أرجوكم محتاجه رد في أقرب وقت
 

السلام عليكم
أخوي بيملك قريب إن شاء الله عند ناس مابيننا معرفه من قبل وعاداتهم تختلف عن عاداتنا
فحبيت أسئل عن بعض هذي العادات
1- العربيه هذي إللي يسمونها عربية الملكه أيش ينحط فيها ومن يقدمها وكيف تتقدم وهل صحيح يكون المهر فيها , وبيسير ينحط فيها هدايا العريس وأهله؟
2- شنطة العروس أيش محتوياته وكيف تتقدم ؟
3- علب الملكه أوهدايا الملكه أو علب الأفراح من المسئول عن إحضارها أهل العروس أم المعرس ؟
وممكن تفيدوني بطريقه حلوه لتقديم الهديه للعروس بما أني أخت العريس والهديه عباره عن قطعة ذهب .
أرجوكم أفيدوني بأقرب وقت الله يجعلها في ميزان حسناتكم ويرفع بها درجاتكم ولكم دعوه خاصه في وقت إجابه بإذن الله .

صندوق ينحط فيه المهر وبعض العطور ودهن العود ويتزين بورد طبيعي أو ورد مجفف... وينحط معه قرآن...

مع شنطه فيها بعض الملابس للعروس مع مكياج وعطرين أو ثلاثه وملابس داخليه...

وصورة العريس وقماش اللي يتخيط كملابس سهره (يعني من النوع الغالي شويه)

ويمكن الإستغناء عن هذي الشنطه بإعطاء العروس مبلغ من المال...

يعني تقريبا خمس آلاف ريال...

هذا بالنسبه لعاداتنا فلا أعلم عن عادات المناطق الأخرى..

شكرا لك أخي وسام لكن من وين نشتري هذا الصندوق و كيف نقدمه مع الشنطه وبالنسبه للسؤال الثالث تقدر تجاوبني عليه
الله ييسر أمرك وجزاك الله خيرا .

والله صراحه من أين تشتريه الناس لا أعلم.

سوف أسئل زوجي وأرد عليكي متى كانت عندي الإجابه...

وبالنسبه للسؤال الثالث طبعا أهل العريس هم السمؤولون عن هذا الشيء.

أتمنى اني أفدتك..

شكرا لك أختي الغاليه وآسفه فهمت الإسم غلط وتسلمي ياعيوني غلبتك معايا لكن أفدتيني جزاك الله خير وإذا عندك إضافات
أو أفكار وحركات جديده فاحتسبي الأجر وأفزعيلي .

اختي طيف الاحبه لو كنتي من جده في محلات كثير منها البابطين في الصحيفه والغامدي في التحليه ومحلات العود تلقي عندها ذي الصناديق والعربيات سواء كنتي في الرياض او القصيم او اي بلد واتمنى اني افدتك

شكرالك يالبازار على هذي الإفاده ومحل الغامدي هذا هو نفسه محل سعد الغامدي في مكه لأني رحته وعجبتني عربياتهم