لا أطيق زوجي
 

أخواني وأخواتي,
هذه أول مشاركه لي ... وأتمنى منكم المساعده ...
تزوجت من 3 سنوات من شخص أحبه ويحبني وكنا على علاقه من قبل الخطوبه ... الخطوبه استمرت 3 سنوات ... لكن في فترة الخطوبه بدأت بينا مشاكل كثيره اغلبها بسبب أختلاف العادات بين العائلتين ... وكنت في كل مره احس اني ما اقدر اكمل معاه بهذا الشكل لكن حبنا وتمسكه بي يرجعني ... حتى الزواج كان بضغط مني ودايما احس ان هو ما عنده مبادره لي ... المهم بعد الزواج وفي شهر العسل انصدمت بأنه ما يعاشرني كثير وبلهف مثل ما توقعت ... بالعكس حتى اذا انا بادرته قال انه تعبان ... استمر الوضع كذا ... وكان ما يعاشرني غير في الشهر مره ولا مرتين ... بالإضافه لمشاكل ماديه كان يخلقها لي ... وحتى اذا ساعدته لازال يعتبرني مقصره ... واذا اصرف على نفسي من راتبي يتضايق ... وانا بعد صرت عصبيه وصارت تصرفاتي ردود فعل قويه ... وبعد ما حملت تعبت كثير بس هو اهملني ... وصار يزيد علي المشاكل ... وبعد الولاده اكتشفنا ان الولد مريض واحتاج لعمليه كبيره ... يعني احنا الإثنين كانت نفسيتنا تعبانه ... الحمد لله نجحت عملية الولد وصار الولد يكبر ... بس كان دايما يحسسنس اني ما اعرف اهتم بالولد وانه يخاف عليه اكثر مني ... ولا كاني امه ... وبعد ما كمل الولد سنه جاني عرض من الدوام لدوره مدة 6 شهور خارج البلد بس ما مسموح اخذ ابني ... واستخرت وسافرت ... وكان الولد مع ابوه واهل ابوه ... في السفره اكتشفت اني كنت مهزوزة الثقه وعصبيه وتحولت لأنسانه واثقه من نفسها وهادئه ونشيطه وحركيه واحب التغيير ... والكل كان يقدرني ... وزوجي ما كان معطني اهتمام كبير ... بعد ما رجعت صرت احس اني ما اطيقه ولا اطيق كلامه ولا معاشرته ... حتى استقباله ما ارضاني ... هو الحين طيب بس انا ما اطيقه ... شو اسوي ساعدوني ... مع اني قبل ما ارجع دخلت المنتدى هذا عشان اغير من طبيعتي معاه بس الحين ما ابيه؟!!!!

تصارحوا ... واجلسوا جلسة مصارحة وضعوا خطه لحياتكم الجديده
كيف تتم المعامله بينكم ؟ ومع الولد؟
الله يعينك بس !!

اختى الكريمه

انك تحتاجين الى ترجعين الى نفسك وتعيدى حسابتك مع نفسك

ثم بعد ذلك اجلسى معه جلسه بكل عقل وحكمة وتصرف

وان شاء الله يصير كل خير

المشكله انه وعدني بالتغيير ...وبأشياء كثير في فترة سفري .... بس لما رجعت لقيت كل شي مثل ما هو .... ولما حاولت اتكلم معاه قال التغير بيكون مع الوقت ... وبس هو يقفل الباب لما انا افتحه ... كيف ممكن اتكيف مع شخص رافض الحوار معاي ... يتوقع مني اسمع له في مواضيع ما تهمني لكن في اللي يهمني ما يبي يتكلم