|
عزيز1 يشتكي
السلام عليكم
هذي اول مره احوس واحاول اشتكي بدون مقدمات .... انا من فتره صار خلاف بيني وبين زوجي عادي بس من شي ماله داعي كبر الموضوع وصار قضيه انا تفاجئت قلت ما صار شي يستاهل الحاصل اثناء الهوشه كشر عن انيابه (وقال كلام فضيع ..انا ما احبك انا اكرهك ..من قلبي اقولها لك انتي كلك على بعضك ما تعجبيني لا فكرك لا كلامك لاشكلك ....) انا هنا سكت قلت ايش هذا...هو يكمل في الكلام الجرح وانا ساكته بس افكر؟؟ شكله واحد يتللكك..ما صدق انا تهاوشنا وجاب الاولي والتالي كنا في الطريق راجعين من الامارات الطريق طويل . :29: . تميت فتره ساكته ..ولما هدى وطلع الي في قلبه كله التفت علي وقال وشفيك ساكته ردت عليه هالون الناس تتهاوش ؟وانا كل ما تهاوشت مع غيري بسب والعن فيه ؟ الي اعرفه العالم تزعل مع بعض بس بدون تجريح انا ماهمني زعله صراحه ..بس وشلون عبر عن زعله ؟؟ وصلنا البيت واول ما دخلنا بسرعه رحت وروقت عمري ونومت اولادي وجهزت غرفتي بعد سفر ونمنا لما جى الفجر قومته لصلاه ..وفطرنا ..وجلس يسولف عادي ما كنه لعب في حسبتي طول الطريق .. من الحره الي فيني ما عرفت افطر بس اسولف عادي ابي اشوف ايش اخرتها بعدها باسبوعين سافرنا مره ثانيه ... وفي الرجعه تهاوشنا نفس الموال ونفس القلق الي صار قلت هنا وبس (طبعا طلع حرته ولما سكت جى دوري .. سالته انتى متحسف انك سفرتنا ..متندم ..والا هذي هديه الرجعه ؟؟طبعا زعل وكان يبي يكمل اليوم كله زعل (قلت له والله ما اخليك انتى تنام عادي وانا الملايكه تلعن فيني ..) الي ابي اسئله هل من المعقول ان انسان لما يزعل يسب ويلعن ويتندم على الساعه الي جمعتنا مع بعض ويتلفض بكلامات قبيحه كلها تجريح .واقول انا جالس معاك كذا بس الى ان القى زوجه ثانيه...ابي راي صحيح ومقنع وليس مجرد مشاركه انا الي اراه ..ياهل الي يسوي كذا ..بس يبي يتفنن في كيف يرفع ضغظ زوجته..وتنسحب وتروح بيت اهلها ويرتاح كم يوم من دونها ويرجع عادي وان اقول هذا بعدك على قلبك يلزوج صامدين.... صامدين مو عشانك عشان الجنه ..انا من ناحيتي بصبر بس وشلون اتعامل مع شخص يبي يتسلى بلهواش ..وانا مقدر قلبي الله بلخير كم يحزني عباراته وتبكيني ما بين وبين نفسي وحتى اقول لا يكون صحيح كلامه وانا تامه معه كني لزقه عزروت .... انا اقولكم احنامتزوجين من 7 سنوات او6 وعندنا 4 بنات و اللهم لك الحمد زعلنا قليل وعلى اشياء سخيفه بس علشان نكسر الروتين نتهاوش على لعبه على كاكاو على قناه الرياضه لا يحطها .. ويمكن مانكلم بعض يومين لانه هو حار جدا وانا ما احب الهواش بصوت عالي ودايم اقول بتهاوش قصر صوت والا مو مكمله معاك سبب الهوشه انا اللهم لك الحمد البس قفاز بس في السفر الطويل افسخه وافسخ الشراب وهو متعود على كذا بس في الرجعه دايم تنقلب نكد ليه؟؟ طيب انا اصلا في الروحه مالبس ويمكن افتش وجهي وهذا دايم بي في الرجعه لازم ينقلب مطوع شديد |
اختي العزيزة
بارك الله فيك و الله انك خووووووووووووش زوجة الصبر زين اصبري و احتسبي الى الله في رجال يعصبون بسرعة ويهدون برسعة بس المهم لا تتركي بيتك و زوجك حتى لا تهدم حياتك وفقك الله وهداك |
الي ابي اسئله هل من المعقول ان انسان لما يزعل يسب ويلعن ويتندم على الساعه الي جمعتنا مع بعض ويتلفض بكلامات قبيحه كلها تجريح .واقول انا جالس معاك كذا بس الى ان القى زوجه ثانيه...ابي راي صحيح ومقنع وليس مجرد مشاركه
هذا هو سؤ الي يمكن ما وضحت لك الفكره ؟؟؟ انا ما بترك بيتي واولادي وزوجي ما بطلع من بيتي بأ ذن ربي الا لقبري مهما صار لان عندي قناعه وثقه اشتدي ازمه تنفرجي هل فعلا الي يسوي كذا بس غرضه انه يبي يقهر مشكورة من قلبي على مرورك وسرعه التجاوب |
مرحبا اختي
هذا مع احترامي زوج متطير انا ما ابي ازيد شي بينكم صدقيني بالعكس اباااااااااااااااارك فيك صبرك و رزانتك و ياحظه فيك لكن اختي لازم يفهم بطريقه او باخرى انك زوجه و انسانه و الاحترام متبادل ليس الشديد بالسرعه انما الشديد الذي يملك نفسه عند الغضب باختصار .... لازم يعرف قدرك و قدر اللي عملتيه بعدين اولادكم؟؟؟ يشهدوا هالهوشه؟؟ ياويلي عليهم تحياتي و تقديري اختك : ولــه |
ماشاء الله عليك تبارك الله والله قليل من الحريم الي تفكر مثلك اسال الله ان يبارك لك في زوجك ويحفظه لك وبالنسبة لكلامه ولايهمك ولاعليك منة هم الرجال كذا لزعلوا يقولون اشيا ماتخطر على البال بس صدقيني ان قصده يغيظك وهو يعرف ان المراه مايقهرها الاهالكلام :29: لكن اقولك في ساعة صفاء وجو رومنسي والبنات بعيدات عنكم اسالية ليش هذا التجريح وحاولي انك انتي ماتستفزينة ولاتعتبرين ان الهواش يطلعكم من الروتين بالعكس الزعل يباعد بين القلوب ولاحظت شي غريب انكم دايم تتهاوشون في السفر الله يصلحكم احد يتهاوش في السفر :11: انا زوجي يطلعنا البر اخد اسبوع كني خدامة عنده ولاارد له كلمه من فرحتي :17: :17: اشلون لو سافرنا لو نسافر اخد سنة ماازعلة :23: :23: :23: **اسفة طلعت عن الموضوع لكن ذكر السفر عور قلبي ** |
شكرا على المرور والتعليق
اختي بنت الاسلام ماقصرتي وفيتي انا بس الي انا متخوفه منه اخاف اكرهه من كلامه ...وتصير حزازيه مابيني وبينه انا دايم اقوله ترى زي مافيه اداب لحديث والمشي والكلامتره هم في طرق لعبير عن الزعل هو ماعليه والله يشهد حبيب عمره ما كسر بخاطري ومجلسه ما ينمل منه والحمدالله والله يديم المحبه يارب بس عيبه لما يزعل ؟؟؟؟؟؟؟؟؟؟؟؟؟؟؟ يخرب كل شي حلو سواه لنا ... هذا الي يخليني اشك في مشاعره طول ما احنا هادين تمام بس لما ؟؟؟؟لسانه زفر انا وحده ما احب الصراخ والهواش اتحاشاه لما يبدى اعامله مثل الشايب يتحلطم ويتحلطم الين يطفي وحتى بناتي لما يطول يقولون خلاص بابا متى تخلص ؟؟؟ ....... وبالنسبه لسفر لانا في غربه ومالنا الا الله ثم هو ..اهله في بلد واهلي في بلد كل شهرين نروح لواحد منهم 5 ايام ونرد الا في بعض المرات ..نشوفينا نفرح بلطلعه زيك بس سفر مو بر وفي الخير تخرب ما شاء الله اشوف الردود نسائيه وين الرجال لانكون دسنا على الوتر الحساس عندهم |
اختي مافي احسن من الصبر والله يساعد على هالشكل من الرجال ولكي الاجر من الله
|
(قلت له والله ما اخليك انتى تنام عادي وانا الملايكه تلعن فيني ..)
اولا انتم وش قصتكم مع هالموضوع يعني معليش وين العدل الألاهي وين راح الله وين الملائكه يعني معليش لما الزوج يظلم زوجته عادي ما سوى شي والله حاله ممكن تعرفوني على ازواجكم يمكن اتعلم مواتت القلب الي عندهم شوي انا لو اهوش اقرب الناس لي والله ما اعرف انام الا وانا مراضيهم و حتى لو انا على حق وهم لا لازم اقنعهم يعني العمليه مي مستاهل وين الاحترام انت ام عياله مهب جاريه عنده يا امي ماعجبك الوضع اطلبي الطلاق وقولي ابي العيال يبي يعاند ويقول خليهم قولي طيب (عشان لا يتلككون فيهم العرسان ( من كثرهم:) ) وبعدين الظاهر انه شايفله وحيده عاجبه فيها الشيء الكثير حاولي انك تعرفين مين و حاولي انك تنسخين الشيء الي عاجبه فيها اقتباس:
راجعي نفسك وشوفي وريه انك كشخه وحركات مهب خدامه وراجعي حماتك ترى كثر الدق يفك اللحام |
بسم الله شوفي حبيبي كلامك و مشكلتك هي مشكلة كثييييييييييييييير من النساء و النا وحدة منهم شوفي يا قلبي قبل كم يوم اسمع شريط لفهم النفسيات و اتمنى انك تسمعيه للدكتور جاسم المطوع شوفي شو يقول ان الرجال مخلوق من تراب و عشان هالسبب هو شوي جاف و قاسي و كلامه جارح لأن التراب جاف و قاسي من ناحية ثانية و اقولك كلمة اعترف فيها لي احد الرجال اللي اعرفهم من الاهل انه فيه رجال لما يعصبون ما يعرفون ايش قاعدين يسوون و لما يهدون اصلا ينسون شو خبصو و الله و انا اكلمك عن تجربة و احمدي ربك يا عمري مثل ما احمد ربي انا انه على الاقل من يعصب ما يرفع ايده عليكي لأنه في رجال هذا اسلوبهم اللهم عافنا و بعدين يا قلبي تقولين انه زين معاكي و حباب و يونسك... شيء يغطي على شيء... و بس ما في مانع مثل ما تفضلت الاخت بنت الاسلام انك بقعدة حلوة من قعداتكم تكلميه و تبينيله انه هالكلام يأذيك او اساليه انت من جد تعني هذا الكلام ؟؟؟؟؟؟؟؟؟؟ و كلميه بدلع و بألم ممزوج بالدلع مثل الاطفال الصغار... عشان يحس بأنه ظالمك وعشان ينتبه لحاله انه قاعد يأذيكي ... و حبيبتي ترى عشرة 7 سنين مو قليلة الله يديمها لآخر العمر ان شاء الله لك التحية و صبرك عليه .. تحياتي |
مساء الخير عليكم جميع..اولا..ثانياً اختي جوابا على سؤالك؟
ان الانسان لما يزعل يسب ويلعن ويتندم على الساعه الي جمعتكم مع بعض ويتلفض بكلامات قبيحه كلها تجريح طبعا..لا وماله داعي بصراحه وأخطا. بس..وانتبهي من بس هاذي!!! ممكن فيه نفسه اشياء عليك او على حياتكم سواا وماهو قادر يقولها بطبعه او يصارحك فيها وعلى فكره اغلب الرجال يطلع الي داخله وكاتمه بنفسه اذا عصب!!واسأليني!!الحل اختي طبعا لازم تصبرين على زوجك و شوفي لك يوم وانتي معه او في حضنه وصارحيه بكل شي داخلك بدون صرااخ ولا عصبيه واسأليه فيه شي بنفسه جد وان كلامه آلمك ساعتها وذكريه بالزين في حياتكم وانك لازلت تحبيه و لاتمسكوا لبعض على الكلمه..وذكريه انكم وااااااااحد وبالهدوء والتفاهم والكلاااااااااااام مع بعض بكل صراحه وحب يحل كل شي.والله يوفقكم انشاء الله وتحياتي |
| الساعة الآن 08:13 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©