الزوجه اللي سامحة مرة واثنين ويمكن عندها تسامح للابد بالنسبه للزوج الخيانه بدمه لانو لو ما يخون ما سواها من البدايه بالنسبه ليا بصراحه ما اتحمل ابدا زي ذي المواقف والله لا يبتلينا اختكم ,,, شووووووق |
| الساعة الآن 01:16 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©