اراضيه ولا اصبررررررر حتى يراضيني
 

السلام عليكم ورحمة الله وبركاته000
في البدايه أحب أشكر القائمين على المنتدى وأطلب من الله أن يكون في ميزان حسناتهم0
اول مره اشارك في المنتدى ارجو انكم تتقبلوني وحده منكم لأني بصراحه معتبرتكم اسرتي في غربتي
واحب اشاوركم في مشكلتي لأني اتوسم فيكم العقل الراجح الي احنا محتاجينه هاليومين00
مشكلتي باختصار000
كنت زعلانه مع زوجي وهاجره فراشه بسسبب خلاف وكنت متوقعه انه يجي ويراضيني لكن ما كتب الله وطالت المده حتى صار لها شهروفي خلال الشهرحاولت ارسله وفكرت بالطلاق وطلبت بيت لوحدي المهم الي صار اني في النهايه قلت يابنت الحلال قومي واستسمحي من ابو العيال ومالك الا هو واصبري على الحياة 0كتبت له رساله بينت فيها اسفي وعزمته على العشا بمطعم ولليله في الفندق 0
ابن الحلال ما صدق خبر على طول جا وحبني وسامحني وقبل العزومه0
الي صار ان اخته كلمة وقالت بتجي,,, طبعا تفركشة العزومه قمت بالواجب وسوية العشا وتعشينا بعد السهره فاجئني بطلبه0 طلب مني اجهزله العزبة للبر يبي يروح الفجر الصراحه الصدمه كانت قويه تونامالنا 24ساعه متصالحين ,,,, في البدايه ضاق صدري وبغيت ازعل بس ملكت نفس وصليت ركعتين ورجعت له بعد ما شلت اغراضي وبغيت انام عند العيال00000
مادري انا مخطيه ولا هو ياليت القى عندكم حل000وسلامتكم

اول شئ عزيزتي مايجوز انك تهجرين زوجك او هو يهجرك اكثر من ثلاثة ايام
ثانيا:بالنسبه لاول يوم بالصلحه وقرر يطلع للبر
لاتزعلين حبيتي وحطي في راسك ان احنا النساء نحس اكثر من الرجال وهو الي قاله لك بخصوص تجهيز اغراضه شئ عادي انكم تصالحتوا وهذا المهم خلاص بيكمل حياته
صدقيني ومن واقع خبرات مؤلمه صرت خبيرة بهالامور
احيانا الرجل يفعل او يقول اشياء هو يشوفها عادي واحنا نشوفها مصيبه
بس لما يجي يطلع او يروح لاي مكان وتكوني عارفه من فترة اتكشخي وخلي لبسك يبين محاسنك واتعطري وحطي مكياج خفيف واتلزقي فيه وبوسيه وقولي له اهون عليك تروح وتخليني من غير حبيبي وعمري وزوجي
وش يسوى الوقت من دونك
صدقيني الرجال مايجيبهم ويوديهم الا الكلام
الكلمه الزينه تجيبهم والكلمه الشينه تبعدهم
لكن مو كل شئ يصير معك تتركين البيت كذا تخلينه يتعود على بعدك ومايهمه موجوده او مو موجوده
واياك اياك تنامون وانتو زعلانين على بعض اجلسي ناقشيه لحد ماتوصلون لحل وتنامون بحضن بعض
ياحبيبتي ماتسوى هالدنيا لو لاقدر الله واحد مات منكم وهو زعلان على الثاني الواحد مايضمن عمره

شكرا اختي على ردك وقوفك جنبي بس انا ما تركت البيت انا كنت انا مع اولادي000 ودي اسأل كل الرجال عندهم عدم مبالات وهل كثرت الجروح الزمن كفيل بمداواتها لان الكلام معه ماجاب فايده ابد,,,ادعو لي ان الله يصبرني 00الله ياقف جنبك بكل محنه ويسهل عليك يارب يااخت عجميه

اختي العزيزه
بصراحه حركه قويه ....والله يعينج
تكير الجل يختلف عن تفكير المرأه ...الظاهر انك حلمت باسبوع رومانسي... ولكن بالمقابل زوجك راح تفكيره على البر ....خلاص مدام تصالحتوا ما يشوف شر المهم بيتك و زوجك و عيالك.... و الايام جدامكم انشالله كلها بتكون رومانسه...
والله يوفقكم
دوووووووووووووت

لا تكدرين خاطرج ...يمكن زوجك من الرجال اللي ما عنده اسلوب ...يعني اكيد من كثر ما هو فرحان عشان تراضيتوا ..بروح البر ...
لكن لا تزعلين ..ومثل ما قالت وحدة من الأخوات مب كل ما تزاعلتوا انتي وزوجك ..ورحتي وسبتي البيت ما ينفع . ترا الرجال ولاهمهم شيء ..يعني عادي يروح ويجيبلك ضرة ...عشان كذا ..اذا تزاعلتوا ثاني مرة لا سمح الله ..لاتسيبين بيتك ..بالعكس حاولي انج تمين ووتتراضون ..تصلحي له وتعطري والبسي احلى ما عندج ....يعني من هالأساليب
ترا حلو انكم تتزاعلون وترضون ....الحياة تتجدد .صح
المهم الله يوفقج ويسعدج ويحنن قلب زوجك

كلام العجميه عين العقل فعلا بعض الاحيان الرجال تقول او تتصرف باشياء تكون عفويه

وهم يشوفونها عادي ولكن انتو الحريم تشوفونها مصيبه .


زين انك تصالحتي وبادرتي بالتصالح لأنه يا اختي الحياه الزوجيه تحتاااااااج للتنازل

موكل مره هو يجي يراضيكي انتي بعد لازم تصالحينه الحياة الزوجيه تحتاج للتضحيه

والتنازل .

اهم شي لاتخليه يتعود على بعدك وتقاطعينه شهر كامل هذي بتخلي فجوه بينكم وحاجز

بعدين صعب حياتكم ترجع طبيعيه مثل قبل .

اذا كرهتي انسان او زعلتي منه حاولي تشوفين الاشيا والنواحي الايجابيه اللى فيه

وتذكري كيف كانت حياتكم اول الزواج ولاتفكرين بالطلاق ابدا .

اخيرا حاولي تخلينه يحب القعده بالبيت ومايحب يطلع باساليبكم السحريه تقدرون تسوون

هالاشيا

أختي dot
يارب احنا وأنت وجميع المسلمين نعيش الرومنسيه000
alwa7eodaa
بس ودي اعرف يحبني ولا تصرفه يدل على عدم الحب
ضاحي
كل مره أنا اتنازل من 9سنوات زواح وياليتني ما اتزذكر ايام الزواج لانها كلها مر بمر0
الله يعافيك تقدر تقولي الاساليب يمكن الاقي عندك الحل
والشكر لتفاعلكم معي,,,,,

لو مايحبك كان مافرح لما دعوتيه للعشاء
ومافي رجل مايحب زوجته ويجلس معها عمرة كله
اتعوذي من الشيطان وادعي له بالهدايه

اختي الغالية ام الحب ...

في رايي بعد 9 سنوات زواج مافيها شي لوغير جو وطلع وفي رايي هاذي فرصة عشان يتجدد الحب بينكم ويسشتاق لك .. احنا الزوجات تفكيرنا غير عن الازواج احنا بعد ماشاءالله 9 سنوات نتعلق فيهم زيادة ونصير مانستغني عنهم بس في رايي انهم غير يملون بسرعة ... وفي نفس الوقت بتكون عندك فرصة اتغيرين اي شي في البيت أو تغيرين حتى شعرك وانت الله الله بالكشخة

ولما يطلع قولي له انت اول مابتطلع بتنقطع الكهرباء طبعا هو بيستغرب !!!! وإذا سألك قولي له حياتي وانت غايب عنها ظلما في ظلما عساني ماانحرم منك ياشمعة البيت والدنيا كلها ومن هالكلام ..

وصدقيني الزوجة لازم اتكون مرنة قد ماتقدر عشان ماتخسر زوجها وتحافظ على حبه لها وعلى بيتها وان كان الواقع مر بس لازم نتقبله والا شنو رايك ؟؟؟

أشكرلكم ردودكم أخت عجميه ودمعة ألماسه بس حابه أقولكم شي ,,من خلال ردودكم حسيت انكم ما فهمتوالقصد..هومو أول مره يروح البر ولا أول مره حتى يسافر سافر وخلاني مغتربه عن اهلي وانا مالي اسبوعين متزوجين ,,,وبعدين روحته يوم واحد يعني مو صعبه مره0
انا زعلانه على تطنيشه الموقف وهو ماله اسبوع رايح ونايم هناك 0اما من ناحية التغير أنا ساكنه مع اهله بنفس البيت والحاله الماديه وسط يعني ما اقدر اغير في الغرفه كثير اما من ناحيت الكشخه اسوي الي أقدر عليه0ولوكان اهلي عندي ما زعلت كان سليت نفسي معهم0
انا حاسه ان ربعه اخدين كل وقته ,ودي احس بالاستقرار ودي اسافر ان وياه بروحنا من غير اهله او ربعه0اتمنى لو اطلع البر ساعه انا وهو والاولاد وبس...ياليت تكونو فهمتوني....